政府唔好亂嚟！

http://programme.rthk.org.hk/channel/radio/player_popup.php?pid=3426&eid=110059&d=2010-06-12&player=media&type=archive&channel=radio2

小弟相信香港電台唔係奉政府命放風，有可能有政府高層認為現有部署極為不妥，提早引爆。因為曾智華所讀，小弟懷疑是保安局高層人員，才有可能得到的機密文件（Confidential），做過英國或香港政府，知道這是Classified Document才有的資訊。

小弟在這裡，撮寫曾智華放的風，本機主機在美國，香港《官方機密條例》不適用。
– 警方估計有三千人參與包圍立法會行動
– 六月廿二日至廿四日，香港島所有軍裝警員取消休假，隨時候命
– 每天執勤十二小時
– 警員來自九個大隊軍裝警員
– 五個大隊
– 兩隊嚟自機動部隊學校
– 一隊快速應變部隊
– 一隊女班藍帽子
– 一千六百多名警員參與
– 北角、西環、中區軍裝警員會裝第二梯隊支援
– 北角警署會成為拘押中心
– 警員會防止示威者進入皇后大道中一帶
– 由行動處處長全程指揮
– 羅夢熊（葉詠詩丈夫）作現場指揮

香港政府想死呀。我可以講，如果真係咁玩，即係警方會有出警棍、催淚彈喇，近乎出兵嘅級數，以小弟了解，警方咁玩嘅結果係全港島北部變成戰場。而且戰場嘅縱深將會係東起太古坊，西至西區警署以及香港統監府，而且好多人可能一早全副武裝咁玩，結果極度嚴重，隨時變成國際事件，係收唔到科，隻鑊大到隨時連北京都唔識處理，搞完北韓就嚟搞香港，乜好過癮？

所以我相信，港府有官員知道咁玩嘅結果只得一個，就係6月23日香港島變成戰場，死都唔掂，所以明知呢啲嘢係Confidential甚至係Secret都爆出街，特別如果港府要嚇人，可以搵周融嚟爆，唔係搵本身都係助理廣播處長級數嘅曾智華，以及上書局成員蔡東豪嚟爆。

小弟對政局無眼睇。

Short URL: http://wp.me/p7cGY-2he

後話：小弟最近睇緊Michael Burleigh寫嘅Blood & Rage: the cultural history of terrorism，呢本書係David Cameron力薦嘅書，亦係研究恐怖主義嘅必讀書，呢本書由IRA講起，講到當代回教聖戰，但呢本書有個論點，好值得大家思考，對付恐怖主義最有效戰略係令你嘅對手變得無咁Radical，Good Friday Agreement後愛爾蘭長久和平話俾大家聽呢個論點。依家警方係，將對手變晒極端分子，依家班友係製造恐怖分子出嚟，班膠人知唔知架。

普選聯的戰術賭注

「8 名 80 後 青 年 立 會 外 蒙 眼 抗 議 政 改 方 案
2010-06-12 HKT 14:32
8 名 80 後 青 年 在 立 法 會 大 樓 外 集 會 ， 不 滿 政 府 提 出 的 政 改 方 案 ， 沒 有 回 應 市 民 對 普 選 的 訴 求 ， 這 批 青 年 將 會 蒙 眼 22 小 時 ， 象 徵 基 本 法 起 草 22 年 至 今 ， 香 港 人 一 直 被 蒙 騙 。 代 表 說 ， 會 號 召 市 民 在 立 法 會 23 日 表 決 當 日 ， 包 圍 立 法 會 。
對 於 民 主 黨 表 示 ， 如 果 政 府 接 受 區 議 會 方 案 就 會 支 持 ， 出 席 活 動 的 民 主 黨 創 黨 主 席 李 柱 銘 對 此 感 到 失 望 ， 認 為 無 助 爭 取 普 選 。 李 柱 銘 又 認 為 ， 政 府 有 機 會 接 受 民 主 黨 的 方 案 ， 來 換 回 他 們 9 票 的 支 持 。 」

小弟經過再三沙盤推演後，小弟認為普選聯在玩一場代價相當大的戰術賭博，操作不當會死人冧樓。

普選聯是賭中共連區議會五席新功能組別某程度在2012年新九組化都不敢，特別民建聯要簽「約章」都設定在2016年，如果中共連這手都拒絕，那政改失敗責任推回北京。

這手小弟不論說沒有戰術合理性，但有兩個風險，普選聯班友好明顯無諗過：

1. 如果老共真的拒絕，何俊仁有沒有準備做清王朝末年的立憲派領導革命先？因為一旦老共拒絕，就變成赤裸裸的騙局，那時什麼事都可能發生，亦不會有任何轉圜餘地。

2. 如果老共接受這個還價，那普選聯之後怎麼辦？李柱銘和不少年青人己經到現時局勢感到十分不耐煩，普選聯如果接受還價都會被視為投共，特別如果政府在周一或周二，余曾之戰前夕還價，陷公社聯盟於不義，那怎辦？

戰略上，這或許有合理性，但在戰術上安排失當，沒有計清楚善後，在現時這形勢，會極為大煲，這也是小弟指普選聯推香港入暴亂邊緣的原因。各位請留意Hong Kong Transition Project的分析，整件事最麻煩在於，現時變得很激進那批人，是1975年至1980年出生那批，人到中年，又未結婚，前途無望，形勢牙煙度極高。

小弟感受到，是一場革命爆發前的局面。

Short URL: http://wp.me/p7cGY-2hb

遲到證明書

呢樣嘢，係上月小弟休博日去日本公幹嘅一件「紀念品」，因為本來係作公事用途，呢樣嘢係各大鐵路公司，會出閘果陣發俾乘客嘅遲到證明書。

日本人鍾意跳軌自殺呢家嘢，喺東京地區係一大困擾，你搭車果陣成日要留意車站顯示站嘅報告，因為「人身事故」係會導致你所坐果條線延遲。有部分私鐵，好似東京地下鐵會喺網頁公布，並且喺網上俾你自己下載遲到證明書，方便你向老闆交差。但好似JR東日本咁，因為支線太多，喺網上發遲到證明書係唔可行嘅，咁就會出現人身事故果陣，出閘果陣可以要求站方發一份咁嘅證明書俾你，如果你用西瓜卡，咁順便印埋你近十程至廿程嘅行程紀錄，基本上你老闆都唔會點怪你。

呢樣嘢清清楚楚，你真係因交通事故遲到，老闆確實唔應該懲罰員工，呢樣嘢香港公共交通機構應諗吓點學習（至少八達通行程紀錄列印，應該係免費），但另一方面，日本咁多跳軌自殺案，亦反映呢個國家病態嘅一面。日日都人身事故，我覺得實在有點兒那個。

Short URL: http://wp.me/p7cGY-2h7