唔該梁振英收聲

梁 振 英 批 評 示 威 者 七 一 晚 佔 據 干 諾 道 中

2011-07-02 HKT 18:06
陳清華報道
行 政 會 議 召 集 人 梁 振 英 , 批 評 示 威 者 七 一 晚 上 非 法 佔 據 中 環 干 諾 道 中 , 應 該 受 到 制 裁 和 譴 責 。 警 方 未 來 審 批 他 們 申 請 示 威 時 , 應 考 慮 這 些 往 績 。
至 於 政 府 應 否 順 應 民 意 撤 回 遞 補 機 制 , 梁 振 英 認 為 , 社 會 可 以 在 表 決 前 繼 續 探 討 方 案 。

我住中環都無譴責示威者,你條梁振英有乜資格鬧人,如果干諾道中阻塞影響交通,我肯定係受害者,但我支持佢地示威。

昨天社民連個示威執行上有好多膠嘢,係戰略或戰術上嘅膠,但對住一個唔講道理嘅政府,特別好似林公公呢挺咁無恥嘅友仔,廿萬人有用咩?依家咪有港大葉兆輝呢啲不斷喺度想攞政府project嘅友仔喺度塗脂抹粉,話遊行得幾萬人去囉。

如果梁振英身為行政會議召集人,有反對呢條咁膠嘅法律,邊個想大熱天線坐喺干諾道中,好玩呀,我做花生友都被蚊咬咗幾啖。如果佢喺現場,點解佢唔出嚟同群眾對話呀?我唔見梁振英喺附近囉。

梁振英,你應該收聲,如果佢想選特首,我知道喺資訊科技界選委選舉張飛,應該投俾邊個。

9 則迴響

Filed under 香港政治

9 responses to “唔該梁振英收聲

  1. dbdb

    振英哥擺明是中方人士,愛國一流,愛港九流。
    (范太又out,唐唐又未夠班,唔普選死撚梗!)

  2. 飛蚊導彈

    雖然惡法的確可惡,不過,不論從戰略或戰術角度來說,
    訓馬路這種"阻不了高官,阻了一般人",
    成效有限卻容易令大眾反感的行為,真的可免則免.

    誇張一點說,與其訓馬路,不如模仿"五四運動",
    要林瑞麟做"21世紀章宗祥",可能效果會更好.
    這次事件也再次表現社民連分裂的弊端.
    如果社民連沒有分裂的話,德輔道中和干諾道中的兵力就可以結合為一,
    從而增加突破警方防線,進攻禮賓府的機會.

  3. martinoei 黃世澤

    To 飛蚊導彈:

    同意你的看法,干諾道中是很差的戰場,而兩派人馬都沒想過就地解散,然後再圖在林瑞麟家門口集結,笨賊之舉。

  4. 飛蚊導彈

    所以713都是好好想想怎樣反制高官和保皇黨的"遁地術"吧
    就讓他們給飛行服務隊救走,好成為國際笑話….
    甚至就學"建黨偉業",來一次"火燒立法會,痛打林瑞麟".

  5. martinoei 黃世澤

    關鍵戰場:中環站J1出口、金鐘站、荃灣線

  6. 點子

    唔該下次目標明確少少,打倒地產霸權,要曾蔭權下台等口號太不切實際,反之要堅持林瑞麟下台更實際,一日不走決不離場,先攞佢祭旗,以壯港人行色,其他事可以慢慢玩。

  7. martinoei 黃世澤

    To 點子:

    班社運膠係唔會明,所以群眾要自己醒水,班友要膠由得佢地,群眾自己繼續打倒林公公目標邁進,正如Q仔講,林公公就係讓子彈飛嘅假周潤發

  8. 點子

    社運膠係中哂個隻「自古革命無不流血而成者,有之,請自嗣同始。」既犠牲膠毒。同六四班共和國膠兒女小學雞同出一徹。陳雲無錯係講勇武,但要有常識同謀略,唔係你犠牲一萬次,成身案底,個班友仲係穩如泰山。好人一向唔多,但賤精則俯拾皆是,究竟犠牲誰著數,唔洗我講。

    林瑞麟無錯係問責官員,但呢挺宦官,香港大把,而家中國立立亂,如果香港人堅持要佢祭旗,中共絶對有得傾,如果中共少少都不讓步,少少卑微願望都唔幫香港人,咁究竟是誰幕後在香港倒屎破壞穩定,昭然若揭,香港亦立即進入臨界點。如港府以一啖砂糖一啖屎方式上碟,換走林瑞麟 (say, God forbid, 做廉政專員),換上一個更賤的上場,公然掌刮港人,仲好,到時好似世澤兄所言成街菜刀,唔怪得人。

  9. dbdb

    昨日在書局打書釘兼睇下振英哥的書,老實講覺得文章不如其人,好多時議員及從政人士談吐及風格往往溶入文章裡頭,情理兼備,但從振英哥的文字看來,頗為欠奉。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s