Category Archives: 南洋政治

書介時間

以上咁有膠力嘅封面,就係小弟過去十一年寫關於南洋政治評論集《天神村南洋政治》嘅封面。果位表情咁膠嘅友仔,大家估到由邊度改返嚟(XDDDD)。

因為呢本書有唔少文章,本來係針對南洋讀者(因為喺新加坡《聯合早報》發表之故),加上部分文章有時效問題,所以小弟花咗好多時間自己另外寫文,講番成件事嘅來龍去脈,幾乎同寫過本書無分別。但係我個人認為值得,因為香港實在太少人做南洋研究。當然,大馬嘅讀者,呢本書有機會帶唔到返去,因為我喺《聯合早報》批評國陣係好辣,我都懷疑我有無可能日後再入境馬來西亞。但小弟要出評論結集,對我嚟講往往係大工程,因為我接受唔到就咁將啲舊文出咗佢就算嘅行為。

買呢本書,請去圓桌精英 X 勤力德嘅攤位買,喺1B-B22,每本盛惠六十八港元。

而去得1B-B22,順便為Rachel做宣傳,因為Rachel嘅文章結集《妙筆可言》一樣係圓桌精英出版,她過去兩年AM730嘅文都喺晒度。而7月24日下午兩點,喺會展博覽道入口B簽名區,有Rachel嘅簽名會,歡迎帶書過去搵她簽名,相信呢度有唔少她嘅讀者。

====

除咗圓桌精英,今年上書局出嘅《土豪劣紳》,小弟係其中一位文章作者,小弟比較大馬嘅土著政策,同香港嘅新界原居民政策,鍾逸傑爵士正係訓練用嚟處理馬來西亞當地嘅問題,所以佢負責新界事務對佢當年係駕輕就熟。但兩地嘅政策,副作用亦幾乎一樣。

今年上書局嘅攤位喺1B-D26,亦敬請捧場。

後話:小弟估唔到係,從商之後,反而出到書,呢本南洋政治結集,有部分係喺日本東京「震住嚟編」。

2 則迴響

Filed under 香港政治, 南洋政治

國陣係可以好荒謬

小弟一直都強調,南洋政治可以好荒謬,荒謬到你唔信。以上片段正係一例,馬來西亞警方喺7月9日,連《日內瓦公約》都唔駛守,將水炮、催淚彈射入醫院,但做咗咁過份嘅嘢後,又唔認帳。

你話,呢個世界啲友可以幾過份。咁都可以發生,仲有乜唔可以發生。

想了解更多709馬來西亞警察有幾過份,可以睇以下片段:

1 則迴響

Filed under 南洋政治

菲傭爭居港權

有幾位菲傭正式入稟高等法院,要求申請永久居民身份。

小弟嘅睇法係,入境處反對有關申請,根本講唔過去。

菲傭同果班中國公安局批出嚟嘅單程證人士係唔同:
1. 過去七年佢地無申領香港社會福利,佢地都係自已打工維持自己生活
2. 其他輸入勞工簽證人士,都可以申請永久居民,點解惟獨佢地唔得,種族歧視呀?

中國公安局單程證因為未經香港當局審批,結果搞出一大堆無辦法自己養自已嘅人入嚟,但呢班友小弟相信就算佢地留喺香港,都係繼續自食其力。所以菲傭爭居港權,只要佢地住夠七年,我唔反對。

除咗菲傭,仲有印傭,印傭融入香港程度更高,但印傭會比較少司法覆核必要,一方面印尼經濟前景比較好,我諗印傭可能會絕跡,因為佢地留喺印尼可以搵到嘅錢會多過香港。另一方面,由於香港有好大群華裔印尼人,華裔印尼人生活習慣同印傭係共通,唔同華裔菲律賓人人數少,而且兩班友基本上唔多往來,亦由於唔少華裔印尼人同印傭有通婚,所以好多印傭留咗喺香港,只不過你唔知咁解。

13 則迴響

Filed under 香港政治, 南洋政治

點解馬來西亞老闆同中產會去示威,香港唔會?

幾日前,小弟出席獅子山學會一個聚會,果陣時有個問題,好值得大家分享,查實香港打工仔日日喺度返工等放工,日子刻板一如官僚,查實佢地過緊社會主義嘅生活,點解佢地會憎恨佢地根本唔生活緊嘅資本主義。

我今日同時諗到呢一個問題,兩個問題串埋一齊,就大家搵到問題嘅答案。

喺馬來西亞,參與淨選盟示威,好多係小弟呢挺老闆,或者唔少係中產嚟,老闆甚至鼓勵下屬食催淚彈同水炮。點解馬來西亞老闆會支持淨選盟,因為馬來西亞好多人做生意,真係要拼,唔駛拼而做到生意果班係乜人,就係土權政策保護嘅巫統權貴,呢班友係靠官商勾結食飯。所以,越係要自己拼行業嘅老闆同員工,越支持淨選盟嘅主張,因為可以睇到一個真正「公平競爭」嘅大馬。

