第三條跑道︰大家在面對什麼問題

機管局準備籌千二億港紙興建第三條機場跑道,一如高鐵之役,支持政府話第三條跑道對香港經濟有幾重要,有啲反對第三條跑道,就只集中講填海對中華白海豚嘅危害。

當權者虛,你反對班友又同佢玩虛,結果只會係政府贏。而小弟喺博客申明自己對件事嘅立場前,小弟先用呢次離港公幹嘅航拍照片,解釋一下,除咗財務安排,究竟喺呢件事上,仲有乜問題我地係需要面對。或者有乜問題應該討論。呢堆照片,應該可以暫時做住Flight Simulator先。

呢堆照片喺港龍航空KA482往台北班次上拍攝

1.

機場中央係有大空地,供機管局發展,如果香港機場擴展吞吐量,點樣用中央嘅空地,個航站設計應該點。

2. 呢架機係向東北起飛,小弟想像一下第三條跑道可能位置以及相關噪音問題

依家飛法,基本上低空在屯門、深井飛過,但新第三跑道會更加近南屯門同埋深井,咁相關嘅噪音問題應該點處理?好明顯無人討論,亦唔好旨意劉皇叔同僭建聯會關注呢個議題。我諗大家都唔想因為飛機噪音,影響睡眠同晚上煲劇架。

3. 呢架機係飛越港島上空,大家見到飛越葵涌貨櫃碼頭同小西灣嘅景況,而點解會有一條九曲十三彎嘅起飛航道,除咗因香港地型,另一方面,呢個奇怪起飛法同解放軍對香港附近空域採取唔合理限制有關,呢個限制令香港有第三條跑道都得物無所用。



呢啲實際問題,以及一啲產業問題,將會喺呢個博客稍後討論。小弟唔想好似高鐵咁,立法會已經撥咗錢,至知道問題嘅重要性。

13 則迴響

Filed under 香港政治, 財經

13 responses to “第三條跑道︰大家在面對什麼問題

  1. Leung

    Would you mind elaborating on 解放軍對香港附近空域採取唔合理限制有關?
    What kind of 限制 does 解放軍 impose?

    Cheers,
    Jonathan

  2. Jacky Lim

    解放軍實施空域限制, 飛機不能在高度5000 – 15700ft 平飛
    香港起飛的飛機要先响香港空域兜圈的爬升高過禁飛高度, 先至離開香港
    於是搞到香港天空上只有2條離港航道, 就是提供足夠空間俾飛機爬升

  3. 義不容共

    純粹從商業航運考慮 , 機場無論怎樣擴建 , 客貨量總會有飽和的一日 , 分些少生意出去畀競爭對手 , 天就會塌下來 ? 香港就會乞米 ?

    千幾億如何阮除揮霍大花筒 ? 以前港英政府大概可以取信於民 , 97後 ? 咪玩啦 !

  4. Chan Tai

    機管局主席話千幾億是初步估算咋!到時超支香港儲備一鋪清袋、利益集團就豬籠入水!

  5. Chan Tai

    中央部份會否造空軍基地?

  6. Jacky Lim

    第一張相的空地, 就係Norman Foster 响92年推出設計方案時的 “中央客運廊", 即所謂 X-Terminal。原設計係29條登機橋
    後來到2001年, 機管局出的2020 計劃, 响呢塊空地設計一個 >-< 型的TERMINAL, 有59條橋機橋
    但兩個方案都係响兩條跑道之下進行設計
    亦即係話, 兩條跑道的營運能力還未用盡

  7. 點子

    我地一早就已經有第三條跑道。0個條0係啓德機場,世界馳名。唔知究竟係bin條茂利0係啓德關閉冇耐,就急不及待要取消九龍樓宇高度限制? 咪就係為咗起屏風樓囉,跟住仲拆埋個客運大樓,將個跑道租哂出去方便啲各方友好咁,好好地一個機場,搞到爛地一塊,睇到都心痛,喂人地啓德機場只係超負荷,唔係死罪,何以要夷為平地呀? 咪又係死在佢有無敵海景囉。 唔好以為咁樣係為咗廣大巿民生活質素。啓德咪一樣空置,直至今日仲成塊空地係度,你仲好意思要屈我地借人1300億起條新跑道? 講真依家就算強制收番啲地,拆鬼哂啲屏風樓同重鋪跑道都未必要洗足1300億啦。

  8. KLUST

    據說航空公司用機較預計細小,令兩條跑道較客運大樓早飽和。
    大家有什麼意見?

  9. 飛蚊導彈

    1. 中場範圍會在2015年先建一個客運廊,剩下地方在機管局的2030計劃中有兩個方案:
    不建新跑道的話,一半做新客運廊,一半做貨運;建新跑道的話,會全部用作貨運用途.
    不過無論有多少閘口和停泊處,機場的容量依然受跑道和航道容量的限制.
    2. 解放軍空域管制屬於國防事務,根據基本法香港無權過問,
    航道有限是既定事實,要增加吞吐量就要建新跑道,增加航道的操作彈性.
    3.深圳今年內會建成第二條跑道,過幾年會有第三條;
    廣州現在也有兩條,2013-2015也會有第三條,再遠期的發展還要去到五條.
    如果香港機場的規模跟珠三角其他機場相差太多的話,
    就不是"分一些生意給競爭對手",而是"大部分生意給競爭對手搶掉".
    4.現有兩條跑道的容量現在當然沒有用盡,但預計2020年會用盡,
    所以要建第三條跑道以應付之後到2030年以後的需求.
    5.香港地方太小,營運兩個機場效率太低,
    而且在航道設計和噪音方面,啟德都不符合現代要求.
    6.以中型機飛點對點航線,取代以大型機飛主幹航線加小型機飛分支航線,
    可以提供一程過不停站的航班,減少乘客轉機的時間,已成為全球航空業的趨勢.
    要求航空業改用大型機只會減少航點,變相趕客,還是增加容量最實際.

  10. 飛蚊導彈

    機場新跑道既不用收地,也不用在別人家地下挖隧道影響地基,
    ,不用在維港內填海,更可以連結全世界,不會局限於大陸.
    我相信機場新跑道的爭議只會比高鐵更少.

    如果可以選擇,我寧願把建高鐵和港珠澳大橋的錢拿去建機場新跑道.

  11. louyan

    不如在香港境內另建第二機場?

  12. KLUST

    「以中型機飛點對點航線,取代以大型機飛主幹航線加小型機飛分支航線……」
    這好像是波音的策略。

  13. 飛蚊導彈,你真的相信機管局每小時68班的技術報告麼??

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s