Monthly Archives: 二月 2009

陳冠希的Strict Liability

淫照案那些照片中,陳冠希與各大女星幹過什麼,小弟沒興趣知,那些純粹陳冠希與個別女星之間的私事,小弟不予置評,不過,陳冠希在這件事中,是有Strict Liability,他自己有很大責任要承擔,但他卻不顧而去。

在英國法律中,民事侵權法(Tort Law)以至刑事法,都是Strict Liability的概念,所謂Strict Liability,就是有些事上,你只要做事疏忽(但一定要證明當中有疏忽,如果純粹是行為發生,但純屬天意的事都要罰,那是Absolute Liability)導致他人受損,那就要承起相關責任。像你是動物園園主,如果因為修理老虎籠時,沒做好防禦措施,導致有老虎跑出來咬死人,那動物園園主在Strict Liability下,就應負起責任。

陳冠希與女藝人拍那些交歡照片,在道德上沒有對或錯,雙方情願便可,但他既然拍這些照片,就要千方百計確保那些照片不會外流,不能一句估不到刪掉的照片可以復原,就可以把責任推掉,因為他疏忽造成的損失是無可估計,這是他與對方的私隱,他是有相當重大責任去保護,偏偏在這件事女星們承擔壓力時,陳冠希就跑了去避難,這種不是男人的作為,就是他千夫所指的一大原因。

所以張柏芝當面斥責陳冠希,不單有勇氣,而且有正視聽。張柏芝未婚前,她與陳冠希間的男歡女愛不關我們的事,但淫照漏出後他不顧而去的行為,不單損害了幾位女星,也損害了整個社會。

9 則迴響

Filed under 男女問題, 香港政治

有乜好報?

今日一眾硬膠香港和中國傳媒,浪費大篇幅去報溫家寶在網上同網民會面,我真唔明呢挺政治騷有乜好報。

如果溫家寶真係有誠意聽網民意見,點解仲要任由五毛黨肆虐,點解仲要網絡公安刪文,點解仲要花老百姓的錢去搞金盾工程?講一套做一套,呢挺虛偽最難頂。

香港傳媒幾時變咗好似中國傳媒咁,隨新華社通稿起舞?香港大把新聞可以報,溫家寶上網就真係你報埋我果份。

1 則迴響

Filed under 香港政治, 傳媒, 中國政治

查小欣去咗邊?

查小欣,請你大大聲在《星島日報》鬧人係民主敗類,意圖抽社民連水果陣,留意一下,最近在溫哥華最高法院進行緊一場聆訊。

大家都應該知道我講邊場聆訊,就係陳冠希淫照案果場聆訊,陳冠希已經在法庭上作供承認,上年果堆四圍傳的淫照,係同佢四位女星拍的。

霍汶希大大聲話係移花接木係膠,但霍汶希嘅處境小弟絕對諒解,霍小姐係有責任第一時間維護佢任職公司嘅藝人,就算佢食晒所有子彈都咁話,呢個係職業道德。但查小欣在去年1月30日講過乜:

一個版本是指陳冠希將手提電腦交人維修,有人乘機盜取了絕密照片放上網,如此有跡可尋,警察早已拉人封鋪破了案。

  別說陳冠希,在下家中電腦故障,也有專人上門維修,貴為CEO的陳冠希公司沒有技術支援人員,也不至像中學生般,提覑電腦落MK或黃金修理吧,此說可信度極低。

依家的版本的確係呢個版本,你查小欣係咪應該向公眾道歉?所以小弟一直認為,鄭經翰、黃毓民係唔需要獨立監察員,真係要監察員監察的其中一位主持人,小弟絕對認為係查小欣。請查小姐,向公眾道歉,唔好講完膠嘢唔算數。

如果有人係民主敗類,我想知,查小欣係乜敗類?乜佢有資格鬧人係敗類咩?

