Daily Archives: 六月 9, 2011

呢個係使用槍械問題,無含糊空間

【明報專訊】3月反預算案遊行中,警方被指未具體警告便大噴胡椒噴霧。監警會委員昨審視屬警方機密的「使用武力指引」後發現,指引只要求動武前要作警告及講出「武力的性質」,卻沒要求警員動武前須披露將使用什麼武器。

監警會主席翟紹唐及委員張達明、葉成慶等建議警方考慮加強執法透明度,例如清楚告知示威者將用胡椒噴霧,讓對方考慮是否撤退。

簡單嚟講,根據有關報導,警員有權視「使用武力指引」根本係非法命令,拒絕執行。

我再引一次《火器及彈藥條例》第27條(1)款

危險使用或罔顧後果使用火器等

(1) 任何人如無合法權限或 合理辯解而發射或 以其他方式處理任何槍械或 彈藥, 而其方式是相當可能傷害或
危害任何人或 財產的 安全的 , 或 是在 罔顧他 人安全的 情況下發射或 處理該等槍械或 槍彈的 , 即屬犯罪。

你唔講係胡椒噴霧,仲要係有意圖咁做,呢個點只罔顧他人安全咁簡單?可以同時考慮引用《刑事罪行條例》其他罪行郁果啲指揮官,因為武力嘅性質,同你實際用乜武力,喺戰術上完全兩回事。非法命令係唔可以執行,就算係臥底搜證,本身都要同律政司做咗好多嘢(例如真係要「侷住犯法」果陣,要事前尋求律政司司長寬免,唔可以話犯法就犯法)。臥底查案仲有公眾利益,亂噴胡椒噴霧有乜公眾利益?

警方亂用OC Foam呢啲膠嘢,係唔可以就咁算佢數。

3 則迴響

Filed under 香港政治

第三條跑道︰大家在面對什麼問題

機管局準備籌千二億港紙興建第三條機場跑道,一如高鐵之役,支持政府話第三條跑道對香港經濟有幾重要,有啲反對第三條跑道,就只集中講填海對中華白海豚嘅危害。

當權者虛,你反對班友又同佢玩虛,結果只會係政府贏。而小弟喺博客申明自己對件事嘅立場前,小弟先用呢次離港公幹嘅航拍照片,解釋一下,除咗財務安排,究竟喺呢件事上,仲有乜問題我地係需要面對。或者有乜問題應該討論。呢堆照片,應該可以暫時做住Flight Simulator先。

呢堆照片喺港龍航空KA482往台北班次上拍攝

1.

機場中央係有大空地,供機管局發展,如果香港機場擴展吞吐量,點樣用中央嘅空地,個航站設計應該點。

2. 呢架機係向東北起飛,小弟想像一下第三條跑道可能位置以及相關噪音問題

依家飛法,基本上低空在屯門、深井飛過,但新第三跑道會更加近南屯門同埋深井,咁相關嘅噪音問題應該點處理?好明顯無人討論,亦唔好旨意劉皇叔同僭建聯會關注呢個議題。我諗大家都唔想因為飛機噪音,影響睡眠同晚上煲劇架。

3. 呢架機係飛越港島上空,大家見到飛越葵涌貨櫃碼頭同小西灣嘅景況,而點解會有一條九曲十三彎嘅起飛航道,除咗因香港地型,另一方面,呢個奇怪起飛法同解放軍對香港附近空域採取唔合理限制有關,呢個限制令香港有第三條跑道都得物無所用。



呢啲實際問題,以及一啲產業問題,將會喺呢個博客稍後討論。小弟唔想好似高鐵咁,立法會已經撥咗錢,至知道問題嘅重要性。

13 則迴響

Filed under 香港政治, 財經

權術高手嘅示範

百無一用是書生,果然係維基界嘅風頭躉,話說佢最近有啲決定,受到其他用戶嘅議論,點知呢單同我無關嘅事,都同我有關,點解?

維基互動客棧嘅討論

話說回來,黃世澤當年的行為到底算不算違規,我覺得這個才是應該值得討論的話題。對比一人建立多個未有宣明關係的傀儡並濫用的問題,由一個人發起的多人建立帳號並對維基百科社區施壓以達到某種目的的行為,是否違規還是一個真空狀態。-Edouardlicn (留言) 2011年6月9日 (四) 14:10 (UTC)
見真人傀儡(如果表達的是同一種意見的話)。然而如何確認仍然是一個問題。—Snorri (留言) 2011年6月9日 (四) 14:14 (UTC)
原來還有這個章節。那假設黃在維基沒有賬戶,或者未有宣明該賬戶為其本人,不也是無法處理?-Edouardlicn (留言) 2011年6月9日 (四) 14:32 (UTC)
的確。就算是他叫另一人牽頭製造真人傀儡,也無法確認。但如果能確認User:martinoei就是黃世澤,那麼User:martinoei就觸犯了真人傀儡一條。—Snorri (留言) 2011年6月9日 (四) 14:39 (UTC)
有一點我得承認,你們這堆人,查實很適合當官的,這麼快己經在想怎樣羅織罪名。玩維基玩到你們這個地步,我真不夠你們了。Martinoei (留言) 2011年6月9日 (四) 16:01 (UTC)

旅行社就未出發先興奮,呢班中國人就未投票先Bam人,佢地駛驚書生罷免成功喇,有佢地呢啲權術高手,真係十個黃世澤喺度,書生一樣頂得住。

發表留言

Filed under 香港政治

呢個政府都係玩完架喇

以上banner,就係我今日喺蘋果日報篇評論,提及政府公然資助青年民建聯活動嘅事。

黃世澤:利益輸送只是冰山一角(香港蘋果日報)

呢啲事夾夾埋埋,查實根本係一個公帑通黨庫嘅利益輸送網絡,只不過好少人會好似小弟咁,對街上呢啲無人理嘅嘢都會留低紀錄。(只不過,小弟嘅研究專長,正係專喺街頭搵膠嘢出嚟。)依家公然資助政黨助選到呢個地步,點可能唔出現唐膠年同iProA近日齊齊硬膠嘅事件。

簡單嚟講,呢個政府好似今日Rachel喺AM730專欄咁講,己經certified。只不過依家啲官食相難睇,而民建聯嘅膠人簡直膠力無限,結果大家有眼見。而依家,等七一睇戲。

繆美詩:公務員(AM730)

9 則迴響

Filed under Uncategorized