牛都講得，無理由膠就唔講得

「商報評論員李明生

港粵合作好戲連台。繼政務司司長唐英年近月率百人工商代表團次第訪問珠三角九市后，昨日廣東省副省長萬慶良率九市領導一行逾百人又齊聚本港，出席粵港合作聯席會議和有關落實「珠三角規劃綱要」的交流會。雙方互訪之密、人數之多、陣容之「牛」，前所未見，足見兩地政府對加強港粵合作的緊迫感和重視程度。」

唔睇《香港商報》，我都以為自己聽錯，唐膠年為表親切，竟然用「牛」呢個潮語，佢知唔知呢句中國潮語嘅起源架。

「牛」呢個字，係將「牛逼」或「牛B」簡化，而「牛逼」原來嘅字係「牛屄」，根據中華民國教育部國語辭典，呢個字係指女性生殖器官，可謂唐膠年繼條條fing後另一力作，相信中國聽眾一定聽到O晒嘴。

唐膠年連見官都夠膽講個牛字，咁議員喺議會講仆街，濕濕碎喇，如果有人喺立法會講膠，更加應該合法化，膠同英文Plastic通喎。唐膠年把口之爛，連曾爵士嘅狗嗡辯論都自嘆不如，曾爵士只識廣東粗口，而唐膠年連國語粗口都講得掂，分分鐘佢上中南海打人小報告果陣，粗口連篇，融匯上海同北京粗口之大成，可惜小弟此等小民，無緣欣賞唐膠年嘅絕技。