超越過去是同時向藍綠講

我很避免以選戰廣告來判斷或總結一場選戰，特別結果未料時。但這場街頭氣氛很冷的選戰，沒有什麼比蘇貞昌嘅電視廣告，更加講出這場選戰嘅本質。

不論國民黨定民進黨，敵人都是他們的「過去」以及「政治運作方式」。

民進黨要超越，是陳水扁那種動輒玩煽動政治玩到走火入魔嘅玩法，成個廣告無鬧對家點點點，甚至有自己都鬧埋，以及為陳水扁年代道歉嘅成份。但如果這次蘇貞昌、蔡英文將新北、北市取下來，相信那些靠激搏上位嘅政客應該，但講嘢連論點邏輯都未搞清楚嘅朋友，應該到此為止。呢個，比2000年超越悲情更重要。當香港以為陳水扁嘅玩法好好玩果陣，民進黨己經試圖拋棄呢套對台灣副作用唔細嘅方式。

國民黨要超越是地方派系綁架，同埋，佢地能否同民進黨一齊離開陳水扁年代。事實上，炒作扁案己經出現副作用，呢啲炒作舊帳嘅作為，隨著蘇貞昌廣告溫和咁講出佢地問題，變成咗史前化石，如果國民黨仲留喺陳水扁年代，大家諗吓呢樣係唔係藍綠選民同時想要？特別民進黨，呢次無對所謂台灣人悲情提出嚟，提出超越對立，你走去製造對立就好硬膠（但好明顯，國民黨喺報紙賣果堆廣告，中晒計）。

民主政治係要長大，特別台灣將要面對，係共產黨生命將臨終結時巨大不穩，玩唔起任何對立，兩個黨嘅體質亦需要提升。但小弟對國民黨特別擔心，到呢場選戰為止，小弟仍然未睇到任何足以喺後馬英九年代可以擔當大任嘅人，呢個人應該要喺呢次選戰就要出嚟，但小弟見唔到，呢個對台灣民主政治嘅可持續發展，一啲好處都無。甚至可以咁講，如果香港或台灣或海外，有人想追求大政奉還中華民國呢個理念嘅話，呢次選戰輸咗未必係壞事，仲馬英九仲喺度，應該問佢：有無一個國民黨提拔人才嘅計，為未來一百年鋪路。

國民黨隨時遭到滅頂式慘敗？

喺未來事件交易所，三張新北市嘅合約中，兩張出現咗黃金交叉，亦即蔡英文嘅盤價高過朱立倫。另一方面，喺北市嘅買賣盤亦出現蘇貞昌開始穩定領先嘅情況。

一方面，小弟唔排除藍營支持者，有可能玩「怪招」式賭盤，為保住馬英九總統大位，不惜投票俾蔡英文同蘇貞昌，「綑綁」住民進黨嘅戰鬥力。另一方面，國民黨亦明顯打到失去方向，連話蘇貞昌上台後不久就會辭職選總統嘅膠嘢都講得出，一嚟提醒藍營選民「投綠等於投馬」可能性（雖然我懷疑有人專登），另一方面，民進黨喺極力維持選戰格局喺市政能力對決下，國民黨咁打即係無牌打，大家諗到會點。

如果國民黨輸咗北市或新北叫敗，恐怕呢次唔係無四都落入民進黨手中的可能性。