Category Archives: 男女問題

問題在於投降主義

繆美詩:終身幸福

小弟都知呢個題目惹火,只不過,有啲嘢,應講該講。

男女雙方嘅問題查實好簡單,都係投降主義,如果個女只係諗住要個男仔發奮,俾個benchmark佢還好,如果真係諗住依賴個男嘅買樓,如果對方變心豈不是變咗將所有雞蛋擺咗個籃度。作為女仔,要保護自已,小弟認為係要有獨立財政能力,做到係被賤男飛都無有怕。

講番個男仔,如果個男仔三十歲,好努力做嘢,但竭盡全力都仲係做唔到儲首期,咁我仲可以原諒,大佬條友大學未畢業,一開始就舉白旗投降,咁你有無搞錯呀。拎福利唔係罪,但立心乜都做都攤大手板,呢啲叫敗家仔。講句難聽啲,北韓啱佢。

當然,香港嘅房屋政策,亦唔可以搞到變成倫敦市長Boris Johnson形容佢老友首相David Cameron所搞Spending Cut,最終搞出科索沃式社會清洗(好勁嘅指控,小弟會另文再論),年青人或者低下階層完全住唔起市區,倫敦未搞出Boris Johnson口中嘅膠事,但香港係發生緊。

4 則迴響

Filed under 男女問題

所謂中女問題

繆美詩:「中」計之「女」

1. 小弟早在《中女唔嫁咁又點?》講過,所謂「中女問題」,唔關三姑六婆嘅事,三十幾歲未嫁亦唔代表實係無人要嘅籮底橙賣剩蔗同老姑婆,成因甚多。依家中女問題,正如Rachel講,似係一個spin多啲,將中女同毒女無邏輯無根據混為一談,再衰啲講係中女同毒女等同處理,如果有人以為咁嘅spin可以解決毒男、賤男搵唔到老婆嘅問題,小弟想講:唔好意思,呢招唔work。

2. 好老實講,女人諗住幾時嫁,搵啲乜人做終身伴侶,係各人各自選擇,當然呢個世界總係有人不自量力,要求過高,果啲友仔我幫唔到佢,但有更多人係因為事業,或其他多種原因作出自己嘅決定,邊個話三十歲女人未嫁係唔正常,小弟發現金融界喺呢方面偏見大到係,如果女人三十幾歲未嫁一定係變態女人,有問題,小弟唔只一次喺中環同金鐘聽人食飯講埋啲咁嘅嘢。點解香港可以愚昧成咁,我諗至係真正要探究嘅問題。

3. 林忌:中女危機診所
不過,以上文章,小弟建議毒男同毒女都要睇,中女唔係問題,但毒男毒女係你做人出咗問題,朋友太少,成日沉迷CCTVB嘅膠劇,或者喺網上download嘅台劇,我都係會一副司徒法正tone同你講:出事架嘛。唔好話毒男沉迷漫畫電腦乜都唔做有問題,毒女沉迷港劇台劇韓劇日劇都唔會好得太多。

當然,真正所謂中女或港男港女問題其中一大原因港媽港爸問題,CCTVB一定唔會講,因為呢個問題大到要嚟場法國大革命搞掂佢,呢樣我講過n次,不重複。

Short URL: http://wp.me/p7cGY-1Rh

4 則迴響

Filed under 男女問題

姐弟戀又有乜問題?

本文同時在www.goyeah.com刊載

昨天香港國際馬拉松其中一幕,係一名廿五歲男跑手,向他三十六歲女朋友求婚。

男女雙方年齡相隔十一年,小弟認為是有點問題,這是另一個話題了。不過網上那些,對這對男女搞姐弟戀的評語相當難聽,用字之刻薄小弟也不好意思引述。但這群人又好奇怪,如果男的三十六歲,女的二十五歲,又認為沒有問題。

查實,之前有不少三十過後的女士向小弟講過,她們的樣貌不像三十多歲,也有廿多歲的男士追她們,但不敢透過真實年齡,因為怕社會的指指點點。既然社會接受兄妹戀,為何姐弟戀又要作出高度歧視?只要雙方年齡相距不超過十年以上,查實姐弟戀又好,兄妹戀又好,又有什麼所謂。這個社會能否解釋一下,為何姐弟戀要特別受到奇異招待,男人可以追個比自己小的女朋友,甚至十多歲都沒有問題,但女人不可以要個比自已小的男朋友,這不是性別歧視又是什麼?

