有什麼比開戰後隨即簽經貿協議更糟的事

「中 國 與 北 韓 今 日 於 平 壤 簽 訂 經 貿 合 作 協 定
2010-11-23 HKT 20:34
新 華 社 報 道 ， 中 國 和 北 韓 經 貿 代 表 今 日 在 平 壤 簽 訂 兩 國 政 府 經 濟 貿 易 合 作 協 定 。
以 商 務 部 副 部 長 王 和 民 為 團 長 的 中 國 政 府 經 貿 代 表 團 ， 與 北 韓 政 府 經 貿 代 表 團 ， 在 平 壤 舉 行 經 濟 、 貿 易 和 科 技 聯 合 委 員 會 會 議 。

雙 方 就 進 一 步 發 展 兩 國 經 貿 合 作 深 入 交 換 了 意 見 。 會 議 結 束 後 ， 雙 方 簽 訂 兩 國 政 府 經 濟 貿 易 合 作 協 定 等 文 件 。

北 韓 副 總 理 姜 錫 柱 在 平 壤 萬 壽 台 議 事 堂 會 見 中 國 代 表 團 。 」

中國新華社可以在數天後才報導這件今天，但偏選今天來報導，即暗示中國支持北韓對南韓開戰，要嘛新華社有人是傻的，要嘛新華社有人是無間道，要嘛就是胡錦濤授權北韓作出挑戰美國行動。

所以大韓民國李明博，由原本不欲擴大戰事，改口至如果北韓持續下去，就會攻擊導彈基地，大概大韓民國的判讀是：這次開火可能有中國撐腰。

那俄羅斯突然願意在導彈防禦系統上，與北約合作也不難理解。

唔好講笑，真係開拖

藍色島嶼為延坪島，圖片：維基媒體基金會

「北 韓 向 延 坪 島 發 炮 多 人 受 傷 　 南 韓 軍 方 進 入 最 高 戒 備 狀 態
2010-11-23 HKT 14:38

南 韓 西 部 延 坪 島 海 域 ， 據 報 受 到 最 少 200 枚 北 韓 炮 彈 襲 擊 ， 南 韓 軍 方 開 火 還 擊 。

南 韓 聯 合 通 訊 社 報 道 ， 最 少 4 名 南 韓 軍 人 及 多 名 平 民 受 傷 ， 南 韓 國 防 部 宣 布 進 入 最 高 戒 備 狀 態 ， 派 出 戰 機 在 西 部 海 岸 戒 備 。

事 發 在 本 港 時 間 下 午 1 時 許 ， 南 韓 傳 媒 報 道 ， 炮 彈 擊 中 民 房 ， 有 大 約 60 至 70 間 房 屋 起 火 ， 有 數 間 民 房 倒 塌 ， 電 力 供 應 停 頓 ， 居 民 緊 急 疏 散 。 」

咁嘅火力，咁嘅傷亡，正常嘅人都唔相信係意外，呢次係同1941偷襲珍珠港一樣，屬於不宣而戰行為。

由於南北韓，中國人民志願軍（查實係中國人民解放軍，但由於避免將戰事捲入中國，所以大家都承認呢個搏懵稱號），同埋聯合國只係停火，北韓咁玩法，亦即係即時觸動南北韓戰爭，理論上，南北韓己經開咗拖。

呢鋪唔只花生唔夠派咁簡單，如果北韓做陶國能，乜事都可能發生，但可以肯定中國東北以及北京附近地區會亂到九彩，因為可能大批難民湧入。總之，呢鋪唔好講笑。

打擊炒樓打條毛？

政府先排推出打擊炒樓措施，狂加印花稅，最初小弟都以為係食砒霜杜老虎嘅做法，只不過，諗深一層，打擊炒樓？益咗會計師行同律師行就有。

查實，依家大家喺土地註冊處見到嘅成交紀錄，小弟可以稱為小規模成交紀錄，因為呢啲一般唔係公司持貨，或者公司小規模散貨後交易結果。有一類交易，無辦法喺土地註冊處見到，就係持有幾個單位嘅業主，以有限公司名義揸貨，之後就賣咗間有限公司股權，咁樣嘅轉讓要去公司註冊處查（如果香港註冊），但如果係BVI公司，你真係查條毛。

所以咁狂加印花稅嘅結果，就係益咗搞空殼公司果啲公司，依家用緊空殼公司揸貨嘅友仔，仲簡單，佢地依家連殼賣，成個交易流程變咗係會計師出手，地產經紀佔一個比較次要嘅角色。以往小市民唔會用呢招，因為成個流程好煩，要搵會計師幫手，做嘅律師亦唔係樓契律師。只不過，依家加稅加成咁，啲律師同會計師實有計嘅。離婚，債務重組IVA都可以搵律師行成個套餐咁做，有乜嘢唔可以套餐做？