曾幾何時,我們的祖宗製造了中共這大怪獸

雖然有人邀請過小弟睇《建黨偉業》,但小弟全無興趣,特別對我地呢啲印尼人嚟講,搞出中共呢件怪物出嚟,唔係一啲責任都無。

中共一大有兩條友作為共產國際代表,指導班中國人搞共產黨,一位係蘇聯嘅代表,另一位馬林,佢係荷蘭人,但同時係印尼共產黨代表。你無睇錯,的確係印共,印尼共產黨係早過中共出世好多。如果話中華民國嘅革命啟蒙咗印尼嘅民族主義,咁倒轉嚟講,印尼同時一班講荷文,好傻好天真嘅荷裔同華裔,喺搞出中共呢舊怪物上,唔係一啲責任都無。

點解印尼會先有共產黨呢啲怪物,因為荷蘭管治印尼期間,帶咗好多歐洲文化同傳統入嚟,由荷蘭嘅千層蛋糕(印尼嘅千層蛋 糕,源出荷蘭),到亞洲第一個打入世界盃決賽周嘅國家都係印尼。所以,出現亞洲曾經有義人救二次大戰猶太人,係除咗日本同中華民國,就係印尼。同時,西班牙內戰中,印尼華裔畢道文有參與,呢個人亦係留德(華裔當時有唔少留德)入德共再打西班牙內戰。

如果當時馬林可以控制住形勢,或者中共可以成為一個同國民黨喺選舉上競爭嘅西歐式共產黨,未必係壞事。可惜,佢受制於班蘇聯佬,當然乜都做唔到,而後嚟蘇聯佬都控制唔住中共班友,結果中共變成咗邪惡程度遠超歐洲共產黨嘅異形,後嚟仲控制埋馬林創立嘅印尼共產黨,結果搞到印尼一鑊泡⋯⋯而搞到一鑊都係泡果位,就係馬林喺中共一大見過嘅毛澤東。

所以對我嚟講,建黨偉業,唔睇好過睇。

後話:依家西方史學界,慢慢採用Indonesian Holocaust嚟形容1965-1966年嘅排華事件,西方都開始替華裔印尼人尋求歷史公道,當初有份搞屎尿屁嘅中共唔知幾時會找數?

3 則迴響

Filed under 香港政治

3 responses to “曾幾何時,我們的祖宗製造了中共這大怪獸

  1. dbdb

    建黨偉業(香港版):董伯伯成功打造香港成空話港,開創了掛名問責任吹集體無須負責制的先河,特衰煲軑曾則訂定了敵我矛盾的基礎,成功分化社會,開展了親疏有別的施政道路,晤知第三位特首會帶給港人甚麽寶貴禮物呢?

  2. 如果唔係蘇聯搞搞震,中國大陸就唔會被共產黨搞到雞毛鴨血,賤黨痿業。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s