同時為警察講句公道話

攀 天 橋 游 說 示 威 者   警 長 失 足 墮 下 傷 重 不 治

2011-06-15 HKT 14:20
一 名 警 署 警 長 早 上 試 圖 爬 上 干 諾 道 中 天 橋 , 游 說 在 橋 頂 抗 議 男 子 時 , 墮 地 重 傷 , 警 方 表 示 , 傷 者 經 搶 救 後 不 治 。
中 區 副 指 揮 官 羅 卓 洪 早 前 表 示 , 墮 下 的 警 長 是 偵 緝 處 警 署 警 長 , 當 時 想 爬 上 橋 面 了 解 , 由 於 正 下 大 雨 現 場 濕 滑 , 他 不 慎 跌 落 路 面 , 頭 部 和 胸 口 重 傷 。

呢單悲劇,可以咁講,係一連串複雜問題喺背後,等我幫警察講句公道話。

1. 唔只一位喺前線軍裝行咇嘅阿Sir同小弟講過,佢地最驚唔係擺明車馬示威期間衝突嘅示威者,因為一般都係有受呢方面訓練嘅PTU負責,而示威者唔係癲玩極有限。最驚係癲佬,香港因為精神病專科資源唔夠,搞到警察周時行咇都遇上癲佬,好黐線果挺,唔係亂擲雜物,就係揮舞菜刀,一係就突然企跳,好似呢單咁。你話要消防員救人,電光火石間就做決定,等到消防員至嚟救人,死咗喇。應付癲佬呢個問題,搞到警員極度頭痕,因為你唔可以亂開槍(Open Fire真係要寫report,搞出南亞裔何文田槍擊案就變晒羅生門),出OC Foam唔一定應付到癲佬,伸縮警棍都唔一定得,你話可以點?

2. 陳偉業佢都黐線,點解周一嶽一定要見明知係癲嘅人?分分鐘搞出更多無謂傷亡。但警方想借呢件事抹黑其他示威者,一樣無恥,你條曾偉雄,我喺新報專欄唔只一次講,你點support前線班CID同軍裝呀?依家前線support非常唔夠,又無晒啲房屋福利,要同啲市民爭輪公屋,曾偉雄同陳偉業都膠埋一碟。

3. 周一嶽唔係無責任,但責任唔係佢唔見示威者,而係佢應該檢討香港精神科嘅資源配套,長期經濟不景,癲佬多咗係好正常,問題係你唔夠資源放落精神科就等於製造城市炸彈,呢個問題,至係周一嶽要認真檢討。適當嘅精神科服務,以及心理輔導,係維護社會安全。

後話:根據肥醫生嘅資料,大家自己判斷吓,陳偉業擲咗雞屎未?我真係寧願你掟雞屎,係核突,但唔會死人。

14 則迴響

Filed under 香港政治

14 responses to “同時為警察講句公道話

  1. 頭先仲有班仆街五我開咗一個「強烈聲討80後激化社會矛盾 鼓吹激烈示威 害死好警長」Facebook Group,咁都抽水,呢個係乜世界?

  2. martinoei 黃世澤

    我睇到,邊個開果個group,我好想知道係唔係楊文銳搞,呢個搞到iProA臭晒嘅狗賊,仲好意思浦頭。

  3. dbdb

    如果我係警察沙展上司, 我一定唔會俾同事企圖爬上天橋 ,誰能負責?

  4. dbdb

    回歸後, 飯碗打難居多!

  5. 持書者

    其實幾時開始示威歸重案組管?

  6. DTS-ES

    抽水群組被擊退?

  7. martinoei 黃世澤

    被擊退係正常,幾百條友齊齊report佢

  8. DTS-ES

    硬入80後既數太牽強,五毛黨計謀注定失敗。

  9. Chan Tai

    引述頭條報道:是否涉程序問題,到如他是自願上天橋抑或按指示?曾偉雄:警員有專業判斷。
    有一定職安健指引,但有關指引不能詳列各可能發生的情况,大部份時間是要求同袍的上司在處理有關職務時要加倍小心。他又相信他們會根據現場情况,作出專業判斷。
    咁答法係咪推卸責任?警員的專業判斷錯誤?
    爬高是要用合適梯子是常識,職安健有講。當時警方有無提供梯、如果沒有的話,是誰指令他到現場及爬上去?
    假如地盤發生工人高空墜下意外,可否用曾偉雄講法來推缷責任?
    另外,死了一個警察當然令人傷感,如果不是政府太差,何來這麽多民怨!
    請回看3月6晚上示威市民網上DV,係一班從後衝上的警員推着前面的警員撞向示戚
    者,若當時有警員及示咸者死亡,是否又只怪示威者?
    在此,希望各警員睇清警方真面目,有鑊時就話警員有專業判斷!與人無尤!

  10. Chan Tai

    (到如) 例如

  11. dbdb

    示威者極不畏高, 面對消防哥有gear,有爬野經驗,相對警察叔叔, 如果警察叔叔有小小畏高已經會有好大壓力

  12. gutscharm

    真係掟雞屎,攪到有人患咗禽流感就真係奶嘢

  13. kelfy

    點解你會覺得佢係顛佬呢?佢而再、再而三政府都冇替佢解決問題,表達方式升級亦係正常。今時今日係香港,正正常常咁表達,真係鬼采你。陳偉業替佢反映,爭取周一嶽同佢傾。呢個係佢作為議員盡量替受助者爭取,係佢份內事。我睇唔到陳偉業有咩做錯。
    如果比着民賤聯班仆街,理都唔理你啦。一條窮鬼,幫到佢既最多都係下屆多佢一張選票,陳偉業都算唔話得啦下話。

  14. 義不容共

    RE : 樓上

    陳偉業算唔話得?成件事由2004年禽流感開始,纏擾到今時今日,尊貴議員除左定時定候撲出來抽水煽動,然後閃閃身之外,有乜野做過實際幫到示威者生計或維權?

    尊貴陳議員真係對悲劇毫無預警,毫無責任?勸示威者用合法理智手段去爭取 ( 例如申請法援打官司 ),大概唔0岩陳議員向來玩政治的合尺 ( 河車 )!

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s