點解馬來西亞老闆同中產會去示威,香港唔會?

幾日前,小弟出席獅子山學會一個聚會,果陣時有個問題,好值得大家分享,查實香港打工仔日日喺度返工等放工,日子刻板一如官僚,查實佢地過緊社會主義嘅生活,點解佢地會憎恨佢地根本唔生活緊嘅資本主義。

我今日同時諗到呢一個問題,兩個問題串埋一齊,就大家搵到問題嘅答案。

喺馬來西亞,參與淨選盟示威,好多係小弟呢挺老闆,或者唔少係中產嚟,老闆甚至鼓勵下屬食催淚彈同水炮。點解馬來西亞老闆會支持淨選盟,因為馬來西亞好多人做生意,真係要拼,唔駛拼而做到生意果班係乜人,就係土權政策保護嘅巫統權貴,呢班友係靠官商勾結食飯。所以,越係要自己拼行業嘅老闆同員工,越支持淨選盟嘅主張,因為可以睇到一個真正「公平競爭」嘅大馬。

香港點解咁多好似香港中大校友評議會班腦殘主管,老闆,大家諗吓幾多香港老闆無咗拼搏精神,一味等中國餵生意俾自己,事事好似太監咁奉迎共產黨,你話間公司點可能有拼搏精神,個個口中所講獅子山精神根本唔存在,因為中國一早搞緊「配給資本主義」。

所以喺我眼中,爭取香港自治、爭取香港民主同埋企業精神同一條線,所以打破官商勾結,就係要結束呢種「配給資本主義」,由政治到經濟都係有能者居之。而中國呢個超巨型統戰機器喺度,中國為咗俾香港人食精神鴉片,係唔會俾真正自由經濟存在,相反,只會引導你相信一啲自殺得更快嘅假左翼思想。香港人越自相殘殺,佢地越開心。

所以要解決「地產霸權」呢個由配給資本主義衍生嘅議題,就要重建創業精神。而創業精神,唔係要政府立法保護小店(當然要發番適當小販牌」,而係小店要用一套合符現代規格嘅管理方式,去提升自己嘅生產力,唔好搞到仲係用原始方式管理,唔知自己每日賣咗幾多貨至得。

我諗以下BBC本土嘅節目,對各位有啟發意義

當香港人醒覺到自己生活喺一個「社會主義」環境果陣,就係民主醒覺之時,一如馬來西亞。

6 則迴響

Filed under 香港政治, 財經, 南洋政治

6 responses to “點解馬來西亞老闆同中產會去示威,香港唔會?

  1. Jacky Lim

    習慣了待中共飯來張口的人,不要忘記這口飯是有條件的,就係要好似隻狗咁聽話先有得食

  2. 昨天,我有位泰國朋友跟我說,來到香港好唔開心,遇到好多翻白眼。有人當佢係中國人,數泰國的不是,而不明白人家是身心一體的泰國人,再不好的東西也是他們國家尊嚴的一部份。

    點解香港人要向大陸跪低?因為大家的眼光已經停滯到除了大陸成個世界陸沉了一樣。東南亞諸國、土耳其和墨西哥近年都發展好快,呢 D 國家的人也有後生仔過來香港搵機會,但好多時都係失望收場,因為香港人除了傳統做開南洋生意的,後生一輩真係唔見左人。佢地在本國也要去鬥贏上一代的大機構,所以先要到處搵同盟搵機會。

    結果,佢地在亞洲的終點站,就係種族視野較為遼闊,後生一代更有本身的專業心的新加坡。

    好多次都係咁,我都自問新加坡或吉隆坡機會好過背靠大陸的香港多多聲,因為呢種嘅唔尊重人,更唔自重。真係講多都哂氣。

  3. 香港人返工等放工同社會主義有乜關係﹖資本主義就唔係咁啦咩﹖

    又,要大家擁護資本主義的話,叫膠子山班友出少句聲當幫忙啦。人地聽到你話地產霸權萬歲仲會支持你﹖

  4. martinoei 黃世澤

    To 李學斌:除了小弟呢個南洋人,香港有啲人係睇到南洋嘅重要性,呢次書展我關於南洋評論結集係沈旭暉邀請下出版。

    To 方潤:獅子山學會係有個別人士嘅present自己主張方式太有賭撚味,比我更唔注重火控,但佢地有佢地嘅道理。

  5. 因為係香港出黎抗爭會比高志深話係社會的失敗者, 我相信唔止佢一個係咁諗, 而可悲既係好多人係咁諗………..

  6. Fe010

    Blog主,我對你的評論集很有興趣,但因我長期在海外未能到書展購買,現正和在港家人聯絡以代購給我,但需要知道相關資料(書名、出版社,有ISBN更好),未知能否email給我,謝謝你。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s