恭喜曹博士被高登化

「2010-06-18 45798 花師奶
[問] 曾余論戰博士覺得邊個講得叻d?
[答] 我用屁股躉住個電視成晚.」

答案極為硬膠，好明顯，曹博士己經被膠化，可喜可賀。

Short URL: http://wp.me/p7cGY-2iM

HSBC未雨綢繆

「外 電 稱 匯 控 發 行 34 億 美 元 永 久 債 券 以 補 充 資 本
2010-06-18 HKT 20:56
外 電 報 道 ， 匯 豐 控 股 發 行 34 億 美 元 永 久 債 券 ﹐ 用 於 補 充 資 本 。 該 債 券 票 面 利 率 為 8% ， 可 以 在 5 年 後 贖 回 。
」

對fixed income玩家，HSBC呢隻new issue己經係wow聞，因為呢34億美元嘅bond喺昨晚做subscription，呢幾日周圍搵大戶買。而呢幾日香港同英國嘅主權CDS都回順，加上可能出現嘅通脹，依家發coupon八厘嘅票據，好過之後唔知點集資。

證明HSBC管理層，對金融市場睇得小心咗同遠咗，如果英國同香港出現大問題，或者壞賬會好勁，但駛唔駛又搞供股，可能未必，或者供股幅度會細好多。

Short URL: http://wp.me/p7cGY-2iI

陶國能特首展開中國政治大賭局序幕

中國新華社報導全文

「總之，請記住，二○一○年六月十七日晚上六時三十五分，曾蔭權打了一場偉大的敗仗。」
鄭經翰喺《信報》講

雖然鄭經翰寫呢句嘢果陣，純粹只係幫佢果位被當眾秒殺n次，變咗《三國無雙》果啲卒仔（死咗只係一啲數字）咁死法嘅特首𢲡番啲沙，唔好搞到曝屍街頭，但呢位作為同陶國能一樣嘅特首，有可能展開一場中國有史以嚟最癲最喪嘅政治賭局，如果係咁，咁佢嘅曲線作為，真係幾偉大，甚至可能夠佢退休後拎番個大英Life Peerage。

「新华社香港6月17日电 17日傍晚，香港特区行政长官曾荫权与立法会议员、公民党党魁余若薇就政制改革方案进行了电视辩论。

　　曾荫权在辩论中表示，特区政府已经把2012年政改方案提交立法会，香港政制发展已经到了关键时刻，他呼吁立法会议员和香港市民支持政改方案。余若薇在发言中阐述了其反对2012年政改方案的理由，并就普选、功能组别等问题阐述了自己的观点。」

喺中國共產黨嚟講，佢地唔會立亂稱呼佢對家嘅黨名，除非果個黨足以同共產黨平起平坐，以往民主黨都無呢個待遇，喺6月17日前，係得中國國民黨同埋台灣民進黨有呢個資格，而公民黨係第一個中華人民共和國治下，可以有資格喺新華社報導裡面，獲呢個待遇嘅政黨，而且當中嘅報導無加鹽加醋，所以好多人O晒嘴。

但更O嘴係，《大公報》竟然有成個辯論嘅逐字紀錄原裝刊登，《大公報》讀者可以原汁原味睇番余若薇嘅觀點，而無線亞視去中國嘅信號， 亦無受到干擾。成件事就好清楚，依家曾蔭權喺中國政府授意下玩膠，而呢次玩膠，己經令中國有啲人諗到，係時候要對中國嘅政治改革作出公開辯論。

大家明唔明呢次辯論，曾蔭權呢條特區鹹魚點解要被余若薇秒殺n次嘅理由，好快中國政治鬥爭就會浮上水面，特別近日多間外資公司罷工都去到無人理嘅地步，我諗唔係有人玩膠唔會咁。呢鋪唔係特首玩鋪勁，係有人借佢個肉身去真係玩鋪勁，十號風球好快由北方刮過嚟。

Short URL: http://wp.me/p7cGY-2iE