是陽性港獨，還是殖民走狗？

最近有一位膠人，喺報紙大發偉論，建議好似《種族歧視條例》咁，將中傷「新移民」（查實只係中國南來新移民）列為刑事罪行。

呢位阿伯偉論，睇到唔知要話佢係陽性港獨，定係中國殖民走狗：

1. 如果呢位阿伯要將新移民涵蓋入《種族歧視條例》內，港府當年唔將「新移民」涵蓋入《種族歧視條例》果陣講得好清楚，中國南來新移民，同大多數香港人屬同一種族，佢要咁做，即係1997年之後移民落嚟，持中國籍新移民係另一個種族，咁唔好講乜嘢大部分華裔BNO都係中國血統，物物乜乜屈個中國籍俾華裔BNO，如果中國當局撤除華裔BNO中國國籍，咁你想將新移民涵蓋入《種族歧視條例》，當然歡迎之至，因為呢批BNO即刻變英國公民，大家要多謝呢位阿伯添。唔知呢位阿伯，係咪當仁不讓想做港獨英雄，如果係嘅，我一定成全佢。

2. 如果呢位阿伯要求另立法例，禁止仇視「新移民」，係咪想搞白色恐怖，搞台灣以前果套外省人碰不得嘅玩法，將本土認同民主自由價值嘅香港人，一句「仇視新移民」又拉又錯，乜仲勁過廿三條。咁呢啲就唔叫港獨英雄，係中共殖民統治香港嘅走狗。

一講到本土問題，隱性港獨有幾多浮上水我唔知，但隱性中共打手又一件上水，我睇緊仲有幾多件擦鞋擦唔切嘅友仔，排隊咁上水。