保守黨嘅首相David Cameron,竟然為咗cut budget,同法國簽共同防衛協議,佢嘅做法喺疑歐派眼中,衰過唔駛公投通過里斯本條約,相信國會裡面班backbencher肯定玩嘢,寧願支持工黨個航母計劃,都唔會支持呢個計劃。
只不過,如果知道英國軍工發展史都知,法國一路食緊英國嘅軍事工業公司,英法聯軍係英國自己放棄發展軍事工業嘅結果。
最典型例子應該係Racal公司,Racal公司係英國第三大電子公司,本來係軍工方面嘅大公司,只不過後來Racel投資流動電話,出現流動電話公司仲大過軍工公司嘅情況,果間流動電話公司就係今日大家熟悉嘅Vodafone plc,由於Racal喺電子上獨力難支,就賣咗俾法國Thomson-CSF,合組今日嘅Thales,而Thales係法國政府有持股嘅公司。之後Thales仲收購唔少英國嘅軍工企業,以依家嚟講,真係純英資嘅軍工巨人,就剩番由GEC防衛部門同British Aerospace合併成嘅BAE Systems,但BAE喺航天領域上,都退出咗Airbus嘅股權,剩番係仲有法德為主EADS合作Eurofighter。
英國喺軍事上,慢慢要同歐洲結合,係疑歐派都改變唔到嘅事實。