Category Archives: 中文大學

陳志新可能成為最快辭職評議會主席?

獨立媒體:社運八方:霸王硬上弓後的借殼上市

呢個廖姓的學院經營者,亦曾係香港登記一間 Asian Knowledge Management Association Limited (AKMA)「亞洲知識管理協會」的公司,但其網頁經 David Webb 起底後網站被移除。呢間公司的名,真係好似陳志新擔任校董的「亞洲知識管理學院」(Asian College of Knowledge Management – ACKM),而咁啱學院的創會會長係「廖湘琨」,英文併音又係 Liao Sheung Kwan !

呢位廖生經營的「學術」帝國好強大,透過頒(還是「送」?見文匯報)學位給知名人士而確立其學術位置,呢種咁嘅管理心得,大概會由新任校友會會長、「亞洲知識管理學院」的會董,引進中文大學,把中文大學帶進「國際」學術圈裡,未來不知會不會出現中大與林肯大學聯合發學位的事(如陳志新所屬的CCIBA與林肯的這個光榮合作[pdf])?善哉善哉!

學術界對diploma mill呢家嘢,本來相當痛恨,因為呢樣嘢係明目張瞻嘅學術造假,有部分國家,行使diploma mill嘅文憑係好大鑊嘅事。

陳志新依家最大鑊係,佢依家係一間diploma mill嘅會董,而佢會唔會用佢中大校董身份,喺呢個diploma mill上加持,真係天曉得,而有一間大學嘅校董,身兼diploma mill嘅會董,足以整臭成間大學個名。

我諗大家,係時候要睇呢件事,否則中大人未來將會好唔得閒。

7 則迴響

Filed under 中文大學

開校友評議會周年大會開到報警

蘋果日報照片

開校友評議會周年大會開到報警,都應該係史無前例,但劉世鏞唔處理一啲有暴力傾向校友情況下,我只好報警。

當時有部分投票「校友」,我可以咁形容,佢地嘅態度同爛仔無分別,如果佢地咁搞落去,揮拳打人一啲都唔奇。我同劉世鏞抗議,但劉世鏞唔理,我唯一可以做係報警。事實上,條友己經做緊Common Assault嘅行為,我有理由報警。

喺周澄Facebook,有以下資料

Chow Ching Crystal 佢地唔止「盟塞」…仲好暴力…恐怖過維園阿伯.
今日有在場朋友話聽到佢地有人話要打我-._

我諗如果唔係一早有差佬出現喺李兆基樓,分分鐘今日見報唔係我懷疑做咗「石修」去報警,而係陳志新當選,周澄被打,屆時中大真係校譽掃地。

我唔期望校方班友會阻遏暴力事件,但改革派校友亦有律師,或者我呢類毫不猶疑對有可能動用武力校友報警嘅人。果啲打算用暴力嘅校友,我唔會當佢地係師兄而俾任何面佢地,無人需要俾面爛仔。

仲有,邊位知道圖中紅衫校友係乜水,歡迎提供資料,相信下屆都要防範一啲有可能施用暴力嘅人。

4 則迴響

Filed under 中文大學

中大火星評議會

評議會周年大會應該未開完,但由於太荒謬,所以小弟率先將部分片段上傳。

大家應該明點解小弟次次開會都火氣上升,一個法定組織啲友仔係咁樣做主席同開會,小學雞都不如,人地認真嘅問題,劉主席一律俾啲膠答案你。

我真係懷疑,我係咪同火星人開會。

發表留言

Filed under 中文大學

舊債未清,支持免問

黃世澤:這是親中大校方校友的討論水平

陳志新,至今還欠小弟一個道歉,此君還厚顏無恥到,今年去參選校友評議會主席,此君何德何能。

所以我今年做法很清晰,支持周澄做校友評議會主席,我是周澄提名人之一。在常委中,小弟未有拉票的最後意向,因為幾位候選人都是小弟認識。但主席這邊,我很清楚,Sophie提起當年的事,我更加覺得我決定很正確。

亂咁鬧人偏激的人,思想根本同禮義廉同一路,我點解要投佢票,隨時衰過劉世鏞都似。(劉世鏞己經膠到自己摺埋)

4 則迴響

Filed under 中大老鬼, 中文大學

湯宿爭取異性蛇以及異性同房事件

由香港果啲人嘅反應,小弟可以咁講,X光社呢類組嬂有市場,因為香港有班友諗嘢,離文明好遠。

先講異性蛇,我個人唔反對異性蛇,因為宿舍單位租咗俾學生之後,宿舍單位內嘅行為,除非涉及刑事,否則大學無權管一個成年人喺私人地方嘅行為。呢個原則,正係英國視個人住所為堡壘嘅基本法律理念。啲友仔話大學係咩嘢道德教化地方,乜乜物物,唔好意思,呢個大唔過基本嘅私有產權原則。只要同房同意,異性蛇無問題。

