好多人對半天吊嘅「激進行動」無晒耐性

呢排香港政局變得好快,本來我算係一個激進言論指標,但依家情況係,我身邊好多人嘅言論都會比我激進。梁振英仲好意思話要制裁示威者,未審先判不在話下,而好多香港人想制裁果位,似乎包括梁振英在內。

七一果日「激進行動」令人無耐性嘅地方在於,除咗滿足少數社運人士嘅自我感覺良好,以及俾位俾梁振英等人拒絕回應市民訴求外,對成件事一啲幫助都無,好多人,當中包括唔少中產,已經感覺非常唔耐煩。

韓國人示威幾乎與軍事行動無異,除咗陣法以至武器係典型陸軍訓練產品外,連戰略思維都係,好多示威者把持係以戰迫和信念,即係等政府打落去係搞唔掂,必須談判。

所以「激進行動」嘅依據係高度理性的政治計算以及戰術和戰略部署,如果諗唔清楚呢點,搞一百次阻塞道路都唔會有結果,亦唔可能學到韓國人嘅水平。激只係手段,而唔係目的,出名上位更加唔應該係目的,呢個係七月十三日大戰應抱持思考準則。

10 則迴響

Filed under 香港政治

10 responses to “好多人對半天吊嘅「激進行動」無晒耐性

  1. 點子

    “而好多香港人想制裁果位,似乎包括梁振英在內。"

    來日方長。制裁林瑞麟先。

  2. urbane peasant

    吳靄儀議員在立法會說”同呢個政府講道理是沒有用的”非常之對,一般人可能不夠班同黃仁龍講理,但黃司長有沒有同大律師公會及律師會講理? 林局長為對付五個議員再補選,剝奪全部選民再選權利,有沒有和選民講理? 有人在眾多警察前向他們 擲物,未能捉到人而向眾人等漫噴胡椒,禍及傳媒,道理何在? 林局長將沒有投票的人作為附和政府改例,又道理何在? 當真如此,那麼政府已 計算了全部選民意願,得到百分百效益,怎能再說補選是浪費公帑?
    到最後沒有道理講,只有講手。

  3. 我都認為呢D兩頭唔到岸的所謂「激進」行動係幫唔到成件事,仲要比位人地入。連一般不問世事的人都comment佢地係「成班暴民」,「比議員煽動」云云。
    攪社運,要Good Show,七一0個晚,絕對唔見得係Good Show。

  4. World Traveler Plus

    "韓國人示威幾乎與軍事行動無異"

    因為南韓男丁要服兵役。
    佢地有受個軍訓,了解警察部署。

  5. Recommendation for 7.13 Action @ Legco? Anyone?

  6. GUTSCHARM

    咁有無人肯流第一滴血先?
    個個都"想"人地攪革命.流血衝突.但就唔想自己郁手.=__=|||
    做鍵盤戰士講到識飛都得啦.叫個多D人出嚟坐馬路都唔係咁易.
    當時圍觀者有過百人.但無幾多人可以踏出個條界.
    我今次第一次俾人拉上警局.都掙扎咗好耐先踏出個條界.走出馬路坐.
    要走出去坐馬路都咁艱難.仲要話武力衝突…..過多幾年先啦.
    等香港多D人開始接受到武力衝突同暴力反抗.就有你所講的有組織有策略的抗爭方法.
    我覺得而家蕭若元就係做緊類似的事.

  7. 高級嘍囉

    都係老蕭嗰句,「自己做唔到嘅,就唔好要求人地做。」
    而我相信今次起到好好嘅示範作用,俾市民睇到警察係會點做野同埋如果唔走會有咩後果。要順民變到「激進」,係需要時間。

  8. 飛蚊導彈

    沒錯,所謂"激進行動"要循序漸進,沒有人說現在就要
    “拿起槍來搞革命",不放炸彈,也可以掟雞蛋的.
    不過,這些"激進行動"可不可以有點針對性?

    社運人士不是恐怖分子,沒有理由用傷害平民的方法,逼政權就範.
    所以"激進行動"應該要以"對政權最大衝擊,對平民最少影響"為原則.
    當的士大佬在街上破口大罵的時候,那些狗官就在家裡隔岸觀火.
    這樣是你們"激進行動"要達到的結果嗎?

    看看新界佬的手法,向高官掟雞蛋恐怕遠比訓馬路有效.

    如果當天大家化整為零,走到兵頭花園
    掟"遞補"字樣雞蛋入禮賓府,豈不更有效?

  9. Jacky Lim

    睇嚟好多人都希望盡快爭取到結果
    用一個直接少少嘅講法, 就係現任政府倒台
    只怕習慣了半天吊行動的人, 不敢向前行多半步
    但又怕想向前行多半步的人, 策略有偏差
    睇嚟一切還是要從長計議

  10. Dick Ma

    有沒有人發起不合作運動?(三罷,罷工、罷課、罷市)

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s