搞凡是派就唔衰就有鬼

自10月20日，老味男發表凡是派再生偉論，話凡是反黃反馬的，都是共產黨的同路人，就知呢鋪投票，任亮憲係唔會成功。

小弟對社民連內鬥無乜興趣，但係老味男話凡反黃反馬嘅都係共產黨同路人之後，而成個「內鬥」根本係唔講理據，只講抹黑同人身攻擊時，作為追求民主嘅人，都無人想再睇毛澤東、林彪嘅翻版出現於人世，呢個投票結果證明群眾唔係傻嘅。

政見不同係無問題，但搞到有人搞文革式鬥爭果陣，大家諗清楚究竟發生乜事。事實上，除咗問卿姐追數（高登成功爭取八號風球都係要為用魔咒找數，更何況卿姐未成功爭取八號風球），以及狙擊馮煒光（你話民主黨邊個真係投咗共，你睇馮生啲偉論，唔狙擊佢都對唔住自己喇），泛民群眾共識好簡單，先搞掂咗最大嘅敵人：共產黨先講。