因張伯倫硬膠，所以要打英國？

大家都知，希特拉胃口越嚟越大其中一個助力，正係張伯倫嘅綏靖政策，因為喺慕尼黑會議，張伯倫膠到信咗希特拉條友，賣咗捷克，結果搞到英國要準備同德國決一死戰。

好啦，你聽過因張伯倫硬膠，所以法國唔係要打德國，而係要打英國嘅邏輯未？如果真係咁膠，我諗成個歐洲依家仲係希特拉統治緊，大家仲點可能拎希特拉玩完又玩咁過癮。

但係呢個城市啲人，邏輯零舍妙，依家何俊仁做咗張伯倫，唔係應該話俾民主黨聽要「重整武裝」，甚至期望有民主黨邱吉爾，團結一致對付希特拉咩？

中共見到依家香港膠成咁，應該會開懷大笑。

最不能搞政治婚姻是日本人

中國人很多政治手段，日本人都學到手，甚至青出於藍。但唐代「和番」，亦即借政治婚姻嚟鞏固日本對外政治力呢種手法，由幕末到大韓帝國到滿洲，差唔多鋪鋪都搞到嫁過去嘅女人，全部盡忠於對家。

1. 幕末天璋院：天璋院係薩摩藩養女，嫁入幕府後，反而徹底以幕府女人自居，成為幕府能夠談判無血開城嘅談判籌碼。
2. 大韓帝國李方子：李方子本屬皇族，嫁入大韓帝國皇室後，反而入大韓帝國為祖國，後嚟亦入籍大韓民國。
3. 滿洲帝國嵯峨浩：嵯峨浩直頭係貴族，佢選擇入籍中國，陪愛新覺羅．溥傑陪到底。

呢個，當然同日本文化有關，中國女人嫁入夫家，如果係政治婚姻，會忠於自己父母多於丈夫，但日本三個例子都咁搞法，大家諗到同日本文化中女人嘅睇法有關。所以呢，如果搞政治婚姻呢招，中國人用得著，但日本人睇嚟都唔多啱駛。當然依家國際政治，少咗好多政治婚姻，呢個係民主政治嘅好處。

明串中國

己死

小弟唔知呢個係唔係Simpson真係出過咁正嘅intro，只不過唔理係惡搞定official都好，寸到中國一棟都無，都堪稱傑作。

iPhoto 11升級前請更新

小弟承認，改咗用64-bit嘅iPhoto 9（即係iLife 11）速度係快咗好多，順暢好多。證明全64-bit化，可以帶嚟最好嘅效能。

只不過呢，如果你係舊iPhoto用家，一定要先去Apple網頁，下載iPhoto 9.0.1至好升級你嘅相片資料庫，否則你好頭痛。

因為iPhoto 9.0.0喺處理舊iPhoto database裡面果啲permission上亂晒大籠，造成你升級資料庫時會hang住，如果話會損失資料，情況係誇咗少少，但用極都用唔到都夠你煩足一晚。

所以，升級唔好急，特別Apple似乎永遠都係第一水會有鑊氣。