北角鬥膠大戰之警察露底牌

本來六四晚北角搏拉大戰係一場膠戰,因為事先張揚棄保策略好膠,只不過,由於警察嘅底牌太弱,所以鬥膠大戰示威者小勝,警察侷住唔駛擔保就放人。

查實英國倫敦果啲示威者過份成咁,英國警方都係拘捕真係有刑毀果啲示威者,其他非法集結、襲警之類罪行一般少告或者唔告,因為技術上,拉成百條友嘅結果係好膠:

1. 首先班差佬要落成百幾份手抄口供,由於要刑事檢控,你份手抄口供唔可以太馬虎,又要俾被告或律師審閱,所以上次北角警署成班差人集體被玩死,唔知係差佬受罰定示威者受罰。

2. 北角警署唔係懲教所,成百個犯扣留四十八小時?係唔係租埋對面嘅酒店做扣押疑犯用途先?😄

3. 跟住上到court,上court要cross examination,先成百位被告相關證據做審前覆核,再聽成百位被告自辯,之後成棚警員要作供,依家有廟佳桑拿案案例,被人懷疑夾口供仲可能係示威者坐兩個禮拜,差佬無長俸兼且要坐足兩年。

4. 咁多犯咁多程序,咁單案要審幾耐?如果打上終審,審到天光都未審完。

上鋪差佬啲疲態,俾啲示威者睇晒,因為被人揭咗隻弱到無倫嘅底牌,所以社運分子策略犯錯都贏到你差佬,以為靠嚇就得,結果被人玩返轉頭。

所以倫敦警方,一般將啲示威者用警車運到另一處就地釋放,連落口供都費時,因為如果一年有幾單呢啲成百人集體玩膠事件,你間差館都唔駛旨意順利運作。曾偉雄呢啲人,為咗擦鞋玩殘基層警員,我係基層警員嘅話真係唔想接呢啲膠order。

就算差佬可以隨時拘捕果百幾人,問題係人數散成咁,更加浪費警力,同埋上到法庭法官實問,你唔怕對方走佬架,到時真係律政司慢慢同佢解釋喇。仲有,成百人齊齊cross examination嘅膠問題,始終解決唔到。所以我嘅睇法好簡單,曾偉雄想玩殘自己夥計,就繼續擦落去,最好擦到警察做埋示威者。

10 則迴響

Filed under 香港政治

10 responses to “北角鬥膠大戰之警察露底牌

  1. Eason

    Very Good…

  2. 我地事先張揚踢保,係防止警方以事出突然/人手不足為由扣足48小時,算係戴頭盔。

  3. martinoei 黃世澤

    To Ryan:

    根本無必要咁做,如果警方知道你地會踢保,就證明有人做緊電話竊聽,查有無政治部存在都仲得。

  4. 2010年在立法會外反高鐵示威的人坐馬路地上﹐都只是見到警察抬走示威者到立法會隔離個地鐵站就立即放人﹐前後都無一分鐘。

    依家又拉又鎖真係無野搵野做﹐警察真係好得閑﹖

  5. 飛蚊導彈

    “拉成百條友嘅結果係好膠"?未必.

    1.落口供不一定要北角警署的人做,可以從同警區的柴灣調人來做,
    甚至從駐守北角警署的機動部隊E連調人來做.

  6. 飛蚊導彈

    2. 北角警署拘留室不夠用,可以將犯人調到其他警署扣留.
    以一般警署拘留室可容納20-30人,單是港島的所有警署已經有過百個名額.
    若不夠的話甚至可以動用其他警署.

    這兩方面警方經驗豐富,一般的反黑/反罪惡行動都會拘捕差不多數量的犯人,
    所以問題不大;至於審訊程序上的問題, 由於反黑/反罪惡行動的犯人通常牽涉不同罪行,反而比示威者較容易應付.

  7. martinoei 黃世澤

    To 飛蚊:

    如果港島警區只係要應付果班示威者,你講嘅無問題,但事實唔係。

    1. 調柴灣警區嘅友落口供?咪玩喇,柴灣、耀東都係公屋密集地區,本來果啲差館都唔係咁夠人手。

    2. 其他警署拘留?唔計柴灣警署,最近嘅灣仔警署(警察總部),平日處理果啲酒鬼、古惑仔,你認為好夠用?警方一般調晒示威者過嚟北角警署落案,係有平日運作嘅考量。

    同埋反黑反罪惡行動,通常全港一齊出動,同埋各區啲支援等等事前安排好晒,甚至連拉果啲犯資料都一早預備,拉完即刻過堂都得,示威者唔係。仲要示威者通常要當一單案嚟審。

  8. S

    If it were revealed that the police will deploy manpower from other police stations, and even from PTU, the triad gangs will get around as soon as there are processions.

  9. 現在即使已事先通報,警察公共關係科總警司李建輝都可以講成「此遊行乃未經申請的集會」。輿論並未一面倒支持警方已是事先張揚的好處,更可突顯警方的騙子身份。
    如果事先冇通報,警方就大條道理話你突擊法治,到時連輿論基礎都雙手奉上了。

    即使証實有政治部的存在,都不要高估民眾的智慧,主流媒體只要將政治部講成陰毛論,加上大部份民眾的政治潔癖,社運界失去民眾信任就徹底玩完。

  10. Chan Tai

    警察公共關係科總警司李建輝問佢點教下屬處理警民關係?現時市民對警察嚴重反感!警察比公安更差!

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s