反對劫持人質國際公約嘅重要性

「香 港 法 證 人 員 不 獲 准 登 上 旅 遊 巴 搜 證 　 菲 警 稱 須 經 批 准
2010-08-29 HKT 00:16
菲 律 賓 警 方 不 容 許 香 港 的 法 證 人 員 ， 登 上 發 生 挾 持 人 質 事 件 的 旅 遊 巴 搜 證 。
在 場 一 名 菲 律 賓 高 級 調 查 人 員 表 示 ， 他 沒 有 權 力 容 許 法 證 人 員 登 車 ， 有 關 要 求 須 經 司 法 部 門 批 准 。

看 守 旅 遊 巴 的 警 員 容 許 香 港 法 證 人 員 在 外 面 檢 視 車 輛 ， 但 不 讓 他 們 進 入 車 廂 。

當 地 警 方 說 ， 仍 未 完 成 本 身 科 學 鑑 證 工 作 。

馬 尼 拉 挾 持 人 質 事 件 ， 8 名 遇 害 港 人 完 成 驗 屍 ， 警 方 派 出 7 人 到 菲 律 賓 調 查 。」

中國對聯合國《反對劫持人質國際公約》第16條作出保留，依家惡果出嚟，根據《反對劫持人質國際公約》第十條

「1.締約國對就第一條所稱罪行提起的刑事訴訟應互相給予最大限度的協助，包括提供它們掌握的為訴訟程序所需的一切證據。
2.本條第1款的規定不應影響任何其他條約中關於互相提供司法協助的義務。」

依家菲律賓唔俾香港警員上旅遊車，己經違反公約，香港己經可以作出外交抗議，唔得就中國即刻入紙要求仲裁都仲得，但由於第十六條中國保留咗，依家菲律賓違反第十條，你吹佢唔脹。

依家菲律賓警察係擺明毀滅證據，我諗真係要加拿大皇家騎警盡快出手至掂。

Short URL: http://wp.me/p7cGY-2AK

中國進入關鍵時刻

喺大家關注緊菲律賓件事果陣，有兩件事大家可能漏咗眼，一件係一九八九民運工人領袖韓東方入咗香港民主黨，一件係司徒華公開加挺曾俊華做行政長官，如果曾俊華做行政長官，隨時民主黨真係變咗執政黨都唔奇。點解會有咁奇嘅事發生？

司徒華嘅資歷，大家都知，出現以上奇景，因為中國政治改革準備攻堅，一場中國政改嘅大風暴可能好快大爆發。

胡舒立：温家宝深圳讲话为何受关注

知易行难。中国改革已经到了必须推进政治体制改革的关键时刻。近年来，经济体制改革虽不断有技术性进展，然而，在财税、要素价格改革等政府曾作出庄严承诺的领域，迄无重大突破。原因复杂，而主要障碍便是政治体制改革止步不前。由于政改滞缓，文化、社会体制改革亦难有大突破。深化改革障碍重重，令公众对改革本身的评价和预期产生分歧。在改革开放已逾卅载、中国经济总量跃居全球第二之时，领导人仍不得不重申“只有坚持推进改革开放，国家才有光明前途”，这正是改革“边际效益”下降的反映。政治体制改革已经拖不起、等不得了。

胡舒立分析咗溫家寶深圳講話想點，十一月胡錦濤南下深圳，好可能有大動作，果刻正係香港政改本地立法各黨大講數時刻，己經好明顯，胡錦濤一條喺黨內己經搞唔掂班反對政改嘅膠人，所以用咗香港民主黨呢個平台，同海外民運以及中國維權人士同開明派重建聯繫（記住，如果司徒華真係做咗做王者，咁喺香港實現咗八九民運反對者與共產黨透過談判分享權力安排，何俊仁本身就係中國維權人士一員，亦係中國民族主義分子高度尊重嘅人），而江系土共回應就係要為《基本法》23條立法搞破壞同倒屎。

喺菲律賓呢件事慢慢冷卻落嚟後，一場中國政治大風暴可能就喺香港上演，大家留意住。政改成功當然對邊個都好，政改唔成搞得唔好就大家提早著草。

Short URL: http://wp.me/p7cGY-2AH

由謝長廷親身經歷佐證菲律賓未有盡力

喺1997年台北南非武官官邸挾持案中，負責同陳進興講數果個正係連避彈衣都無著，明知對方係窮凶極惡罪犯，兼真係有槍在手嘅謝長廷。當年台灣仲有膠人，鬧謝長廷作秀。正如謝長廷講，作秀唔搵呢啲嘢嚟玩，搵自己條命嚟靠飛咩？

經歷過菲律賓呢件事，比照謝長廷嘅經歷，明顯係菲律賓有問題。如果當時菲律賓，有位國會議員拍心口表示幫門多薩求個公道，或者安排贖金，一路緩和門多薩情緒，件事可以好似陳進興事件咁，人質安全被救出。你諗吓，陳進興知道佢投降後，佢被差佬拉一定打靶（結果真係喺1999年打咗靶），佢嘅訴求只不過唔想禍及妻子。如果當年謝長廷唔挺身做談判代表，呢件事將會係點嘅大頭佛？

謝長廷己經講晒作為一個談判代表，應該要做啲嘅嘢，菲律賓根本無盡力，顯而易見。

Short URL: http://wp.me/p7cGY-2AE

後話：當年藍營班友，仲好意思鬧謝長廷作秀，依家大家明點解會出阮次山呢啲人渣出嚟，小弟好多時同藍營嘅友仔火星撞地球，因為唔少同阮次山、郭冠英一樣，個腦仲停留喺納粹年代。

大佬，門多薩殺人你就要做埋門多薩？

「大埔豪宅印尼女傭遇襲受傷
【16:20】2010年08月28日

【on.cc專訊】 下午3時許，一名30餘歲印尼籍女傭工，在露輝路一幢獨立屋工作期間，突然被人持利器襲擊，頭部受傷流血。警員接報趕至，將屋內一名涉嫌傷人的青年拘捕，他亦報稱不適，與傷者先後送往醫院治理。
」

仲要條友膠到印尼同菲律賓都唔識分，依家我出街真係好驚，突然間口嗡嗡講咗句印尼話，然後無厘頭招惹血光之災就認真無辜。有啲菲律賓華人，或者印尼華人，特別年長果輩，個樣同土著真係無乜分別，如果我啲長輩不幸遇襲，變咗香港人打香港人，就真係膠到極點。

門多薩肯定係錯嘅，但門多薩亂嚟，唔通你又亂嚟，硬膠唔係咁做。菲律賓人唔係，啲菲傭都係因為政府硬膠至搞到嚟香港打工養家，硬膠果個係菲律賓政客同軍警，一單還一單。

Short URL: http://wp.me/p7cGY-2AA