附:查小欣在淫照案期間所寫的經典膠文,發膠音唔好走數,否則會被列為欠數人士:

猥褻合照 (星島) 01月 30日 星期三 06:30AM
(綜合報道)
(星島日報 報道)忽然全城變成電腦專家,鍥而不捨研究陳冠希 分別與阿嬌 和陳文媛 的猥褻「合照」,是如假包換,還是移花接木。
  由照片的背景、布置、光铫、燈柱位置,到驗證阿嬌舊照裏的腳板是否與猥褻照中的相同,看來藝人要及早拍下手手腳腳、腰背後頸腋下鼻窿,立此存照,方便他日對證。
  連藝人的性格品行也成為分析論點,常作出位言論的藝人要注意,言者無心,聽者存檔。
  不是Photoshop專家,暫不從技術角度分辨照片真偽,先從照片來源找蛛絲馬舻。
  一個版本是指陳冠希將手提電腦交人維修,有人乘機盜取了絕密照片放上網,如此有舻可尋,警察早已拉人封鋪破了案。
  別說陳冠希,在下家中電腦故障,也有專人上門維修,"貴為CEO的陳冠希公司沒有技術支援人員,也不至像中學生般,提覑電腦落MK或黃金修理吧,此說可信度極低。貴為CEO的陳冠希公司沒有技術支援人員,也不至像中學生般,提覑電腦落MK或黃金修理吧,此說可信度極低。"
  第二個版本是有人拾獲手機,發現內藏超友誼照,名副其實的「執到」。作為一個整天有狗仔隊亦步亦趨的惹火藝人,身懷激照,豈不是挑戰自己的運氣?
  相信"以上任何一個版本都是侮辱智商以上任何一個版本都是侮辱智商",不如將層次推高,稱是有少年黑客黑入陳冠希電腦或其Facebook盜取激照,可信度會提高點。
  倒不如又指是一次輸賭行動,贏家是神秘放料人,引起全城關注;輸家是民智,一大班男女圍在一起,與赤裸裸的男女性器官相距不到兩呎,在分析是原裝正版還是電腦合成,品味哪裏去了?

  (小宇宙 查小欣 )

2 則迴響

Filed under 傳媒

黃永衰啲乜?

據《星島日報》報導,廣管局對成棚IO對黃永的投訴,認為表面證據成立,已經將個file擲去投訴委員會處理,而下月投訴委員會會議, 會請黃永上去解畫。

在商台做過十個月獨立監察員,對黃永被要求上去廣管局解畫一啲都唔意外,因為表面來看,黃永話要貼訃文去人地office,明顯違反《電台業務守則-節目標準》的7(b)條。

7(b)條文內容係咁:

(b) 可能導致任何人士或羣體基於民族、國籍、種族、性別、性取向、宗教、年齡、社會地位、身體或心智不健全等原因,而遭人憎恨或畏懼或受到污蔑或侮辱的材料;或

廣管局:電台業務守則-節目標準,2006年11月版

這條條文的精神係,如果有人因為佢嘅身份,而被人憎恨, 或者受污蔑,或者受侮辱,就可以入罪,而黃永嘅言論,指名道姓,擺明搵個別新聞官出氣,要貼訃文在新聞官office門口,明顯係因為受辱果個人的新聞官「社會地位」而中招,換言之,7(b)條已經犯咗。

呢鋪我睇黃永就算道歉都好,都好難甩身,因為佢近日至道歉,未有在公眾感到憤怒果陣第一時間道歉,廣管局絕對有權質疑黃永的誠意。依家睇係勸諭,強烈勸諭定警告,我諗唔會釘牌,不過被罰款係有機會。始終係節目總監犯規,等於報紙總編輯寫咗誹謗文章一樣,係罪加一等,廣管局好難唔有所行動。

當年梁文道暫代鄭經翰主持《風波裡的茶杯》果陣,係暫辭節目總監(台長)一職,由Channel Manager暫代台長行政職務,就算營運總裁蔡東豪開埋咪,亦都係好多考慮,一方面怕被誤會係商台立場,另一方面,如果不幸踏中地雷,作為管理層踩中的話係好大劑。我都知黃永初一講樹,十五講敬老係有一定政治盤算(叫黃永講敬老果位係高人嚟),一如當年鄭經翰封咪後,《風波裡的茶杯》定議題個委員會,都有自己的agenda,就算鄭經翰都有佢嘅agenda,問題係你有agenda還有agenda,但校炮唔好走火,今鋪打到走晒火,真係想幫都幫唔到。

2 則迴響

Filed under 傳媒

香港從政班友膠夠未?