簡單而言,用朱德庸漫畫的標題來形容這個社會好:大家都有病。

Short URL: http://wp.me/p7cGY-1QT

8 則迴響

Filed under 男女問題, 社會批判, 娛樂炸彈復活

黃美芸的故事:真實版的奇幻逆緣

薇微語:黃美芸專訪

一般關於諾貝爾獎得主訪問,不計唯一一位擁有中國國籍的得主達賴喇嘛,全部都是彰顯如何威水,但多謝香港電台的李小薇,她提供了另一個角度,讓我們了解高錕的一生,如果你認為《奇幻逆緣》的故事不可思議的話,黃美芸一生的故事,查實就是真實版本的《奇幻逆緣》。

《奇幻逆緣》中,男女主角的愛情故事之所以維持這樣久,有一個契機很重要,那是在人生低潮時,陪伴在側。在當時種族歧視嚴重的英國,黃美芸成長的故事只能用不幸來形容,突然生命中出現高錕這樣對她給予無私愛護的人,就算不見半年也依然不變,那這是黃美芸日後眾多犧牲的理由。

但各位要注意,如果你看《奇幻逆緣》時出動過紙巾的話,小弟亦勸各位,看這集《薇微語》時,自備紙巾。有一點,電影也沒有可能比真實故事更賺人熱淚,儘管高錕無法用言語表達他自己,但他完全知道他妻子對他的擔心和關切,那幕高錕反過來安慰黃美芸的一幕,很難不流出眼淚來,這是電影都無法拍出來。

這集訪問,告訴大家,怎樣才算至此不渝的愛情。

後話:這是寫給一位,對新聞好像失去了興趣的好朋友,在新聞工作中,有三門要求技藝最為嚴格:評論、偵查報導和人物專訪。評論需要良好的學術底子以及對時事的持續跟進;偵查報導需要毅力、勇氣以及精密的調查頭腦(與做偵探無異);人物專訪需要良好的觀察力,以及對每個人不同故事的興趣,不一定是新聞的。好的專訪,不比電影和小說為差,只不過近年的人物專訪,對受訪者的故事或想法沒興趣,只對如何發跡,或如何「福佳」有興趣,真的走了歪路。

有人問,為何高錕一直都不能夠得到大紫荊勳章榮銜,但有人在別的博客提供了一個可能答案:在2003年至2009年1月,高錕是壹傳媒集團獨立非執行董事,他對言論自由、新聞自由等問題的看法盡在不言中。做上市公司董事不是要殺頭的事,但做壹傳媒的董事絕對需要勇氣。

1 則迴響

Filed under 男女問題, 英國與歐洲, 傳媒

中女唔嫁咁又點?

黃雅麗:我看中女的真正死因
黃明樂:中女的真正死因

看完上述兩位嘅文章,讓小弟這位算不算中男嘅傢伙(我個樣話係中男太缺乏說服力),講一吓自己嘅睇法。

1. 香港無嘢多,最多三姑六婆走去問人你幾時嫁,幾時結婚呀,朋友間講笑尚可容忍(我不否認我有時會開呢類玩笑),但實際上,中女嫁唔嫁關你叉事呀。(但方潤搵唔搵到老婆,就好多人關注,佢嘅情況比較例外,民間一定比新加坡政府嘅社交發展署做得好。XD)

2. 中女求其搵人嫁,唔理好醜但求就手,甚至明知唔啱都要不惜一切瘟仔,果吓就好得人驚。我之前講過一單,有位中女嫁個大自己十幾年嘅老公,搞到一鑊泡嘅個案,她咁都肯嫁嘅原因,就係頂唔順屋企人壓力,一段問題多多嘅婚姻,問題遠大過嫁唔出。所以唔好求其搵個人嫁,我用司徒法正嘅tone講:出事架嘛。

