江澤民之死無關新聞

小弟對部分新聞人,我指未做過亞記果啲,話亞記未經查證就將江澤民死訊出街乜乜物物,我感到好感冒。

呢單嘢,簡單嚟講,無關新聞。

除咗亞記,日本《產經新聞》出號外報江澤民死訊,但無論新華社出果段用垃圾英文寫出嚟電訊稿,定係中聯辦狂炳亞記,《產經新聞》就係唔撤回報導。日本仔做新聞,特別呢類新聞嘅查證功夫嚴謹過香港n倍,大家都知日本仔喺情報力上嘅有名程度。

正如我昨天所講,江澤民嘅死報唔報,對王征嘅考慮根本唔係新聞專業,有記者講新聞專業,堅持要查一輪嘅話,我可以講,王征會即刻炒呢啲記者,因為王征擺明攞個台嚟做政治鬥爭工具,江澤民嘅死係堅料咁又點?撒唔撤回報導,完全視乎王征同佢幕後老闆嘅政治需要。

所以如果我係亞記新聞部嘅人,會轉工甚至轉行,因為喺香港做新聞實在太危險,今次要食咁大隻死貓,唔會死人嘅,王征亦唔會炒人,但係如果權鬥白熱化,下鋪隨時可能以性命相搏,但係你樓上嘅老闆根本攞你條命嚟做賭注,己經變成一個黐線行業。而好多香港人,連部分新聞人都無呢個政治覺悟,好得人驚。

但呢件事上,我企喺亞記新聞部呢邊,亞記新聞部無需要,亦無理由認錯或撤回報導。記協應該協助亞記記者取回公道,梁家榮、譚衛兒果啲無所謂啫,下面中下層果啲記者、主播仲要出嚟行。

7 則迴響

Filed under 香港政治, 傳媒, 中國政治

7 responses to “江澤民之死無關新聞

  1. TC

    江澤民個只剩呼吸ge身體,亦可能變成只係權鬥ge人肉工具,何況只係ATV新聞部。

    照係前一篇blog講法,會唔會到權力分配好,江澤民先可以真死?

  2. winston

    > 中通社引述權威人士稱,十八大前的中共高層運作穩健如常,不會因某位領導人的去世而受到影響。

    重點係咪響個「前」字???

  3. 嘉慶

    「對部分新聞人,我指未做過亞記果啲,話亞記未經查證就將江澤民死訊出街乜乜物物」完全舉腳支持。

  4. 義不容共

    政治黑幕權鬥係一回事 , 新聞工作者獨立嚴謹求真 ,堅持操守 , 又係另一回事 .

    不是說不可以搶獨家 , 更唔會話要官方證實才可報道 , 但有些事真係唔可以估估下 , 格外特別求證係必須 . 死亡豈能像天氣預報 ?

    到現在為止 , 江某係垂危係生係死 , 仍係一個謎 .

  5. 持書者

    產經新聞 才是要注意的….

    在中國這真的不是新聞了. 是政治…

  6. alvin

    既然係政治考慮多於新聞考慮﹐亞視如果用「彌留」或者「病重垂危」呢啲字眼﹐效果會唔會一樣?

  7. martinoei 黃世澤

    To alvin:

    由於要保住軍權,所以只有話江澤民死咗至可以,彌留都唔掂。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s