由於wordpress.com過度縱容五毛黨嘅所謂私隱政策，由今日起，martinoei.wordpress.com正式不再更新，睇最新文章請移玉步至。
五毛黨喺新blog嘅作為將會公開，以及作嚴密監察。
根治中國孕婦問題嘅方法
中國孕婦南嚟問題，以及菲律賓、印尼傭工嘅居留權申請問題，越搞越多膠討論出嚟。泛民為咗不廂情願嘅大中國思想，拒絕依據《基本法》159條，提出修改惹事生非嘅第24條，結果被老共喺菲傭躄港權案被散佈種族仇恨言論過泛民一棟，蠢到無藥醫。
但有facebook page打算發動群眾去信終審法院推翻莊豐源案判決，呢個係完全唔可行，而且隨時招惹差佬，根據香港特別行政區訴黃陽午嘅案例，東方日報派狗仔隊跟蹤法官，兼且喺功夫茶人身攻擊法官，已經令黃陽午入獄四個月同埋東方報業繳納巨額罰款。如果律政司司長唔做嘢，我諗大家仲驚。
而且香港行成文憲法，修改基本法係唯一徹底根治問題方法，我主張將修改基本法文本付諸公投，同埋成條廿四條改鬼佢，屆時乜嘢漏洞都一掃光，乾淨企理。我唔明個page admin極度抗拒改基本法嘅原因，但土共抗拒改基本法原因我明，因為土共只想抽泛民水，佢地攞幾多中國移民票至得，最唔想根治問題係呢班hihi，有得食又有得拎，真著數。
基於保安理由，請往blog.martinoei.com留comment
請更新RSS Feed
由於martinoei.wordpress.com會漸漸開始不作同步更新，要得到最新文章，請更新你的RSS Feed到MO’s notebook 3.75G
http://feeds.feedburner.com/MosNotebook375g
請即更新你的RSS Feed
此外，由今日起，部分涉及維基媒體基金會、香港人網的文章，在martinoei.wordpress.com將不許留言，留言必須在blog.martinoei.com。
中國總是令人氣餒
大家可以睇到，小弟個博客上面有馬來西亞華文同馬來文評論界宗師李萬千喺《當今大馬》停筆前嘅名句，寫時事評論係一個令人情緒波動嘅行業。李萬千係因為寫到要經常食降血壓藥，終要停筆退休。大馬政治尚且如此，中國溫州高鐵撞死咁多人，咁樣搞言論大封殺，都未見一個人出嚟話要起義，大家明白Rachel嘅感嘆從何而來。
相比起中國，查實大馬算唔錯，至少馬來西亞有一堆勇士參與淨選盟2.0嘅運動，大馬政府膠到將催淚彈、水炮等射入醫院，都有一堆人反制，納吉膠極都唔可以太硬膠。但中國呢？比起汶川媒體無支援反抗，比起三聚氰胺事件，無人支援趙連海，呢件事有啲媒體人願意企出嚟，但企出嚟嘅人遠遠未夠阻止荒謬事情繼續發生。咁嘅情況，唔怪得六月飛霜。
呢幾年小弟寫博客改用一種嬉笑怒罵嘅筆調嚟寫，因為我唔想喺一個咁荒謬嘅社會，寫到最終又好似李萬千咁。而我亦唔希望再出現對名嘴、名筆盲人個人崇拜，香港政治已經被一個姓蕭和一個姓黃搞到一團糟。但如果民眾唔自已醒覺，自已行動，膠事會繼續，1911年果個革命仍然只會係白費心機。
提示：請將書籤、友好連結以及RSS Feed更新到blog.martinoei.com，博主即將對wordpress.com的內容關閉討論功能。
田北辰不如叫詹伯樂接管中國鐵路部吧
「田 北 辰 致 函 溫 家 寶 冀 參 與 溫 州 列 車 事 故 調 查
2011-07-30 HKT 12:41
身 兼 全 國 人 大 代 表 的 前 九 鐵 主 席 田 北 辰 致 函 總 理 溫 家 寶 ， 希 望 參 與 溫 州 「 和 諧 號 」 列 車 相 撞 事 故 的 調 查 工 作 。
田 北 辰 出 席 一 個 活 動 後 表 示 ， 他 個 人 關 注 中 國 鐵 路 的 發 展 ， 除 了 關 注 事 故 發 生 的 原 因 ， 亦 關 注 如 何 營 救 和 發 放 資 料 。 他 希 望 可 以 盡 一 分 力 ， 如 果 有 機 會 ， 他 更 加 希 望 可 以 影 響 鐵 道 部 對 鐵 路 運 作 的 看 法 。」