好老實講,呢幾日我已經感覺到香港已經硬膠到頂點,由政府到泛民都已經膠到令人飽滯,呢鋪我真係幾幫人馬全部要鏟。

1.

卿姐,你講乜呀。劉慧卿應該記得她係記者出身,呢件事我認為非常離譜,黃毓民、長毛、大舊三條友膠,就被公眾睇佢地有幾膠,公眾係有食花生的自由,點可以縱容呢種干擾新聞自由嘅行為,呢次我對卿姐極為失望。

2.

公 民 黨 及 民 主 黨 不 滿 社 民 連   促 議 事 規 則 委 員 會 討 論
2009-02-27 HKT 17:00
公 民 黨 及 民 主 黨 發 表 聯 合 聲 明 , 對 社 民 連 三 名 成 員 日 前 在 立 法 會 上 的 行 為 , 感 到 不 滿 以 及 非 常 遺 憾 , 兩 黨 形 容 , 社 民 連 三 名 成 員 , 動 粗 干 擾 會 議 進 程 , 傷 害 立 法 會 尊 嚴 , 及 阻 礙 議 有 秩 序 運 作 。
公 民 黨 及 民 主 黨 建 議 立 法 會 議 事 規 則 委 員 會 討 論 有 關 事 件 , 防 止 這 類 破 壞 秩 序 行 為 , 繼 續 發 生 。

民 主 黨 過 去 兩 日 , 亦 曾 經 與 社 民 連 三 名 議 員 見 面 , 討 論 今 次 事 件 , 主 席 何 俊 仁 形 容 雙 方 有 強 烈 分 歧 , 但 相 信 不 會 影 響 大 家 日 後 的 合 作 ; 他 又 說 , 會 參 考 外 國 議 事 規 則

膠民黨班友係膠係唔駛講,但民主黨同膠民黨一齊膠就真係好膠。參考外國議事規則,不如參考馬來西亞,特首曾經在立法會講粗口嘛,就動議禁止特首進入會議廳好唔好?反正馬來西亞霹靂州都有禁止州務大臣踏足的先例。特首講粗口就膠民黨、民主黨一句聲都無,社民連三條友當眾硬膠就動作咁大,寬待特首嚴待社民連係唔知乜邏輯嚟。

3. 曾 鈺 成 : 暫 未 知 悉 有 提 出 譴 責 社 民 連 議 員 動 議
2009-02-27 HKT 18:20
立 法 會 主 席 曾 鈺 成 表 示 , 暫 時 未 有 聽 聞 有 議 員 , 就 社 民 連 三 名 議 員 的 行 為 , 提 出 譴 責 動 議 。
他 指 出 , 將 會 與 內 務 委 員 會 主 席 劉 健 儀 討 論 , 研 究 是 否 需 要 討 論 修 改 議 事 規 則 。

曾 鈺 成 認 為 , 其 中 一 個 研 究 方 向 , 是 如 果 有 議 員 , 已 經 在 開 會 之 前 , 公 開 表 明 會 在 會 議 期 間 , 作 出 破 壞 行 為 , 他 們 需 要 研 究 如 何 設 法 避 免 。

似乎鼠首成對馬來西亞霹靂州方案好有興趣,如果佢敢提出事先禁止社民連三子入立法會的做法,我就立即寫封投訴信俾佢,要求立法會禁止曾蔭權、唐膠年入議事廳,兩條膠人當眾講粗口唔駛負責架,我鬼知佢地兩個會唔會當眾講粗口。

社民連三子呢鋪已經好膠,咁掃檯一啲美感都無,倒屎都倒到無誠意,本來想話佢地係膠人,點知周圍嘅人反應更膠,我只可以講,香港進入一膠還有一膠硬嘅年代,膠人多到好似Zombie咁,唔知幾時打得完。

至於唐膠年的膠投訴,我已經對呢條友絕望,建議送去青衣高溫焚化爐處理。

2 則迴響

Filed under 香港政治

中國官員膠夠未?

