「將軍澳惡少掠財又一宗
八童黨圍劫 81歲翁殺出血路
2011年05月02日
【本報訊】將軍澳昨凌晨上演八旬翁血戰無良童黨事件。 81歲晨運客行經富寧花園對開行人隧道時，遭八名童黨伏擊從後推倒，惡少欲搶掠財物時，老翁拔出萬用刀揮舞自衞，混亂中兩少年被刺傷。童黨見事敗落荒而逃，警方循現場留下一條逾 300米「血路」尋兇，瞬即在附近明德邨一單位將涉案八人一網成擒。
記者：潘志能 姜偉康」
點解將軍澳會膠成咁？好大程度上，同警力唔合理調配有關。
當你巡警、CID、重案組等應該用嚟投入反罪惡嘅警力，用晒喺追查所謂塗鴉少女果陣，你將軍澳會繼續膠落去。
對付童黨，需要係更多軍裝巡邏，以及需要更多CID，令啲童黨一係返屋企，一係返差館。相信大部分警察都可能同意小弟嘅判斷，但依家警方調晒珍貴嘅人手做政治嘢，結果咪係咁。
所以警察都好多怨氣，因為好多警員入嚟警隊想捉賊，唔係做你班膠官嘅私人保鑣。我諗艾未未塗鴉單嘢，咁多人玩膠係時候到此為止。而且有問題唔只將軍澳，東涌、天水圍呢啲規劃到膠晒嘅新市鎮出事只係遲早問題。
如果老共有日倒台，唔清算曾偉雄，都應該整條特別法案，將曾偉雄條友嘅退休金全部充公，由全香港所有警員均分，以示對佢亂咁擦鞋嘅補償。
MO's notebook 3 to 4 
應該好似英國以健康和安全為由立法咁規定同執行，未滿16歲者，晚上10點前必需留在家裡，不可在公眾地方留連。要不然，違反刑事法，英國警方可以控告當事人及其父母有關刑事責任，香港咁做就一天光晒。
以及如同英國立法規定商家，任何利器不可售賣捭未年滿18歲人士。要不然，違反刑事法，英國警方有權控告買賣雙方及未年滿18歲人士有關刑事責任，香港咁做就一天光晒。
To Pierre:
我可以咁講，禁止利器售賣俾未滿十八歲人士，或者需要登記，香港行得通。
但未滿十六歲人士，晚上十點前必需回家，香港未必得，因為英國係unwritten constitution，無完全引入ECHR，或者ICCPR（呢個亦係英國係用Human Rights Act 1998方式，取巧地引入ECHR，因為會膠），但香港《基本法》39條兩條國際人權公約全部內嵌，呢種立法有難度。
當然，好多英國解決社會膠事嘅立法，我認為香港可以考慮引入，例如Stalking同Anti-Social Behavior兩者立法，小弟喺2009年介紹過，警察可以向法院申請命令，禁止童黨出街，但要立法上極為小心，用嚟阻止90後上街，亦係會膠晒。
http://martinoeiarchive.blogspot.com/2009/06/blog-post_03.html
喺英國禁止十六歲以下十點後街外流連係嘥氣，都冇身份證俾差人check, 根本就執行唔到
4月30日中午深水埗楓樹街球場有好似有班人準備遊行, 橫街竟然見到1架油塘, 1架觀塘警車, 諗下有幾膠
YT是油尖,不是油塘,大家都是西九,互相支援不出奇.
不過觀塘(KT)是東九,要他們到就有點兒那個.
不過去年反高鐵在中環立法會示威,
卻連邊境快速反應部隊都來了,這才是真正誇張.
Michael Caine 主演 “Harry Brown” ( 港譯:老馬有火) 現實版。
搞錯左,唔好意思
响英國 check 一個人嘅身分，根本唔洗 check 身分證。因為英國公權力中，執法人員當時一有合理懷疑，就可以帶去返差館查核身分。
當然由於當事人未滿16歲，警方會同時聯絡 Council Social Department Child Service，英國政府從來都唔怕麻煩，係中國人先怕麻煩嘅啫。
To: Martin
香港嘅社會問題捭特定人士簡單攪得複雜化，英國觀念永遠 Health & Safety 為優先，亦可以講英國人一响疑心大，最怕死，但係有啲嘢你同我都應該明，有得必有失。
To Pierre Cheung:
英國人用權有界線，中共係無恥無極限，令好多合理立法根本用唔到。
英國人嘅疑心大，我理解。否則喺中國孕婦問題，我唔會提出成套英國式做法。
就算李光耀想重新周街捉靚仔，恐怕坡爸坡媽都唔肯過佢矣。
To: Martin
英國始終係法治社會，大部分人執公守法，中國人果套，大家心照啦。
To: 方潤
英式社會，好少周街捉仔，因為大家知道留有刑事案底嘅後果係咩，個 record 一花，就算佢有幾叻都好難再令英式社會信任。雖然英國人生活自由放任，正如 Martin 講一樣英國人做嘢永遠有界線，有個譜。
之前有人留言講個例一樣，英國火車站通常冇閘，有人逃票或用假票搭車，被人捉到，除罰錢，仲有刑事案底。當條友申請職位，人事部就會有權四周查詢呢條友過去所有 record，所以英國人平時做嘢永遠小心駛得萬年船。