香港點解咁多好似香港中大校友評議會班腦殘主管,老闆,大家諗吓幾多香港老闆無咗拼搏精神,一味等中國餵生意俾自己,事事好似太監咁奉迎共產黨,你話間公司點可能有拼搏精神,個個口中所講獅子山精神根本唔存在,因為中國一早搞緊「配給資本主義」。

所以喺我眼中,爭取香港自治、爭取香港民主同埋企業精神同一條線,所以打破官商勾結,就係要結束呢種「配給資本主義」,由政治到經濟都係有能者居之。而中國呢個超巨型統戰機器喺度,中國為咗俾香港人食精神鴉片,係唔會俾真正自由經濟存在,相反,只會引導你相信一啲自殺得更快嘅假左翼思想。香港人越自相殘殺,佢地越開心。

所以要解決「地產霸權」呢個由配給資本主義衍生嘅議題,就要重建創業精神。而創業精神,唔係要政府立法保護小店(當然要發番適當小販牌」,而係小店要用一套合符現代規格嘅管理方式,去提升自己嘅生產力,唔好搞到仲係用原始方式管理,唔知自己每日賣咗幾多貨至得。

我諗以下BBC本土嘅節目,對各位有啟發意義

當香港人醒覺到自己生活喺一個「社會主義」環境果陣,就係民主醒覺之時,一如馬來西亞。

6 則迴響

Filed under 香港政治, 財經, 南洋政治

勇武嘅南洋人,懦夫嘅馬來西亞政府

當今大馬中文:万人黄潮雨中上街突破七月围城
當今大馬中文:向同善医院前人群发射催泪弹
當今大馬中文:净选盟游击战翻转隆市封锁

你話小弟想去評議會大會同班硬膠香港膠人死過,定係去灣仔馬來西亞使館支援淨選盟,小弟查實想去淨選盟多啲,至少我呢個檳城人嘅子孫,睇到馬來西亞嘅曙光。

納吉領導嘅馬來西亞政府,可謂集仆街之大成,曾偉雄同佢比輸九條街,仆街行為包括:
1. 向醫院放催淚彈、水炮
2. 空投催淚彈
3. 拘捕十多名未滿十八歲小童,以及對佢地放催淚彈、水炮,違反聯合國兒童權利公約
4. 用盡狗招封鎖吉隆坡
5. 煽動巫青團挑機,意圖引發種族衝突
6. 動用張曉卿旗下傳媒抹黑示威者(所以我實杯葛明報)

但馬來西亞政府懦夫成咁,南洋人不分種族無畏無懼,食水炮、食催淚彈,拘捕成千人,咁又點,我地就係要入吉隆坡,還我乾淨選舉。

以小弟嘅角度,香港示威一直都唔激,因為南洋人嘅歷史,我地嘅民主從來得來不易,要經歷過被迫獨立、街頭抗爭等至有,勇武嘅南洋人,為屬於全民嘅馬來西亞帶來曙光。相信納吉下屆大選,實輸到hihi。

2 則迴響

Filed under 南洋政治

柬埔寨教訓我們什麼

喺中國一片唱紅歌嘅運動中,小弟諗起柬埔寨令人毛骨悚然嘅歷史。

上世紀,世界出過三大仆街主義,納粹主義、共產主義,同埋集中國專政皇權以及歐洲各類垃圾思想於大成嘅毛澤東主義。而毛澤東主義不單搞出中國文革,以及一九八九年北京大屠殺呢兩筆歷史爛帳,仲喺其他國家繼續製造大爛帳,最恐怖正係柬埔寨赤柬,而直到依家,中共都仲未為呢筆爛帳找數。

赤柬最黐線地方喺邊,S-21集中營係有名例子,17000人喺呢度被殺,好多係全家被殺,前政權高官、知識分子固然有,但現政權政敵,到走唔甩嘅外籍人士,一樣全家遇害,而且手段殘酷,先虐待,有病無得醫,然後被殺。

大家諗吓,以依家中國人嘅文明水平,再加上毛澤東思想嘅毒根本無清過,一旦中國大亂,香港無獨立自治,會唔會出現類似S-21嘅人間地獄。北韓(另一個中國欠落人類社會嘅大數)都搞到咁,咁大家諗吓之後會點。

所以依家中共嘅官員,將財產子女等全部轉到西方國家,因為佢地自已最清楚,佢地用嘅垃圾思想,究竟有幾得人驚。

2 則迴響

Filed under 南洋政治, 中國政治

不懂南洋民情就不應亂寫評論

張炳良:新加坡選舉的啟示

小弟睇完之後,眉頭全皺,因為條友唔熟南洋民情就亂寫一通。

新加坡贏得一個選區,唔只贏得國會議席咁簡單,而係個選區嘅市鎮理事會(Town Council)都係佢地控制,無執政能力嘅政黨根本可以即時收檔。而集選區管廿幾萬人嘅日常生活,五條友分工係咁,己經反映果個政黨嘅質素,呢個亦係一直以嚟,反對黨攻唔入集選區嘅原因。