田北辰呢個建議無出息，突顯唔到香港人嘅優勢。
如果我係田北辰，點解要求佢老人家出嚟參與事故調查工作，你班土共個個無吉士，葉國謙反對范徐麗泰以人大常委身份介入，簡直係公公所為(我以後叫佢葉公公)，查條毛咩，分分鐘幫手粉飾太平。
我嘅建議係成立兩個機構，一個叫中國鐵路監管及調查局，邀請九廣鐵路公司行政總裁詹伯樂擔任，呢個新官署一如清王朝嘅中國海關總署，有充分不受中國當局干預自主權，由佢邀請歐、日專家調查事件。另一個叫中國鐵路公司，簡稱CR，由曾任港鐵行政總裁嘅蘇澤光擔任主席，佢嘅任務係改革中國鐵路為一個安全為首務嘅企業，而包括溫州賠償在內嘅爛帳，就交由中國國有鐵路清算團清理債務。
當中國人管唔掂自已果陣，唯有咁做。此外，中國應該考慮容許私人鐵路公司嘅出現。
友好提醒：請將你的RSS Feed、書簽及友好連結更新至blog.martinoei.com
人民力量變成政壇攝石黨
本來唔想先丙人民力量，但呢班友實在變成香港政壇一大禍患，非丙不可。
喺旺角東站嘅活動，本來係網民自發，你人民力量可以call人嚟，但唔該唔好又用十幾枝關東旗，然後騎劫咗當係自已。呢種嘢做得太多，以後所有民眾自發活動都要表明，不歡迎人民力量旗幟入場，呢啲政壇攝石黨對香港有乜貢獻？
友好提醒：請將書籤、RSS Feed以及友好連結更新到blog.martinoei.com
坐高鐵真係會嚇破膽
「南昌至长沙D117次动车在离开萍乡站时突然于7号车厢内传出浓郁烧焦味，空调开始吹热风，温度急速上升，乘客们惊恐异常，在大家惊呼中车组工作人员同样惊恐的开始在车内奔走，通知车辆异状。有乘客打喊“快停车”，有乘客跟着喊“还要通知后面的车停车”，部分乘客开始逃入其他车厢躲避。」
雖然最後呢架D117高鐵列車平安抵達，但呢挺嚇破膽嘅經歷真係一啲都唔好玩。點會無喇喇冷氣有燒焦味，然後吹啲熱風出嚟？乜嘢車嚟？
喺中國鐵路部未搞清楚事發原因前，最好就係唔坐和諧號，我話知你動車定高鐵，呢啲車全部都係危險車輛，無謂搵命搏。
友善提醒：當博主通知主要與本站連結的博客更改友好連結後，martinoei.wordpress.com將會停止更新，並在blog.martinoei.com繼續。
此外，由今天開始，本博一切內容禁止轉載到維基媒體基金會轄下的中文維基百科，任何引用都會被視作違反版權條款。
政府幫金融界搶我地啲錢
小弟有啲議題係無論如何都要追斬，其中一個係強積金。小弟寧可抽時間上去立法會panel講嘢都要反對到底。
依家強積金係不知所謂嘅制度，因為強積金可以侷我地俾百分之十入息，但係金融界可以唔駛講績效，蝕錢照收比Private Bank仲要貴嘅management fee，簡直係幫金融界搶我地啲錢，真係好似王弼講，正宗係金融霸權。
正如王弼講，俾錢果班金融界廢柴，不如俾大家供款買盈富基金或者iBond算喇，又無乜管理費，盈富基金嘅績效跟大市浮動。依家政府仲敢提要提高強積金供款最高入息，以後啲搵兩萬蚊左右嘅朋友要供多啲，乜世界？
提示：請將書籤以及友好連結更新到blog.martinoei.com。
范徐麗泰，妳係時候履行職務
范徐麗泰作為中國全國人大常委，你係時候做嘢。
賀衛方嘅訴求，不單於法有據，而且范太做過香港立法會主席，喺英治年代亦做過立法局議員，她係有參與英式議會Select Committee嘅經驗，依家中國人民期望你以英治時期香港嘅經驗，調查呢次人神共憤嘅大災難，呢個比你走去做特首有意義十萬倍。
如果你依家都尸位素餐，咁你唔駛旨意做特首，因為你丟盡香港人嘅面。
提示：本博己經遷往blog.martinoei.com，請即更新你的書簽及友好連結為blog.martinoei.com，謝！
MO's notebook 3 to 4 