真係夠大煲嘅現象

市　別	國民黨	民進黨	無黨籍	親民黨	新黨	台聯	總計
台北市	31	23	2	2	3	1	62
新北市	30	28	8				66
台中市	27	24	10	1		1	63
台南市	13	27	17				57
高雄市	29	28	8	1			66
總計	130	130	45	4	3	2	314

以上圖表由自由時報製作。

我諗，對國民黨嚟講，呢個至係真正惡夢。

國民黨以往就算輸咗縣市長選舉，都可以把持縣市議會嚟制衡綠營，一般嚟講，民進黨同國民黨好少分庭抗禮，但依家係除咗台北市真係穩如泰山，民進黨控制台南市，基本上台南民進黨搞乜都無人郁佢。而新北、台中都係平手戰，台中仲要議席大幅成長21%，高雄就成堆無黨籍人士，只不過高雄果堆「無黨籍」，有一件係陳致中，真係我都唔知國民黨有無諗過地方基礎大流失嘅問題。

仲有一樣嘢，唔好當陳水扁係死人：

「〔中央社〕儘管前總統陳水扁官司纏身，身陷囹圄，但對深綠民眾仍有一定的號召力。在這次5都選舉中，除兒子陳致中高票當選外，「一邊一國連線」成員也有多人當選市議員。
5都選舉結果揭曉後，「一邊一國連線」輔選團副團長陳昭姿表示，一邊一國連線成員41名，有36名當選，當選率高達8成8，她對此結果「非常滿意」。
」

2012年呢場仗，真係夠晒精彩，唔好賭到飛沙走石，搞出硬膠就好。

台中決定2012

呢次選舉，可謂小弟少數對綠營跌眼鏡嘅選舉。當大家講緊政黨勝負果陣，小弟有啲擔憂，不妨初步分享。

1. 由高雄陳菊大勝（民進黨將楊秋興票全部當藍營投，但事實上，有啲高雄縣民，係綠營支持者但會投楊秋興，事實上楊秋興應該代表親民黨 + 綠營高雄縣部分票就啱），台南賴清德一面倒，仲要綠營重心兵力唔喺南部。ECFA之後，南台灣藍營再難經營係肯定。

2. 高雄市議員選舉，陳水扁個仔陳致中，被人狂唱叫雞都第一名當選。可以睇到，喺南台灣，陳水扁係佢地嘅英雄。再搵扁案抽水，就係北台灣效果一流，但喺南台灣抽中鏹水。加上連勝文都不幸被槍擊，所以我建議，藍營無必要再抽扁案水，雙刃劍嚟，好難用。

3. 新北同台北，雖然打得好靚，但蔡英文最後時刻火控失敗，結果就由贏變輸，呢個會影響民進黨會唔會繼續走中間路線，定係北部維持基本盤算數。

4. 小弟同林忌，以至其他喺當地嘅評論員交換過意見，依家台灣出現咗唔問實績，唔問實際政綱，只問政見相同嘅情況，呢股陳水扁年代遺風，喺藍綠之間都揮之不去，咁樣會出現各走極端狀況。

5. 而中部台中市，以及民風慓悍著稱彰化縣和雲林縣，將會喺2012決定勝負，因為雙方各自回歸基本盤，咁樣就好似2004年咁，由呢三個縣市嘅「游離人士」決勝負，只不過彰化偏藍，雲林偏綠，結果最終係台中決勝負。但果度嘅地方派系，講緊果啲人馬就⋯⋯藍綠都唔係，而係鎮瀾宮。

即係話，除非馬英九禁晒啲地下賭場佢，否則乜嘢膠事都可以發生，我唔曉估。
（如果大家睇得明呢篇文，應該估到，點解連勝文咁唔好彩，竟然要食子彈。而依家台灣政治其中一個硬膠關鍵係，一啲做事章法完全你估計唔到嘅地方人士，我發現估計選舉結果隨時同寫馬經無分別）

北北中全面繃緊

小弟好快會離開休息嘅地方，前往重要開票中心觀察。

但依家出現情況係，台南、高雄兩個城市無懸念，民進黨絕對可以死守，但北北中全面繃緊，遠見民調出現北北中全部在差距範圍。

台北同新北都有兩個指標性票站，台北是天母天玉里，而新北是板橋華興里，因為這兩個票站的人口結構與總體人口結構一樣。而出現可能好大爆冷結果（小弟都跌眼鏡），如果根據華興里的現有結果，雙方票數差距極小，但根據天母里結果，蘇貞昌無法攻下台北市。

只不過，可能最大爆冷，就是看來很穩陣的胡志強，不是大勝，有可能小勝，甚至輸掉。

小弟粗略解釋，由於槍擊事件，令台北市深藍選民出來挺郝龍斌，但治安爛爆的新北市和台中市，特別治安人人知道爆透的台中市，同時激出中間選民要出來。

換言之，就算國民黨北北中全面固守，都將會好煩。因為，一旦換成總統選舉結果，大家想一想什麼事。