今次工人黨贏兩區都係以Comfortable Margin嚟贏,因為工人黨唔只年輕化咁簡單,而係後港市鎮理事會有實績可以跟,喺新加坡選舉其中一點一定打,就係你管唔管得掂Town Council,喺私樓地區,即係無咁依賴Town Council未必咁睇(所以實龍崗地區行動黨輸得最慘),但組屋為主地區,你無管Town Council能力就返屋企瞓覺喇。以往工人黨都未必贏到中間票,只能贏原本靜山、友諾士集選區殘餘部分嘅工人黨鐵票,但劉程強用佢喺後港市鎮理事會嘅實績,就可以連中間票都拎走。

所以兩黨制論述,唔係外國人講,係新加坡人,同埋小弟呢種長期分析新加坡政治嘅人自己講。小弟明白,新加坡步向兩黨政治,PAP嘅所謂培養政治精英方式破功,對曾蔭權影響好大,但現實擺在眼前,工人黨有執政經驗後,會一個個集選區攻落嚟,好可能會出現,日後新加坡政治由幾個容易轉變陣營嘅集選區或單選區決定嘅局面,呢個係西敏寺政治典型遊戲規則。行動黨要攻番阿裕尼落嚟唔係咁容易,特別知道阿裕尼集選區同靜山集選區、友諾士集選區嘅淵源果陣,就明白呢次點解係決定性戰役。

3 則迴響

Filed under 南洋政治

李光耀吳作棟退出內閣

Strait Times: MM Lee, SM Goh to retire from Cabinet

李光耀不再做資政,換言之,新加坡可以全力向一個新時代進發。

整個向後李光耀時代出發嘅工作,由八十年代尾做準備,直到劉程強接下李光耀嘅集選區戰書,並且擊敗李光耀,前前後後廿幾年,反對黨由只係一味講意識形態嘅政黨,到今日佢地有良好嘅市鎮理事會管治能力,並成為跨民族黨派(本來工人黨唔係華基政黨,工人黨創辦人係猶太人David Marshall)。

李光耀選擇以一次最重要嘅會戰,作為他淡出新加坡政壇嘅背景。一代南洋戰略家李光耀,他示範了一個為自己國家負責嘅政治人應有退出舞台嘅身影。

發表留言

Filed under 南洋政治

首個出現喺集選區嘅政黨輪替

海峽時報:工人黨接管阿裕尼市鎮理事會辦公室

新加坡做國會議員,唔係只喺議會齋talk咁簡單,而係有一定行政權力,當中包括接管成個選區嘅地方行政事務,件事由Town Council,即係市鎮理事會做,而市鎮理事會嘅人,全部都係果區嘅國會議員指派。所以行動黨會唔會阻止工人黨接管阿裕尼市鎮理事會,正係反映新加坡會否達致政黨輪替嘅指標。

而今日新加坡政府嘅態度,可以睇到行動黨己經唔係廿年前果個行動黨,依家係有準備政黨輪替。日後市鎮理事會交接,將唔會引發政治爭拗。

工人黨會以後港市鎮理事會,同埋阿裕尼市鎮理事會作為練兵場,好似林瑞蓮做緊非選區議員果陣,同時係後港市鎮理事會委員,小弟相信工人黨接受兩個非選區議席,並且全部派年青人去接嘅原因,都係要利用嚟練兵,佢地入晒後港或阿裕尼市鎮理事會完全唔出奇。

後話:呢個世界最吊詭係,當年唔俾劉程強用嘅後港市鎮理事會舊址,正係今日阿裕尼市鎮理事會嘅所在,劉程強不單一統後港,而且好似還返啲佢當年應得嘅嘢咁。

發表留言

Filed under 南洋政治

引起新加坡人蝗蟲南侵疑慮嘅文章

華新論壇:新加坡大选观察

来新加坡12年,一共经历了3次大选。这次也是我有投票权以后第一次投票,所以想写点自己对新加坡大选的看法。

说点题外的话,其实新加坡的中国移民也不少,相信华新上就有很多,不知道有没有人有参加竞选的打算,争取我们自己的声音。至少让政府在考虑移民政策的时候也顾及下吧:-)

這兩句完全暴露這幫中國人不知所謂在哪裡,來了十二年,還只是想中國移民嘅利益,咁樣你班友唔係嚟入侵新加坡係乜,你地有無效忠過新加坡架?

呢個亦係點解依家香港人無法信任果啲中國南嚟移民,理由亦喺呢度,只係識得食人地資源,但拒絕成為當地社會嘅成員,呢啲友邊度都不受歡迎。

所以遲早新加坡、香港、印尼、台灣會聯成一線,甚至更多國家參與,呢班友簡直嚇壞人。

2 則迴響

Filed under 南洋政治