〔記者李信宏/苗栗報導〕苗栗縣長劉政鴻昨天會見中國江蘇省海安縣副縣長柯德來等十二名官員及業者,劉不滿陪同的台商擅移國旗,當著中國官員面前發飆怒摔名片夾,並怒斥「幹嘛搬走國旗?國格不容踐踏!」現場氣氛頓時凍僵,雙方見面不到五分鐘就不歡而散。

台灣自由時報:中國官員嫌國旗礙眼陪客擅搬劉政鴻發飆

劉政鴻幹得實在漂亮,他就算中國國民黨籍,都沒有賣掉台灣的尊嚴,大家以為兩岸關係和緩等於中國方面為所欲為,實質不然,中華民國與中華人民共和國都是兩個國家,香港官員就是沒有這種Guts,教訓這些不知所謂的中國硬膠官員。

如果中國官員仍是這樣膠,統一?統你個頭。

9 則迴響

Filed under 台灣政治

寫博種種

黃雅麗:寫博與性

本來有好幾篇Leona的文想回應,不過這篇比較易回應的,對大部分初學寫blog的人,小弟同意她的看法。這個本來是小弟私人筆記簿的blog每天update,查實是有點異常,因為博主某程度上是寫了十多年稿,而小弟每天都規定自己做常規研究工作,用一個比喻是,這博主是職業軍人,每天都要在軍營練習射擊,維護槍械,所以每天寫是正常,但對大部分人,除非你打算做職業作家,否則無必要迫自己定時定候寫blog,否則只會令你厭倦寫作,忘了寫blog的樂趣。一如大部分人擁有槍械,都是防身自衛,或者用來打打獵,定時保養和去靶場練習一下便是,但沒有需要每天都去靶場燒槍。

亦無必要計較篇幅長短,對寫作而言, 篇幅長短限制是有礙思考。就算小弟寫慣報章規定篇幅的稿件,在這個博,可以見到小弟可以幾句便收筆完事。寫blog儘量隨心行事,自己感覺好便寫長一點,感覺完了便完了,切忌喋喋不休。就算練靶,除了你打算做sniper,否則真沒需要百發百中。

但更切忌是比較,在寫作上,人比人,比死人,當你不志在做諾貝爾獎大文豪時,真的沒必要比較篇文有多少comments或有多少page views,有時有些page views是因時勢出現,像華麗園年糕篇文,是本博閱讀人次最高的非政治類文章,但大部分page views不是在2006年出現,而是2009年新春前出現,因為大家要買年糕。而近日多人翻查關於張思晉和袁志偉的文章,因為這兩人又搞出膠來,page views這回事多少有運氣的。

除非你打算當職業作家,否則blog應是很隨意一件事。但有志當職業作家,就另計。

3 則迴響

Filed under 博客管理

中國走向硬膠?

北 京 男 子 爬 上 電 線 杆 抗 議
2009-02-26 HKT 17:15
在 北 京 , 一 名 40 多 歲 , 來 自 河 北 的 男 子 , 約 在 下 午 4 時 許 , 爬 上 朝 內 大 街 國 新 辦 對 面 馬 路 的 一 條 電 線 杆 , 他 身 上 掛 著 一 個 牌 , 要 求 有 政 治 權 利 , 警 車 及 消 防 車 已 到 場 戒 備 。
消 防 員 正 嘗 試 將 男 子 救 下 來 , 現 場 交 通 有 少 許 擠 塞 。

