英法聯軍？

保守黨嘅首相David Cameron，竟然為咗cut budget，同法國簽共同防衛協議，佢嘅做法喺疑歐派眼中，衰過唔駛公投通過里斯本條約，相信國會裡面班backbencher肯定玩嘢，寧願支持工黨個航母計劃，都唔會支持呢個計劃。

只不過，如果知道英國軍工發展史都知，法國一路食緊英國嘅軍事工業公司，英法聯軍係英國自己放棄發展軍事工業嘅結果。

最典型例子應該係Racal公司，Racal公司係英國第三大電子公司，本來係軍工方面嘅大公司，只不過後來Racel投資流動電話，出現流動電話公司仲大過軍工公司嘅情況，果間流動電話公司就係今日大家熟悉嘅Vodafone plc，由於Racal喺電子上獨力難支，就賣咗俾法國Thomson-CSF，合組今日嘅Thales，而Thales係法國政府有持股嘅公司。之後Thales仲收購唔少英國嘅軍工企業，以依家嚟講，真係純英資嘅軍工巨人，就剩番由GEC防衛部門同British Aerospace合併成嘅BAE Systems，但BAE喺航天領域上，都退出咗Airbus嘅股權，剩番係仲有法德為主EADS合作Eurofighter。

英國喺軍事上，慢慢要同歐洲結合，係疑歐派都改變唔到嘅事實。

不如用特首錦鯉池養牛

「陳 淑 莊 要 求 曾 蔭 權 收 回 「 放 牛 論 」 並 道 歉
2010-11-03 HKT 19:42
行 政 長 官 曾 蔭 權 表 示 ， 會 確 保 商 界 有 足 夠 的 商 業 用 地 經 營 業 務 。
他 出 席 商 界 午 餐 會 時 ， 有 商 界 投 訴 本 港 甲 級 寫 字 樓 供 應 不 足 。

曾 蔭 權 說 ， 正 就 政 府 總 部 未 來 用 途 諮 詢 ， 建 議 中 座 及 東 座 保 留 ， 西 座 則 改 作 商 業 用 途 。

他 提 及 ， 有 從 政 人 士 要 求 西 座 也 要 保 留 ， 並 笑 說 「 用 來 放 牛 」 ， 他 希 望 商 界 多 表 達 意 見 。

公 民 黨 陳 淑 莊 發 表 聲 明 ， 促 請 曾 蔭 權 收 回 「 放 牛 論 」 並 道 歉 ， 她 認 為 特 首 在 諮 詢 期 間 發 表 帶 傾 向 性 言 論 ， 是 嚴 重 干 預 。
」

陳議員，不必發怒，特首可能心念香港多賣進口牛奶，甚少有益健康本地鮮奶，因此，提出將政府總部西座拆卸養牛。

查實上亞厘畢道禮賓府用作飼養錦鯉之地，更適合養牛之用，加上在香港歷史上，附近藝穗會及外國記者會所在地，本為提供本地牛奶的倉庫，更顯得禮賓府之地人傑地靈，所出的牛奶一定香滑可口，更會令遊客光臨，促進香港旅遊業。因此，小弟謹向特首建議，將禮賓府錦鯉池之地撥作放牛。相信作為放牛論的作者，特首一定不會推卻。

周一鑊都話有可能犯法喎，點睇先

周一鑊接受亞視採訪

嗱，依家周一鑊都話有關做法可能犯法，政府好少咁樣主動放聲氣。依家就睇，黃仁龍究竟想點，因為周一鑊都講得幾清楚吓。

回帶
黃世澤：代母︳乜得嘅咩？2010年10月27日

黃世澤：借肚生子涉嫌違法 2010年10月29日香港蘋果日報

朱玲玲，你咁就想事件完結？

「霍 啟 人 醉 駕 危 駕 判 社 會 服 務 令 　 朱 玲 玲 稱 事 件 已 完 結
2010-11-03 HKT 10:42
已 故 全 國 政 協 副 主 席 霍 英 東 的 孫 兒 霍 啟 人 ， 因 為 醉 駕 危 險 駕 駛 ， 在 東 區 裁 判 法 院 被 判 160 小 時 社 會 服 務 令 ， 停 牌 一 年 ， 未 來 三 個 月 需 要 參 與 駕 駛 改 進 課 程 。
他 較 早 前 已 承 認 控 罪 ， 母 親 朱 玲 玲 在 判 案 時 亦 有 到 場 陪 伴 。 她 在 庭 外 表 示 ， 事 件 已 經 完 結 ， 是 好 事 。

裁 判 官 在 判 案 時 表 示 ， 今 次 罪 行 嚴 重 ， 香 港 是 一 個 細 小 的 地 方 ， 醉 酒 是 沒 有 藉 口 不 乘 坐 的 士 ， 法 官 又 表 示 ， 被 告 有 良 好 的 教 育 背 景 ， 並 真 心 悔 改 ， 故 判 處 社 會 服 務 令 。

案 情 透 露 ， 案 發 於 今 年 7 月 中 ， 霍 啟 人 駕 車 沿 港 島 半 山 般 咸 道 失 控 ， 剷 上 行 人 路 ， 撞 毀 鐵 欄 ， 被 揭 發 醉 駕 。 」

霍啟人醉駕明顯危害公眾安全，點解唔駛坐監，社會服務令160小時就得，而楊匡「豆腐襲警」，就要坐十四天監，邊個要聽鐵窗聲音多啲？乜嘢叫良好教育質素？呢啲無家教撞車就叫良好教育質素？

係唔係香港市民要集體寫信到律政司，要求律政司上訴到高等法院，為醉駕呢類罪案定立一個判刑指引？唔通由得果啲裁判官亂咁判？