鄭汝樺真係乜都唔知?

蘋果日報:抽廣告恐嚇傳媒 港鐵無恥

「本文謹代表公司客戶『港鐵』,向貴報提出加強刊登廣告指引……」港鐵廣告公司 OMD(浩騰媒體)近日去信通知各大報章廣告部,若報道任何關於港鐵及其海外公司的負面新聞,包括鐵路事故,港鐵保留取消或抽調廣告的權利。信件又叮囑廣告部與編輯、記者「溝通」。
港鐵公關部深夜發表聲明,表示港鐵公司無意在事故發生時,取消預訂的廣告版位,港鐵一直尊重新聞自由。

呢次事件,簡直可以用醜聞嚟形容。近年港鐵嘅負面新聞己經好多,菜園村暴力收地、班次延誤永不通知(所以至有mtrupdate個twitter出現)、港鐵物業管理獅子開大口等問題,但無恥到咁明目張膽,真係令人大開眼界。

小弟唔多相信係周松崗爵士玩出呢啲膠嘢,條友俾個膽佢都唔敢,相反,我有理由相信,係港鐵公司真正老闆,亦即係運輸及房屋局局長鄭汝樺一手搞出,政府發言人話乜都唔知,政府身為港鐵大股東,乜著數都俾港鐵,高鐵乜屎都俾港鐵食,鄭汝樺真係乜都唔知,搵鬼信?

而且小弟相信唔單只明報針對港鐵嘅報導搞出嚟,果單查實好小事,應該係鄭汝樺知道高鐵工程唔少衰嘢,遲早越搞越硬膠,所以至搵廣告公司做替死鬼。特別四月菜園村搬遷,跟手應該好快越過大角咀、西九四小龍一帶嘅隧道會興建,如果依家唔事先塞住大家把口,幾時塞住大家把口?

對鐵路有認識嘅,都應該知道呢鋪背後有膠嘢跟,唔係一單小事就出劑咁嘅廣告指引,記者行家應該跟跟西九、大角咀嘅進展。

5 則迴響

Filed under 香港政治

5 responses to “鄭汝樺真係乜都唔知?

  1. 乜都唔知, 即係失職. 理該扣人工, 再犯(其實已有N条罪), 一於炒魷!!!

  2. alvin

    Plausible deniability.

  3. longhair

    作為CEO ,咁都唔知?咁佢既能力都好膠下。唔可能唔駛負責。
    唔係英國出身賣軍火就係堅既。
    同樣地鄭汝樺一樣膠,身為大股東,有人坐係個board入面都唔做下野,都要紮棍啦。

  4. world traveler plus

    但冧深一層,唔做野同失職,唔等如弱智.
    向香港讀過下書都應該估到,發封咁嘅信: 1)唔會work,負面新聞依舊;2)會有更多麻煩.
    唔好話向官場二十幾年嘅鄭汝樺, 就連大學生搞莊都知發封咁嘅信唔會work,仲會一身蟻.

    除左有人打左朦仔針(唔止一個一打左)之外,點解會有人冧得出e 條屎Q? 係唔係中國共區有人升左黎香港OMD,再向地鐵董事局入面落迷藥?

  5. 持書者

    如果今次佢成功甩身, 咁用呢種手段就會變成合理的行為, 下一步就是如何通過廣告公司真正令傳媒收聲..

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s