Daily Archives: 五月 1, 2011

合理嘅警力調配應該係點

將軍澳惡少掠財又一宗
八童黨圍劫  81歲翁殺出血路
2011年05月02日

【本報訊】將軍澳昨凌晨上演八旬翁血戰無良童黨事件。 81歲晨運客行經富寧花園對開行人隧道時,遭八名童黨伏擊從後推倒,惡少欲搶掠財物時,老翁拔出萬用刀揮舞自衞,混亂中兩少年被刺傷。童黨見事敗落荒而逃,警方循現場留下一條逾 300米「血路」尋兇,瞬即在附近明德邨一單位將涉案八人一網成擒。
記者:潘志能 姜偉康

點解將軍澳會膠成咁?好大程度上,同警力唔合理調配有關。

當你巡警、CID、重案組等應該用嚟投入反罪惡嘅警力,用晒喺追查所謂塗鴉少女果陣,你將軍澳會繼續膠落去。

對付童黨,需要係更多軍裝巡邏,以及需要更多CID,令啲童黨一係返屋企,一係返差館。相信大部分警察都可能同意小弟嘅判斷,但依家警方調晒珍貴嘅人手做政治嘢,結果咪係咁。

所以警察都好多怨氣,因為好多警員入嚟警隊想捉賊,唔係做你班膠官嘅私人保鑣。我諗艾未未塗鴉單嘢,咁多人玩膠係時候到此為止。而且有問題唔只將軍澳,東涌、天水圍呢啲規劃到膠晒嘅新市鎮出事只係遲早問題。

如果老共有日倒台,唔清算曾偉雄,都應該整條特別法案,將曾偉雄條友嘅退休金全部充公,由全香港所有警員均分,以示對佢亂咁擦鞋嘅補償。

14 則迴響

Filed under 香港政治