3. 依家啲男人係唔係信愛情己死,唔係,至少好似我呢類傻佬係存在嘅。問題係,依家太多港媽,搞到港男一早己經打定輸數,所以衍生問題係婚外情,結咗婚至發現愛情,但愛情原來唔喺自己個老婆度,真係大鑊到爆。要中男們恢復信心,真係有啲難度。

4. 我比較相信運氣不佳呢回事,小弟喺大學時代有位朋友,雖談不上靚女,但絕對係賢妻良母嘅典型,但她依家竟然嫁唔出,原因係遇唔到個啱心水。遇唔到啱心水好奇咩,Leona講嘅運氣不佳論,相對合理。

5. 有啲中女或中男唔結婚,因為佢地追求嘅愛情,可能永遠都做唔到,但果個人痴心一片你又無話可說。好似劉若英,鋪鋪奶茶(劉若英嘅花名)嘅演唱會都有人問她幾時嫁,呢個問題真係純粹俾娛記寫稿用。睇過果集陳昇同劉若英一齊嘅《桃色蛋白質》,都知道劉若英對陳昇果種痴心,旁人無法理解,你亦好難搵個人取代陳昇,呢種由師徒關係搞搞吓搞到變情人關係嘅,係幾種最一鑊泡個案典型。呢類人,你唔好問佢幾時嫁,免得揭起人嘅傷心事。有時中女或中男唔結婚,背後嘅故事有時好難開口,外人唔理比較好。

人在江湖十幾年,有時我真係一副睇到化嘅態度去睇事情,因為聽過嘅故事,輔導過嘅個案,光怪陸離,幾膠都有。家家有本難諗的經呀,做人唔好太八卦好。

後話:有機會,我會同大家分析吓劉若英同陳昇果挺狀況,到底發生咗乜事。但簡單嚟講,越係聰明理智知道自己要乜嘅人,佢地處理愛情問題上越係一塌糊塗,烏厘單刀,或者成世人有好多遺憾唔知點處理。

6 則迴響

Filed under 男女問題

這是無禮貌的問題

本來對荒木茂和孫柏文那些無聊文章,打算一笑置之,但當荒木茂連續第二天,就我和Leona的關係亂做文章後,我認為也要認真斥責某些人,以正視聽。

作為成年人,應該很清楚,不論朋友、陌生人還是公眾人物之間的關係,不論是什麼關係,都與外人沒關係,外人的指指點點,特別就情愛關係的指指點點,簡直是無禮貌。而如果身為公眾人物,對自己朋友的關係亂指點,那簡直是自取其辱,不知所謂。

小弟與Leona相識近十年,由大學時代認識至今,在十年前是同學,在今天是朋友,以及編輯與作者的關係,就是這樣多,難道男女之間只有情愛關係,這是什麼時代的腦袋?我不明有些人可以幻想力可以大到這個奇異程度。小弟作為任何友好博客的讀者,見到那些來者不善的匿名留言者,都是見一個斬一個,不論在那一個博客小弟都是這樣處理膠人,原來處理膠人就可以聯想到小弟想追人,我只能說,有人該去看病了。

小弟沒興趣理會別人的情愛關係,亦沒有資格評論別人的情愛關係,因此,這裡不會評論別人的關係,小弟的情愛關係如何,終身幸福,我只會對自己,以及我自己所愛的人負責,不用那些無聊人議論紛紛。所以我上一篇回應文章,是Comment Off,大家都已三十歲人,難道學習尊重他人的私生活有這麼難的麼?中國人就是這樣沒有私隱觀,難道香港的傳媒道德,和狗仔隊是特別令人倒胃口。

6 則迴響

Filed under 男女問題

給那些由孫柏文/荒木茂博客來的讀者

還好荒木茂和孫柏文都不是做娛樂版記者,否則這種有悖地球或者火星邏輯的推測,只會給人笑個半死。

小弟雖然火星人,但火星人還不會作出如此離題萬丈的事,好好地的blog comment竟有這麼多聯想,真的無你咁好氣。

以下是本人對孫柏文/荒木茂推測的評語:

給那些由孫柏文/荒木茂博客來的讀者 已關閉迴響。

Filed under 男女問題