怪事連篇

香港無咗《風波裡的茶杯》呢個節目後,一方面,香港無咗個大鬧鐘,另一方面,有一大問題係,好多睇嚟鎖碎,但係好膠嘅問題,日積月累,多如牛毛,根本無人理。但呢啲好膠嘅問題,好多背後都係大問題,係要開file長期跟進。

昨晚《講東講西》講嘅兩個問題,或者可以咁睇。

1. 有馬迷打上嚟投訴,近日香港賽馬賽事位置彩池,經常出現10.1派彩,所謂10.1派彩,就係熱到無倫嘅馬最低派彩。落10元注,收10.1。正常馬迷係唔會賭呢家嘢,因為賺得極少,但風險大過所得,所以熱過龍,但近日經常有大手投注落啲10.1馬度,咁大家諗吓有乜事發生咗。賭過馬嘅,都估到有人借馬會進行不正常行為。

2. 有做工程嘅投訴,新樓嘅分體式冷氣機冷凝器所擺位置,你根本更換唔到冷凝器,但如果遇上颱風,支撐冷凝器嘅支架出事,就可能成部飛落街。依家唔係問題,但若干年後就隨時釀成命案,但完全無人理。究竟香港發生咗乜事?

黐線問題越嚟越多,對民生嘅干擾越嚟越嚴重,我覺得個社會唔出事就真係奇。

7 則迴響

Filed under 香港政治

7 responses to “怪事連篇

  1. 飛蚊導彈

    1.原來馬會的投注規例列明馬會可以隨時限制投注數量和金額,
    所以要杜絕透過投注洗黑錢,就應該跟金融,地產等界別一樣,
    教育馬會員工辨別可疑投注的技巧,以制止這類投注進行.

    2.所謂"根本更換唔到冷凝器"又"可能成部飛落街",是怎麼樣的事?
    是指那些裝在外牆又遠離窗戶,做任何維修都要搭棚的那些嗎?

    如果是這樣的話,小業主可要負上大部份的責任.
    始終自己間屋自己負責,買樓的時候應該了解清楚
    這些分體式冷氣機的維修問題,不能說"保養不方便"就不顧安全.

  2. Tom

    回應前回應的2,這問題是發展商在設計時,為着有最大的窗(風景/海景),所以把分體機放遠些,又由於建築期外牆有棚架,所以第一次按裝一定冇問題,大業主關人忍事,日後是小業主問題。再看看,厠所冇窗,冇位去外牆維修水渠,日後有事,又係小業主的事。
    以前建築司會在設計時,會想想維修問題,但現在止幫大業主賺到盡,大家比較房屋署(厚誠)的樓

  3. world traveler plus

    大班自己開電台,可以繼續鬧

  4. Pierre Cheung

    英國有啲外國人仲怪,尤其華人,明明英國火車上寫明傷殘人士專用區域,傷殘人士有權先權使用。事件就係,有位華人師奶拖住BB車先上車,車上太多人,中途站有位傷殘人士上車要佔用位置,車上乘客同火車職員勸佢讓位,佢唔聽不特止,仲同人理論佢先佔用,仲話人歧視佢,之後驚動警察,最後帶位華人師奶落車。警察同火車職員同佢講叫佢先睇清楚同讀熟規定,傷殘人士永遠有優先權使用有關區域。華人有時係先乒為主,以自己果套先去解釋為主,唔理英國人之後講咩。呢啲狀況日日見唔少,最後心感佢地好冇面,眾目睽睽下被指指點點。

  5. Pierre Cheung

    華人有時係先入為主,以自己果套先去解釋為主,唔理英國人之後講咩。呢啲狀況日日見唔少,最後心感佢地好冇面,眾目睽睽下被指指點點。

  6. world traveler plus

    To Pierre Cheung:
    如果向e面,唔讓坐比指定人仕,係犯法.

  7. Pierre Cheung

    To: world traveler plus

    响英國唔讓坐比指定人仕,都係犯法,所以先驚動警方同請佢落車。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s