中國應爭取與熱比婭對話，而不是抹黑

HKExpatriate: 世維會發表聲明譴責阿蓋德組織(Al Qaeda

很坦白，如果中國持續抹黑熱比婭和迪里夏提，是蠢過隻豬，最開心果個只會係拉登。

熱比婭同迪里夏提都是親西方到爆，拉登組織隨時想連他們都殺埋，呢樣唔駛講。但另一點都好重要，熱比婭做過中國全國政協，迪里夏提父母都係中共高幹，嚴格而言是薔薇騎士團成員。既然他們漢人，或者親共維吾爾人朋友都不少，是可以建立對話渠道，尋求雙贏之道。

抹黑熱比婭，不會令維吾爾人去支持中國政府，因為中國政府的名聲已經臭無可臭，屎坑都比佢香嘅程度。相反，只會令蓋達組織更有市場，而拉登係唔會同你對話，佢地嘅反應係，喺北京、上海或廣州放炸彈，或者在非洲搵個漢人嚟斬頭。

小弟要提醒一點好重要，蓋達組織唔一定搵維吾爾人施襲，佢地搵個漢人、白種人、南洋血統嘅回教極端分子嚟玩你都得，美國係捉過有白種英國公民，竟然去做恐怖分子。如果中國以為捉咗維吾爾人就叫反恐，你地只係幫拉登做recruitment，膠到無朋友。