香港人網呢封信，小弟同朋友睇完，笑到停唔到。
小弟呢個博客，係擺明車馬私人地方，唔係傳媒，所以小弟只係關注會唔會有人搞屎尿屁，呢度仲講規矩清楚，ban都唔會暗ban，係小弟一向認為規矩公開好。但要刪文係我有最終自主權，我亦唔會以傳媒自居。
但香港人網係傳媒嚟噃，佢地啲記者成日持住記者證周圍飛，大公文匯膠極，都會報導泛民的活動，因為佢係公器，如果香港人網可以同社民連行委斷絕連繫，咁先例一開，如果TVB公開話唔報社民連活動，豈不是天下大亂。除非香港人網放棄自稱傳媒，只不過係一個普通的討論區。
對住呢種惡過文匯大公報的友仔，開放大氣電波俾佢地真係好得人驚。
「鄭汝樺指調整隧道收費可吸引更多車用東隧
[09/11 星期二 09:23]
立法會交通事務委員會，討論政府早前公布三隧分流的研究報告。工聯會王國興質疑，報告建議紅隧加價、東隧減價的方案，未必能夠吸引職業司機，因為司機改用東隧，可能要多付油費，要求政府考慮興建第四條過海隧道或跨海大橋。
運輸及房屋局局長鄭汝樺表示，興建第四條過海隧道可能需要填海，而興建跨海大橋，會對環境及視覺造成影響，難度相當大。她相信調整紅隧及東隧收費，可以吸引更多司機使用東隧，特別是由黃大仙或東區出發的車輛。
」
小弟質疑係，咁會唔會為咗照顧地產商，最後沙中線都無埋？
點解我咁質疑，未來沙中線係有諗過同第四條海隧一齊興建，為咗興建中環灣仔繞道填咗的灣仔貨物裝卸區，以及銅鑼灣避風塘就係咁用。依家政府一路係咁拖沙中線，係咪隧道公司，以及一直對海傍用地虎視耽耽地產商的傑作。無乜理由，話無位起第四條隧道，咁沙中線都會無著落。
「有 議 員 建 議 興 建 第 4 條 海 底 隧 道
2010-11-09 HKT 09:22
在 立 法 會 交 通 事 務 委 員 會 特 別 會 議 上 ， 議 員 王 國 興 關 注 一 旦 紅 隧 加 價 ， 東 隧 減 價 ， 會 影 響 商 業 車 輛 營 運 ， 尤 其 是 的 士 司 機 的 成 本 ， 又 建 議 政 府 興 建 第 4 條 過 海 隧 道 或 跨 海 大 橋 。
運 輸 及 房 屋 局 局 長 鄭 汝 樺 表 示 ， 顧 問 就 改 善 3 條 隧 道 流 量 提 出 的 建 議 ， 並 不 是 賞 罰 制 度 ， 面 對 塞 車 ， 車 輛 耗 油 ， 對 環 境 有 影 響 ， 對 於 商 業 車 輛 的 影 響 ， 政 府 會 詳 細 諮 詢 。
至 於 議 員 建 議 興 建 多 一 條 過 海 隧 道 ， 鄭 汝 樺 認 為 ， 有 好 大 難 度 ， 隧 道 最 重 要 有 接 駁 道 路 ， 港 島 北 亦 無 土 地 興 建 更 多 隧 道 的 接 駁 點 。 」
終於有議員，明確支持第四條海底隧道。
第四條海隧建議，係林忌一直以來提倡，只不過泛民啲人好少喺呢方面支持佢，結果依家係親共陣營支持呢個我都贊成嘅建議。
事實擺在眼前，依家車流合計起嚟，三條隧道都係飽和，唔起第四條海隧又點得。查實都要起沙中線隧道，一併做埋就係（東隧都係咁喇），技術上係可以研究。鄭汝樺條友，講嚟講去除咗起高幹鐵路，鄭大嬸（鄭大嬸呢個花名唔係我改，係Rachel改，但係形容鄭局長最佳描述）仲識啲乜。
BBC News: UK copyright laws to be reviewed, announces Cameron
各位幾鍾意或幾唔鍾意英國都好，香港好多法律係抄英國，或者根本係英國移植入嚟係不爭事實。最近香港《通訊管理局條例》草案，明顯係英國Ofcom抄啲唔抄啲嘅結果，幾乎係肯定。所以英國立啲乜膠法，香港人咪以為會走甩。
Digital Economy Act被人鬧爆後，依家保守黨政府嚟個一百八十度U Turn，諗住仿傚美國嘅做法，引進Fair Use概念，如果真係英國會修法，對香港絕對係福音，因為可以照住英國嘅草案文本，要求香港政府照抄過嚟香港。或者英國國會審議果陣發現有乜膠嘢，香港可以避咗佢。同埋如果香港政府想學《通訊管理局條例》果鋪咁，抄啲唔抄啲，就揸住英國果份鬧爆佢。
一如英國情況，電影界、音樂界啲硬膠一定反對修法，各位，睇清楚英國嘅情況。
MO's notebook 3 to 4 