特膠政府做乜都會變成一舊膠

兩 普 查 員 疑 被 狗 追 墮 坡 送 梅 窩 診 所 治 理

2011-07-17 HKT 16:10
兩 名 人 口 普 查 員 在 梅 窩 工 作 期 間 , 懷 疑 被 狗 追 跌 落 山 坡 受 傷 , 消 防 及 救 護 人 員 將 兩 人 救 起 , 送 往 梅 窩 診 所 治 理 。
事 發 於 下 午 2 時 45 分 左 右 , 一 男 一 女 傷 者 在 東 灣 頭 路 衞 理 山 莊 對 開 跌 落 山 坡 , 送 院 時 穿 著 人 口 普 查 員 制 服 。

作為英治年代最後一次人口普查(果次係中期人口普查,但做嘅規模同一次大型差唔多)嘅普查員,都估到呢挺膠事遲早發生,只不過估唔到咁快,仲要兩條友被狗追追到跌落山坡。

我果陣人口普查係唔著制服,除咗浪費錢外,仲有一樣嘢,就係香港成街都有各類型流浪狗,由郊區山狗,到市區被啲不負責狗主遺棄嘅狗,甚至佢地啲後代都有,對於一啲無接受防狗訓練嘅友仔,叫佢地著制服去調查即係惹狗咬,政府統計處嘅友仔傻咗呀?

而且有狗地區嘅普查員,同無狗嘅唔同,當時小弟係負責少啲問卷,因為小弟負責當時溶溶爛爛嘅銅鑼灣耀華街,好多樓啲住戶唔係搬出,就係樓裡面啲友仔唔知乜人,好彩只遇過老人家,果啲舊樓治安、保養超爛,小弟係獲准手持打狗棒(一枝長木棒,打得傷人)呢類武器通行走。我個人唔明呢一男一女點解喺郊區執勤唔獲發武器。

仲有今年人口普查問卷資料保密都好有問題,喺英治年代,人口普查問卷一填入數據,就係Confidential Document,當時小弟做普查員受訓,第一時間受訓就係政府內部文件保密分類,人人都知大家揸住一啲漏咗出街好鑊嘅文件,有法律後果,因此好重視受訪者私隱。但今年啲短問卷只係歸類為同考評卷Marking Scheme一樣嘅Restricted,事實上漏咗出街都只係紀律行動,大佬,點保障私隱呀。

英中兩代相比,真係高下立見。

廣告

7 則迴響

Filed under 香港政治

7 responses to “特膠政府做乜都會變成一舊膠

  1. 佢地話著制服容易辯認,但我心諗,要假冒統計員,個件咁ge衫都唔難做啦。至於限閱定機密,我06年做CA的時候都係限閱,冇得比較。

  2. 個袋都唔難冒既,除非係LV XD

  3. TC

    香港做乜人口普查呀,統計處同入境處都唔知有幾多係香港出世ge BB會係香港定大陸住同讀書。就算知有幾多人去香港,佢地幾時落香港都唔知。

  4. “我個人唔明呢一男一女點解喺郊區執勤唔獲發武器。"
    這是常識問題。當年我到鄉村地方(山路)收集樣本,手拿大棒。
    沒有狗會攻擊你。有樣事要緊記,千萬不要走,一走就會被狗追。

  5. dbdb

    那一年撞正做大查,我果陣去過一個阿婆屋企,阿婆話証件和袋可以假,銷住鐵閘唔俾入,所以要mouth係地下做。

  6. TC

    dbdb ,

    呢個阿婆真係醒!

  7. 我愈來愈唔明白, 而家政府班友好多都係以前港英時代o既官. 英國人o個套無學十足, 應該學到7, 8成. 唔應該搞到而家做樣樣野都變成膠.

    有時見到當年肥彭o係香港食蛋撻, 飲涼茶的相, 都有d懷念以前的日子, 好似快樂d.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s