菲傭爭居港權

有幾位菲傭正式入稟高等法院,要求申請永久居民身份。

小弟嘅睇法係,入境處反對有關申請,根本講唔過去。

菲傭同果班中國公安局批出嚟嘅單程證人士係唔同:
1. 過去七年佢地無申領香港社會福利,佢地都係自已打工維持自己生活
2. 其他輸入勞工簽證人士,都可以申請永久居民,點解惟獨佢地唔得,種族歧視呀?

中國公安局單程證因為未經香港當局審批,結果搞出一大堆無辦法自己養自已嘅人入嚟,但呢班友小弟相信就算佢地留喺香港,都係繼續自食其力。所以菲傭爭居港權,只要佢地住夠七年,我唔反對。

除咗菲傭,仲有印傭,印傭融入香港程度更高,但印傭會比較少司法覆核必要,一方面印尼經濟前景比較好,我諗印傭可能會絕跡,因為佢地留喺印尼可以搵到嘅錢會多過香港。另一方面,由於香港有好大群華裔印尼人,華裔印尼人生活習慣同印傭係共通,唔同華裔菲律賓人人數少,而且兩班友基本上唔多往來,亦由於唔少華裔印尼人同印傭有通婚,所以好多印傭留咗喺香港,只不過你唔知咁解。

13 則迴響

Filed under 香港政治, 南洋政治

13 responses to “菲傭爭居港權

  1. 鐵甲人

    我都覺得要俾佢地,甚至係應得添嘅,佢地話晒來港做咗七年,又唔似那些走單程證快線那班內地同胞,況且佢地為香港釋放唔知幾多本地​勞動力,而且本身又冇最低工資,對比深圳河以北那班來民…​

    當中第(2)點真係冇得抝,但香港人同香港政府一樣,崇尚rule by expediency,見佢地人數多,又唔係專業人仕,咪打正旗幟種族歧視,並視為理所當然。

  2. Jacky Lim

    要我揀, 我真係情願揀菲傭都唔要大陸落嚟嗰啲囉
    對於好多民族主義者嚟講, 呢個諗法簡直大逆不道, 如果响中東我諗我會俾人暗殺掉添
    但事實擺在眼前, 有幾多大陸落嚟嘅唔係貪圖香港的榮華富貴? 佢地落到嚟只係變成香港社會的負累

  3. DFW1996

    不過最大問題是,香港有沒有資源養咁多外來移民?尤其是低下層,梗係唔想忽然多幾萬人爭飯碗啦!

  4. martinoei 黃世澤

    To DFW1996:

    依家入境處唔會批連續七年簽證俾同一個菲傭,所以唔係司法覆核成功,佢地要成為永久居民都係好困難。

  5. DFW1996

    當然係講緊司法覆核勝訴的情況啦!不過,如果不能連續居港,那原訴人又如何滿足居港要求呢?

    事實上星島的新聞並非「獨家」,舊年12月全港報紙都有報道,雖然我對接納外傭居港有保留,但星島的報道手法,令人想起167萬這數字

  6. TC

    DFW1996,

    我唔覺得會有好多人去所謂爭飯碗,因為以依家菲傭咁少人工,再加上工作環境又唔係特別好,你估有好多20-30歲香港女仔會去打住家工,幫人湊仔,間中去街市幫手賣野?

    而且有d菲傭有大學學歷,雖然講英文有口音,但係寫英文同講英文一定唔比香港人差。如果佢地唔洗visa就可以係香港打工,佢地係香港係好有用。

  7. DFW1996

    TC: 即使係新加坡,都有很多人不滿外來移民搶飯碗,如果依你所言菲律賓人好駛好用,那香港有些人有憂慮也很正常。本土人要自強是一回事,但你個句「好駛好用」,卻可能是網民最擔心的

  8. Alienz Thame

    講真,大局黎睇畀佢地居港權可能係好事。咁樣,入境處批家傭批得緊,香港人就唔係話有錢就有得請家傭,然後就唔會咁多人返工返十幾二十個鐘,唔理屋企野,可能可以改變依家香港工作時間超長的問題。

  9. 新仔

    如果佢哋真係成為咗永久居民之後, 仲可唔可以用"菲傭價"請佢哋做嘢? 會唔會反而被迫要用最底工資請佢哋而導致失業?

  10. KK

    To 新仔:

    Let the “invisible hand", i.e. the market, to take care of the pricing issue.
    “Give to Caesar what is Caesar’s and to God what is God’s".

  11. mats

    i prefer not to let them stay, because they are just the short term worker, why we let them stay ? if so, hong kong government has a lot to do. u should think about it ?

    once they come, all their members will come, what will happen then ? can hong kong really handle it ?

  12. martinoei 黃世澤

    To Mats:

    做其他職業嘅拎工作簽證留港。點解佢地累計居港連續七年可以申請永久居留權無人反對,但大家偏針對菲傭印傭?種族歧視?

  13. 義不容共

    我唔會只看歧視不歧視,而覺得要由香港無自主審批移民,以至承受移民的容量去考慮。

    香港已經唔係五十幾六十年前,可以承受數以十萬計,外傭來港打工前,有無合理期望永久居留當地?法律上大可爭辯,政治層面爭議更多。

    大陸人湧來香港生仔,已經搞到一鑊泡,

    一視同仁無分你我,大家都想,但實際問題要點解決?點解唔會有大量香港人湧去菲律賓印尼,打工謀求居留?現實係好殘酷,大細超無可避免。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s