如果大學要禁止異性蛇,唯一合乎道理嘅做法係每年宿舍就等同大廈公契某啲條文進行公投,有八成居民支持就可以在某個時間禁止異性出入,但呢個連Common Room果啲地方都管埋,除非公投份「公契」寫得好精細。咁樣自然會出現一啲傳統上比較開放嘅書院、宿舍俾異性蛇,唔想住咁開放嘅,就自己揀果啲地方住。

至於異性同房,小弟認為可以接受,中大問題係當初宿舍規劃無諗過呢個問題。如果中大宿舍規劃果陣,可以劃出部分宿舍容許異性同房,咁就己經無異性蛇呢個問題,而且可以按傳統行事。例如新亞三棟舊宿舍,即係知行、學思同志文,學思一向保守到爆,咪繼續保守,知行素來都被人話de facto男女混宿,咁咪直頭規範化管理囉。又或者崇基學院以宗教理由唔參加咁嘅plan(變咗你入崇基果陣唔係只係貪船多),無宗教背景嘅書院可以自由行事。

特別大學生都係成年人,大學生嘅性問題唔到我地理,除非有人想喺香港重新引進Indian Penal Code 377之類惡劣物體,呢啲人送佢地去伊朗住算,適合做回教道德警察。

2 則迴響

Filed under 中文大學

為老不尊教壞子孫的所謂校友

上周六中大校友評議會AGM續會,小弟無去,因為對小弟這類繁忙人士,最近睇Bloomberg睇到眼矇,評膠事評到爆血管,呢類被劉世鏞主持到同小學雞開會一樣嘅會,真係⋯⋯

但有啲老校友嘅小學雞作為,真係令小弟唔寫都唔得。話說有件叫葉國洪嘅友仔,周圍send啲抹黑「年青人陣營」嘅「奇文共賞」,唔知係誤以為我係評議會常委,用錯舊mailing list,定係因為我仲係校友會聯會成員,定係因為佢唔記得我仲係年青,以為我係撈咗幾十年果啲老油條。寄咗以下嘅膠mail:

各位,
輾轉收到一文有關中大評議會續會事宜,謹轉寄各位,見仁見智,奇文共賞.

葉國洪

函件2011-02-28
人相輕同志、黃同志,

先致以革命敬禮!
您們是我們紅衛兵的典範與偶象!
橫掃一切牛鬼蛇神的英姿, 重現香港中文大學!
您們大筆一揮,令老餅校友噤若寒蟬!讓我們雄踞一切傳媒輿論陣地!
存你們筆下紅衛兵的重豪情輕敵理邏輯, 發揮得淋漓盡致!

你們雄文之中, 字字珠璣,儘量用了震憾人心的字眼, 不須與反動派講任何道理:
荒謬地
扼殺
懶理異議
根本已不能作準
硬推
壟斷發言權
低票當選(明明占投票日4/6)
無視規程
表決亂龍
沒有進行任何跟進工作
荒謬感
完全無視議事規則的要求
烏龍地

這些妙語連珠, 牽動心弦, 給不用腦思考的人有如南針指路, 疑惑全消。
你們高妙處, 正在于明明中大評議會續會整個過程在法律顧問監督下按評議會章程一絲不苟, 秩序井然進行[1], 你們卻可以全面否定地, 冷嘲熱諷地批鬥反動派, 真棒!
明明中大評議會常委有回信, 有針對校友質疑作出詳細書面報告, 你們可以隻字不提!管他公正不公正!民主和人權是我們獨有的萬應靈丹!反動派不配有人權!
世上無一會議運作百份百完美, 只要一絲一毫不滿意, 你們擴大萬倍, 便可依既定共同方針: 找小錯—–投訴——無限上綱上線——-消耗反動派人力物力精力——–聯合大多數打擊一小掫——投不信任票——-打倒頭頭, 高呼頭頭下臺。 這策略配合我們派往中大的臥底, 內外呼應, 真叫反動派膽戰心驚, 人人自危,真棒!

