Category Archives: 惡搞

全球唯一認為香港主權屬中華民國嘅跨國企業

http://www.rb.com/RB-worldwide/Operations-around-the-world/Hong-Kong

請睇個地址寫法有幾得意,用ROC,Reckitt Benckiser用心良苦呀。

1 則迴響

Filed under 香港政治, 惡搞

關公大戰外星人!!!

識小弟都知,小弟都一切硬膠嘅事物都好有興趣。傳說中嘅《關公大戰外星人》,當然亦唔例外。

呢套片終於有片段流出,相信係彭浩翔故意流出嚟,因為呢套傳說中嘅硬膠經典(亦係cult片經典),未出過VHS,彭浩翔都要喺倉底搵番套片出嚟。

當然,呢套「港版哥斯拉」,因為極爛,爛到正常人都製作唔到果種風味,所以成為經典,但如果再拍一個新版本,應該超好笑。(例如關公一腳踩扁咗曾蔭權)

3 則迴響

Filed under 惡搞

奶粉廣告係時候收歛吓

無錯,以上高登改版嘅惠氏奶粉廣告,都幾重口味吓,改晒做食屎(但效果又好自然),只不過,高登仔嘅重口味行動,唔係師出無名。

奶粉同大便提埋一齊,因Friso以上廣告開始,之後一玩不可收拾,高登等咗半年至出手教訓呢啲個腦唔知生咗喺邊度嘅廣告佬,己經算遲。

小弟明白,BB飲奶出現便秘問題係幾麻煩一件事,但廣告公司嘅presentation都唔係用埋晒啲低能嘅橋啩,挑戰大家腸胃咩?特別食飯時間睇到個廣告,無人告去廣管局己經好好彩。

6 則迴響

Filed under 惡搞, 文化批判

惡搞在香港己經成為行為藝術

香港就快同歐陸睇齊,喺以往,呢啲玩法有人講無人做,依家真係有人做俾你睇。怨念真係勁到呢⋯⋯

7 則迴響

Filed under 惡搞

攞你命之頭柱香實有黃夏蕙

大佬,駛唔駛咁呀。年年頭柱香都睇黃夏蕙表演,唔通變咗電視台嘅搏收視指定動作?

同場加映,潮童對住電視舉中指,以為自己威過中東向天開槍

4 則迴響

Filed under 惡搞

對於呢種硬膠司機

小弟不予置評,我諗緊成個灣仔多得佢唔少。好不幸,香港呢類硬膠好多。

4 則迴響

Filed under 惡搞

當高登仔潮文成真

http://www.bbc.co.uk/news/world-europe-jersey-11710712

由於英國小報有時刻意灑鹽花灑到過晒火,所以小弟見到呢條情節同高登潮文一樣嘅膠聞時,就算Daily Mail報都有所保留。英國小報寫起三級報導果種誇張,係高登有味潮文,同埋蘋果動新聞嘅生鬼演繹可以一比(所以BBC都要問蘋果動新聞買片)

只不過有新聞界朋友,喺BBC Jersey(Channel Islands其中一個分台)搵到有關報導,只可以講,有時呢個世界,真係可以比高登人諗嘅潮文更硬膠。

發表留言

Filed under 英國與歐洲, 惡搞

究竟香港依家潛藏民憤有幾勁?

小弟一向鍾意惡搞看世情,特別喺香港,如果果排惡搞頻出,你作為當政果條友都係醒定啲好。而近日惡搞浪潮,簡直浪接浪。

首先,由高登仔提供靈感,跟手林忌成首完成埋佢嘅《力場無限好》,竟然去到Yahoo!香港熱門字排行之中,點解成打人湧入嚟唱力場無限好。

跟住,嚟一隻遊戲

高登巴打赤沙之狐設計嘅李氏力場遊戲

當李氏力場可以當遊戲玩,大家玩個不亦樂乎果陣,大家都會明點解陳偉業點解會喺立法會會議,公然大講李氏力場。

仲有,one more thing

連希特拉嘅惡搞經典,都用埋喺買樓果度,大家知道成個社會怨念幾重,特別係最後果幾句惡搞對白,果啲己經唔係惡搞,而係唔少人嘅真心話。

我真係睇,幾時香港引爆啲膠嘢出嚟。

5 則迴響

Filed under 香港政治, 惡搞

係力場,唔係力牆

由於颱風鯰魚嘅奇怪路徑,香港掀起一片李氏力場嘅討論熱潮。

雖然李氏力場係擺明玩膠,但玩膠唔可以偏離常識太甚,否則只係小學雞亂咁嗡。有人膠到明明係力場,寫錯字寫咗做力牆,仲夠膽話人地寫「力場」果啲係寫錯字,咁小弟真係唔講唔得。

李氏力場呢個惡搞概念嚟自新世紀福音戰士嘅AT Field,讀過初中綜合科學嘅,都知乜叫電磁場,李氏力場就係呢種現象引申出嚟嘅惡搞(否則點可能講到似層層),所以一定係用場,而唔係牆。你講Li’s Wall,就真係笑大人個口。

點解firewall又譯做防火牆,首先英文原本就係用wall呢個字,另一方面,早期firewall唔係軟件嚟,佢係一舊實物hardware嚟,到咗後嚟至有Router以軟件形式內置呢種功能,再後嚟現代嘅作業系統就內置軟件firewall,但呢個唔係將李氏力場錯寫為李氏力牆嘅依據。

玩膠一個原則係Seriously Unserious,法國佬呢方面係執到正,所以至玩得咁好笑,差不多先生咁樣嚟玩膠就變咗小學雞隨街亂畫。李氏力場仲有好多嘢玩,但一定唔係一啲笑點都無嘅寫錯字。

9 則迴響

Filed under 惡搞, 文化批判

你話禮義廉幾深入民心

連CCTVB啲膠劇,都要抽禮義廉水,作為香港至有禮、義、廉代表嘅民建聯,應該覺得榮幸至係,仲唔快啲整個成功爭取banner領功?

Short URL: http://wp.me/p7cGY-2GB

5 則迴響

Filed under 香港政治, 惡搞