昨天無厘頭有三個人在北京CBD自焚,今天有人爬電線杆抗議,當民眾完全唔怕死到咁代表乜?就係再咁搞落去,隨時陳勝吳廣真係會出嚟玩嘢。我估短期內未必有,但中期,亦即一至兩年內就隨時發生。由2005年廣州番禺太石村爆發維權事件至今,共產黨被遍及全國的維權行動玩到謝晒。

如果再唔搞政治改革,大家又多一個理由準備著草。

發表留言

Filed under 中國政治

大家可以準備定著草

香港蘋果日報:任 總 9 月 退 休   陳 德 霖 接 棒 大 熱

我可以警告在先,陳德霖做金管局局長,等於叫索羅斯來狙擊港幣,大家可以準備著草。

任志剛係有膠力,但任總的戰略能力絕對不低,否則聯繫匯率制度一早玩完好耐。但陳德霖果隻係膠到無朋友,副局長和局長助理一役搞到一鑊泡,就係陳德霖呢條茂利的傑作。大家諗吓,如果陳德霖嚟做金管局局長,呢條友會度出乜屎橋出嚟「捍衛」港幣,恐怕有一堆loophole,然後被索羅斯一嘢KO。

所以我建議各位,一方面準備將港幣資產有秩序轉成外匯資產,另一方面,要用任何方法阻止呢條膠人掌管金管局。如果邱騰華係硬膠,陳德霖係硬膠中的硬膠,簡直係膠霸,上鋪副局長同局長助理都玩到政府咁,今鋪呢?

3 則迴響

Filed under 香港政治, 財經

曾俊華係咪白痴嚟架?

曾 俊 華 稱 中 產 人 士 有 物 業 及 儲 蓄 應 付 經 濟 問 題
2009-02-26 HKT 13:12
立 法 會 財 委 會 就 財 政 預 算 案 舉 行 簡 報 會 , 在 會 上 , 多 名 議 員 關 注 在 金 融 海 嘯 下 , 政 府 為 市 民 創 造 就 業 機 會 , 財 政 司 司 長 曾 俊 華 表 示 , 政 府 無 可 能 提 供 例 如 金 融 等 各 方 面 的 工 作 , 政 府 現 時 所 提 供 的 , 好 多 屬 於 低 薪 工 種 , 但 為 社 會 所 需 要 及 具 經 濟 效 益 。
民 主 黨 李 華 明 關 注 現 時 部 分 失 業 人 士 屬 於 中 產 , 有 關 工 種 未 能 協 助 他 們 。 曾 俊 華 回 應 時 話 , 部 分 中 產 人 士 有 物 業 及 儲 蓄 , 他 們 有 向 銀 行 貸 款 的 能 力 , 而 政 府 不 適 宜 向 他 們 貸 款 , 而 銀 行 有 這 方 面 的 機 制 。

另 外 , 財 經 事 務 及 庫 務 局 常 任 秘 書 長 應 耀 康 在 會 上 承 認 , 預 算 案 中 60000 多 個 職 位 , 部 分 是 由 舊 有 的 展 翅 計 劃 及 青 見 計 劃 措 施 所 整 合 。

乜香港搵咗個晉惠帝級數的人,做財政司司長?

以往經濟衰退,最受害係基層市民,但呢鋪中產死傷慘重程度,唔會比基層好,甚至我可以咁講,曾俊華條茂利完全唔知世界搞緊邊。

1. 過往金融風暴中產無輸晒儲蓄,但呢鋪唔係輸晒在雷曼迷債度,就係輸晒在HSBC度,乜中產仲有儲蓄的咩?

2. 中產失咗業,乜銀行仲肯借錢俾佢地咩,咁的時勢?

3. 就算你保住份工,都唔見得借到錢,好似你係花旗集團,或者AIG在港員工,香港有銀行係當佢地係自僱人士嚟審批佢地貸款申請。借到錢,咁你曾俊華借俾我睇?

香港搵個咁的膠人做財政司司長,大家都係自求多福吧。

3 則迴響

Filed under 香港政治, 財經