政府呃人衰過寶藥黨

圖片由民主黨乙明邨社區主任丘文俊提供

「街坊到機場博覽館觀看清明上河圖，在等候區看到政府設立的一攤位，佈景板大字標題”以微笑支持香港運動員”，可以免費影相後打印出來，街坊於是排隊影相，影完後獲贈一張A4打印紙。

一看，竟然發現自己相片多了一行『支持香港申辦2023年亞運會』的字句，變成了支持香港申辦2023年亞運會。市民直呼上當受騙，因為佈景板標明是『以微笑支持香港運動員』，並非支持政府申辦2023年亞運，而政府的做法十分無恥，騙市民影相以支持申辦亞運。
」

離晒大譜，曾德成用埋晒啲咁嘅仆街手段，偽造民意，仲成世界？好彩丘文俊醒目，影晒成單政治騙案過程，並且四處散發圖片，否則香港人真係懵盛盛，走去燒銀紙支持亞運。

唔通又有中共唔知邊路膠人，想搞又呃錢又呃牌嘅「奧」運會，未申辦亞運，己經用埋啲咁嘅「奧」步去呃香港人嘅錢。如果奧運有項目叫奧步，一定要派曾德成過去，茅到成咁佢真係掂過碌蔗。

為何特膠政府政策被KO？

繆美詩：學習甚麼？

特膠政府政策經常被KO，都唔係乜新聞。有啲政策被KO，當然同官員無腦有關，將軍澳垃圾堆填區膠到差啲引發憲法危機係一大例子，所以林忌提出強制高官驗腦計劃值得推行，過關嘅就送啲官去北韓，做金正恩嘅官幾年，如果唔被槍斃咁好彩就接返香港，唔過關就直送將軍澳堆填區處置就得。

只不過，有啲政策係同官員無研究有關，Rachel講果幾單被KO政策中，慳電膽同埋停車熄匙兩役，都係小弟有份出手KO，我諗我可以分享一下，政策被KO嘅一啲經驗。

1. 唔一定要有黃蘊瑤嘅超人意志，但都要有日本當代度量衡之父市川又三嘅意志，有機會向立法會事務委員會表達意見，迫政府接納民間反對方案。市川又三用自己嘅錢，自已嘅時間，來往東京就係研究各國度量衡制度，寫咗一份《尺度之議》嘅建白書，之後再喺明治政府要求下寫咗份《尺度之再議》嘅建白書。明治政府最後喺明治七年，一統日本亂七八糟，硬膠到連生意都做唔到嘅度量衡制度。如果無呢個意志，停車熄匙、慳電膽政策邱騰華條友係唔會收工。

2. 政策研究一定係要詳細，參考各國政策利弊。好似停車熄匙一役，小弟拎出多倫多嘅法例KO邱騰華，但小弟事實上研究涵蓋英國、美國多個城市、台南等地嘅相類法例。又好似慳電膽，小弟除咗篤爆弊案咁篤，歐盟對電燈膽嘅節能政策，以至慳電膽可能對環保嘅危害全部係有研究。依家唔係市川又三嘅年代，事實上係要用Google幫手。

特膠政府政策係可以被KO，正如Rachel講，要係意志同充分準備。小弟對有鏡頭嘅地方出現無興趣，只會有興趣KO膠到阻礙生活嘅政策。

日本明治年代，喺民選議會成立前，正係透過民間上呈嘅建白書，推動民生上嘅改革，當然最好係有全民普選嘅議會，但未有之前，人仍然要生活，呢個要意志去KO果啲政府提出嘅膠嘢，特別特膠政府嘅官普遍個腦都有問題。