澳門根本派唔起錢

有些膠人認為，澳門今年施政報告，特首何厚鏵派錢，「利民紓困」，講出呢句話，我真係想知，佢對澳門認識會唔會多過小弟呢類好日都唔去澳門的人。

在葡國人管治年代，澳門已經管到一舊膠，葡國人除咗保育做得好，同埋有些良心，俾澳門人拎葡國公民護照外，查實一鑊泡，中國收番澳門果陣，澳門政府係窮到燶。而近年開放賭權，由於博彩收入突然上升，政府至叫開始有番啲錢咁解。

查實有咗錢，應該做番一啲實事，唔係立亂派錢。其中澳門應該要做，係停止賤價批地俾啲福佳，留番土地興建社會房屋，即係香港的公屋。因為社會房屋，除咗帶嚟建築業嘅就業機會，亦係解決低下層住屋問題一個有效方案，一係就搞全面性的租金補貼，咁都叫幫下低下層。

但何厚鏵條膠人，依家救市方法係托樓市，恢復利息補貼政策，同埋擔保首期。如果何厚鏵依家話興建社會房屋，並且只請澳門工人興建，依家因威尼斯人叫停賭場搞出嚟的失業人士已經有出路。依家呢挺托市政策，根本係美國次按嘅翻版，買樓呢家嘢係，如果班友無持續穩定收入供落去，就會搞出大頭佛，依家同飲鳩止渴無分別。

澳門依家又廿三條立法，又亂咁派錢，何厚鏵叫利民紓困，真係紓佢個頭。香港仲有立法會議員大讚澳門政府，我真係唔知有乜好讚。

延伸閱讀：
繆美詩：賭城噩夢