Category Archives: 英國與歐洲

新納粹勢被當成拉登嚟打擊

挪威奧斯陸發生嚴重恐襲,先有炸彈襲擊政府總部,後有人扮警察槍殺大批年青人。

由於呢次係白種人做,懷疑係新納粹分子有關,打擊新納粹勢成全球反恐課題。

近年由於大量移民湧入歐洲,加上金融海嘯,反移民主張同右派行情看漲,加上除咗德國憲法保衛局,長期當納粹黨係恐怖分子嚟管外,歐洲各國都防衛鬆懈,班友以為有機可乘,就搞出慘劇。

但隨茉莉花革命成功,同埋拉登已死,加上呢件事,全球反恐目標會落喺新納粹分子,甚至極端反移民團體。因為佢地嘅威脅,已經威脅歐洲一貫生活方式。

3 則迴響

Filed under 英國與歐洲

台灣都美國免簽,更何況BNO?

即時兩岸
台赴美免簽
李明星:只是時間早晚的問題
2011年07月19日 (11:45 pm)
(未有評分)瀏覽人次:330FacebookTwitter轉寄朋友
台美國會議員聯誼會長李明星今天說,台灣赴美免簽證進度循序漸進,美國高層態度積極、正面,免簽「只是時間早晚的問題」。

小弟唔知呢位台灣藍營立委有無車大炮,但如果無嘅話,喺台灣有免簽果日,BN(O)都會有美國免簽。

現時亞洲四小龍國家中,新加坡同大韓民國都已經美國免簽,而由反恐風險,到非法入境機會更低嘅中華民國同BN(O),如果唔係中國反對,己經免簽。但如果現時中國採取台灣免簽歐盟都唔出聲嘅做法,咁美國免簽過關係遲早問題。

有可能BN(O)免簽仲快過台灣,因為照美國技術上,將BN(O)歸併BC處理就搞掂,現時美國電子旅客授權系統,亦預咗BN(O)以至BOTC,只係未啟動。中華民國亦相對容易,因為美國要求有身份證號碼至可以免簽就係。

相反,最頭痛係特區護照,近年中國放咗乜人落嚟香港,大家心照。

10 則迴響

Filed under 英國與歐洲, 香港政治

大盤問

今日全世界大部分英文國際電視台都直播我國下議院文化委員會,關於News International連串竊聽醜聞嘅聆訊。

雖然每日電訊報嘅編輯,仍然認為呢次盤問未到肉,但呢次盤問,對香港呢挺議會政治幼稚園嚟講,仍然藉得學習。

1. 要尋求事實真相,就係要議員車輪戰式盤問,否則議會調查就唔會係至高無上嘅尚方寶劍。

2. 由呢次盤問,反映香港保皇議員有幾垃圾,甚至IT Panel主席都唔及格,就係要咁樣不斷盤問,個別盤問,至可以迫到真相出嚟,兩個鐘嘅Panel meeting真係問條毛。

當然仲要仔細分析當中嘅盤問技巧等等,但係呢集歷史性錄影大家好好留低,做教材,用嚟拍戲乜都得。

7 則迴響

Filed under 英國與歐洲

連何君堯都要企出嚟反你政府檯

律 師 會 : 政 府 應 擱 置 草 案 全 面 諮 詢 遞 補 機 制

2011-06-28 HKT 15:19
律 師 會 會 長 何 君 堯 , 對 政 府 就 立 法 會 議 席 出 缺 的 遞 補 機 制 建 議 , 沒 有 作 出 充 份 的 公 眾 諮 詢 感 到 遺 憾 , 認 為 政 府 應 擱 置 草 案 , 再 作 全 面 公 眾 諮 詢 。

何君堯已經係有名親政府,都認為政府修訂根本唔收得貨,要先作全面諮詢。

小弟認為唔駛諮詢,因為人地歐洲國家行同名單替補,首先都有公投法,所以無人會辭職公投,但依家中共係要封殺公投權,簡直連學生會都不如。

其次佢地投票果陣,己經係投黨唔投人,但香港仲有獨立候選人或者細黨,咁無人替補又點?依家香港嘅比例代表制係鼓勵拆細名單,如果無人接手,又點?始終係要鼓勵謀殺事件發生。

所以呢件事,無得讓,就係咁簡單,七一大家上街。

1 則迴響

Filed under 英國與歐洲, 香港政治

政府遲早喺歐洲膠多幾鋪

黃世澤:由人類退化變猿人
立法會相關會議紀錄

喺呢幾年,港府斷章取義咁抄外國法例都唔係第一鑊,早喺去年十月,小弟教訓商務及經濟發展局班膠人,一路喺度攞啲英國法例教人立法果陣,佢地應該知道遲早有人去歐洲國家政府求證,然後令港府出醜。

只不過林公公當香港人係傻嘅,結果呢鋪德國議會公開教訓港府。但小弟相信,政府會繼續心存僥倖,直到膠爆為止,呢班友根本無得救。

4 則迴響

Filed under 英國與歐洲, 香港政治

林公公膠到去德國

明報:德國:不用落敗者遞補制度

德國聯邦議會發言人回應本報查詢時表示,該國選舉法例寫明若有議員出缺,便由其名單中的下一位參選人補上。他解釋﹕「我們之所以不選擇由上次選舉最高票的落敗參選人補上,原因是德國採取比例代表制。選擇名單上的繼承者,可以確保選票與議席比例和上次選舉時一樣,而不是由另一個陣營的人補上。」

林公公真係當德國係傻。

德國係一個好嚴謹嘅國家,唔係好似五毛或者林公公咁,夠膽當德國佬係傻。德國佬二話不說,即刻KO林公公,德國對香港好多嘢都知,包括林公公喺度亂嗡。所以記者一問,就立即還擊,林公公真係膠到去德國。

小弟食緊花生,睇林公公仲要出醜幾耐。

5 則迴響

Filed under 英國與歐洲, 香港政治

憤怒鳥與歐洲文化

以上德國電訊廣告嘅憤怒鳥真人版廣告,絕對係反映芬蘭、德國同西班牙文化嘅表現。

1. 先講憤怒鳥,大家知憤怒鳥係芬蘭出品,亦正係芬蘭至會出到憤怒鳥,呢個同芬蘭長期同俄羅斯對抗嘅歷史有關。喺二次大戰中,蘇聯未同德國大打出手前,係想搏懵食芬蘭落肚,所以有冬季戰爭。而當時蘇聯用燃燒彈轟炸芬蘭,芬蘭軍人回敬就係將「莫洛托夫雞尾酒」,亦即汽油彈,掟到坦克、軍車上面,搞到蘇聯班友一鑊泡。某程度,用大肥豬作出憤怒鳥嘅敵人,大家諗到投射緊乜國家。

2. 德國係一個好鍾意認真咁樣,將啲大家諗唔到嘅諗頭去實現咗佢,憤怒鳥實體化當然唔例外。雖然廣告,實涉及剪輯。

3. 但喺德國拍呢個廣告,未必有效果,有人話德國人無幽默感,唔係嘅,德國人有幽默感,但笑話口味偏重,同埋,呢啲膠活動,德國人演得比較拘謹,效果唔好,所以廣告喺西班牙拍係合理。(喺法國拍就十世都未拍完,因為法國人會不斷加啲膠落去)

1 則迴響

Filed under 英國與歐洲