你們以下的雄文, 將作為紅衛兵闖將培訓班創意創作教科書範文, 我們正申請中大評議會學生活動基金贊助。

你們高妙之處, 正在於只要擴大宣揚自我觀點, 三人成虎, 不斷重複, 不斷吹毛求疵, 𣎴斷內耗中大反動勢力, 助長我們校內校外友好盟友威風。

最後,你們只管盡情宣揚吧, 我們誓為後盾! 老餅校友, 只有極少數敢言, 我們不停在網上抹黑妖魔化他, 保證他乖乖收口!各個擊破真有效!
只要巧妙利用中大學生純真及校友的厚道,我們透過網上及影視不斷叫高呼動人口號,煽動群情洶湧,即使中大高層,他們便要讓步, 便要親民, 骨子裡無不乖乖俯首屈膝!真棒!

讓我們團結一致, 裡應外合,順我者昌, 逆我者亡,對中大評議會常委, 對校友聯會, 對中大當局相關教授無限上綱上線, 狂拋帽子, 管他莫須有!

紅衛兵橫掃一切牛鬼蛇神萬歲!
紅衛兵鎮壓一切反動派萬歲!

中大紅衛兵同盟敬禮

跟住下面,就係獨立媒體黃俊邦篇文。

大佬,你條友幾大呀,咁老做埋啲小學雞行為,呢條友真係唔慌唔奇文共賞。仲要落喺我手上,但由於果陣睇緊Fixed income嘅資料,好唔得閒,咁咪覆咗條小學雞。

謹謝葉先生電郵

不過,請劉世鏞主席自我檢討一下

這些電郵只顯得個人年紀比我大很多傢伙失去自己身份

恕小弟不客氣了

點知,有件叫文振球嘅小學雞,佢嘅回覆真係⋯⋯ 我上鋪決定唔同呢條友做朋友,真係對自已血管比較好嘅決定:

黃校友:

本人覺得問題不在年紀,而是在於有沒有理由。

看過雙方的說法,本人認為
(一)劉主席的做法並無違反議事程序,
(二)葉師兄只是將奇文傳出共賞,並無作出自己的評價,
(三)奇文內容輸打羸要,不知所謂!寫的人沒有尊重議事程序和遊戲規則,不足為法!

講真,中大尊重言論自由,每位中大校友都受過高等教育,人人識獨立思考,公道自在人心。

大家知道點解有世代之爭?大家知道乜叫為老不尊,教壞子孫,作為前輩師兄,大家期望係佢地嘅行為同品德係有番咁上下。但好可惜,呢兩條友啲言論。人地就喺獨立媒體公開同你長篇大論,你兩件老校友就玩人身攻擊,道理都唔講,你想年青人參與校友活動,我相信年青人只會諗過先。

中大校友嘅爭端,某程度就係社會嘅縮影。小弟自問唔係好叻,對德高望重嘅前輩仲係尊敬有加,只不過呢啲揦住雞毛當令箭嘅友仔,葉國洪仲要係教育學院。如果我呢一代人無教壞,某程度上,係上帝俾我地嘅福氣。

1 則迴響

Filed under 香港政治, 中大老鬼, 中文大學

對付中大校友評議會

黃俊邦:新民女討論被腰斬-選舉不公照去——相隔八個月的中大評議會會員大會

小弟無去呢次大會,因為浪費時間無意思,基本上,劉世鏞決定無恥無極限,喺評議會呢個戰場打無意思。基本上,小弟認為有三場仗要打。

1. 喺現階段,應該提早為推舉挑戰劉世鏞校友評議會主席一職嘅候選人做準備。小弟唔會做呢啲咁煩嘅嘢,因為真係一等硬仗嚟,未來幾個月香港己經多仗打到嘔,我係孫悟空都唔掂,但呢個德高望重人選,依家就要傾。

2. 與此同時,要修改《香港中文大學條例》規程19「9. 校友評議會會議的法定人數,為大學校董會於校友評議會作出報告後所 訂明者。
10. 校友評議會的章程、職能、特權及其他與校友評議會有關的事宜,須經大 學校董會批准。(2005年第10號第27條)」
由於《香港中文大學條例》唔係涉及政府政策,根據《基本法》,搵位立法會議員,搞掂呢啲校方可以控制校友評議會嘅條文。可以順便廢埋規程25「7. 香港中文大學可設有香港中文大學學生會,其章程須經大學校董會批准。 8. 每一書院可設有學生會,其章程須經大學校董會根據有關書院的院務委員會的建議予以批准。」呢啲清朝條款。

3. 喺失去校董會控制後,再進行校友評議會內部嘅憲政改革。

但可以肯定係,劉世鏞一定要走。呢條友唔知用乜昏君嚟形容佢好,但可以肯定係,今年6月個AGM,一定雞過小學雞。

發表留言

Filed under 香港政治, 中文大學