近日見八卦周刊，不約而同用「章子怡淫照」做封面，再睇埋網上中國男人們動輒提到上「喪權辱國」的反應，真係覺得中國男人的自卑去到難頂的地步。
章子怡作為一個人，她要搵邊個做男朋友，她要同個外籍人士在沙灘上（話之你邊度）嬉水，關我乜事，呢個係她的私人生活。咁唔抵得嘅，有本事就去追章子怡，或者自組義軍勇去打俄羅斯，收番江東六四十屯，郁啲就扣上民族大義的大帽子，只反映部分中國男人果種無種的懦弱態度，俾我係章子怡都睬佢地都傻。
用句好麻甩的方法講，中國成街都係睇日本AV的觀眾，飯島愛、夕樹舞子的粉絲，又唔見日本人抗議。中國人做就得，人地做就唔得，呢啲自卑的雙重標準勁難頂。
成街都係食酸葡萄的男人，我依家明點解章子怡唔揀中國男人，合情合理。
延伸閱讀：
繆美詩：假如不是章子怡（2009年1月12日，香港《AM730》）
暗黑的卡夫卡：女星洩春光 與辱國何干?（2009年1月12日，《香港經濟日報》新香港人專欄）
MO's notebook 3 to 4 
中國男人無漢子氣，陽剛氣，多的是婆氣，小家氣。假如我係女人，我都找個夠man的鬼佬啦。
我很佩服如章子怡這一類中國女人，她們上位的決心，能力及自信都很令我敬佩。章小姐10年前還是個無名小卒，透過張藝謀上位，有了知名度，來香港入籍，搭上霍家，到荷李活發展時，英文說得不好，給很多中國人肆意恥笑，她很快又搭上華納老闆，更成爲未婚夫。
試想一個中國女子英文不好，山長水遠的去到美國，異鄉人，竟然可以迅速上位，很快成爲大公司老闆娘，真是厲害到不得了。這份能力，其實一般中國女人都有，以上海女人為著，難怪港女早給中國女人趕絕了。
其實唔止中國男子，近期港女、港仔都認為這是羞恥，呢種思維真係超低能。
睇蘋果、壹仔、東方等寫到好似人家行為羞家，其實傳媒都實在好低能。
講笑咁講：有件咁有米嘅鬼佬同佢 “kiss a**"，章大姑娘直頭係為國爭光啦！班人個腦裝草，掉轉晒嚟諗…
😛
我細個o個陣, 我阿媽同我講過: 中國人最講面子, 所以中國男人係最小器.
估唔到呢句係真既…
我反而覺得好自然, 我都見過華裔男士同外籍女仔拍施同結婚!!