Daily Archives: 六月 3, 2011

美國對香港嘅特別取態

蘋果日報:美促北京交代六四真相

斯坦伯格前日訪港,除了與特首曾蔭權會面,討論美港合作問題,亦與香港傳媒會面,他形容美港關係特殊,美國在港有其經濟及文化獨特聯繫,香港回歸後也沒改變,所以美國並不視香港為中國一個城市,不少美國高級官員均會訪問香港;

英美同時有外交高官訪港己經奇,因為好少咁樣,但更奇係美國公然講美國唔視香港為中國城市嘅講法。

美國一直都唔多當香港係中國一部分,美國駐港使館係名為領事級,實際係大使級,直接向美國國務院報告,唔駛聽美國駐華大使枝笛(雖然美國駐華大使係等同內閣閣員),但美國唔會將呢樣嘢講出口,正如台灣地位,美國實會拎中美建交公報,同埋台灣關係法一齊講。但美國無針對香港,有啲類似《台灣關係法》咁勁嘅嘢。

如果呢個公開嘅特別取態係美國長期國策,大家諗到一旦中國大變,香港將會係乜嘢特殊狀況。

同埋大家留意一樣嘢,呢位副國務卿係參加香格里拉對話(亞洲安全會議),佢講嘅,係反映美國嘅戰略立場。所以明報、東方等,全部將美國人講嘅嘢倒轉嚟講,實際係另一回事。

13 則迴響

Filed under 香港政治

由光州到北京

趙連海憤怒嘅推

太多家长太他妈的窝囊没出息了,自己孩子害的那么惨还他妈的做缩头乌龟,我接触的太多手术以及死亡的家长都他妈的继续沉默,真该让那些不敢给孩子讨公道的家长狠吃三聚氰胺!让他们也他妈的体验下手术或活活疼死的滋味!为那些可怜的孩子们哭!!!

小弟比照番韓國人喺光州事件嘅表現,我覺得中國人更加恨鐵不成鋼,我完全明白趙連海嘅憤怒。

同樣係軍隊殺平民,但韓國光州事件犧牲者以至韓國人始終無放棄抗爭,甚至韓國人嘅抗爭,喺好多人眼中激到震。光州事件係軍隊擺明射殺平民後,光州平民決定拎起武器搏一鋪。而大家都知韓國大學生抗爭方式,去到軍事境界,WTO會議韓農舞到香港警察舞龍咁舞就知乜嘢叫勁。但1980年發生嘅屠殺,1987政府就迫住要逐步認錯。

反觀中國,全中國人就係靠香港人,以及天安門母親嘅堅持,發生乜事呀,同樣係漢字系國家,點解大韓民國嘅人做得到,中國人做唔到。

趙連海爆粗連連,就係連溫和派都無法取得進展,就只有變武夫,但係得佢一個,又點可能得。去到今日,小弟對中國人無眼睇,亦係呢個原因。

後話:所以我自己博客一直堅持用字,唔用六四事件,係一九八九年北京大屠殺,我同我一位好朋友交談,用是Beijing Massacre這個字,屠殺就是屠殺,不用否認。如果照光州事件嘅追究標準,另一個合乎史實嘅名稱,係一九八九北京政變(Beijing military coup),都係衰嘢。簡單嚟講,今日嘅中國政府係一個非法政府。

以下呢首歌,我2009年都講過,呢個係我嘅政治啟蒙嘅起點

7 則迴響

Filed under 中國政治

老共釣魚黨入侵GMail實錄

以上片段,係現居香港嘅北風capture落嚟,呢班中國國安人員連北風呢啲電腦專家都敢釣魚,都證明佢地班友好膽大包天。

小弟仔細研究過入侵過程,發現執行成個入侵過程嘅domain hello.fu99s.info,我再根據robtex.com的紀錄

首先,呢個iadvantage嘅IP,之前明顯係受一堆中國人控縱,即係香港被人用嚟做攻擊踏腳石,曾偉雄絕對要查有無人不誠實使用電腦。

另一發現,就係一堆都係用嚟釣魚嘅domain

呢堆domain,都係同一部機操縱。而現時可以睇到whois紀錄中,112.121.166.90嘅擁有公司,係一間叫Simcentric嘅data center。

所以,各位對GMail收到各類怪Mail要提高警覺,Adobe同GMail要儘早堵塞漏洞,而香港嘅data center老闆,係時候小心啲中國客人。

後話:最好笑係fu99s.info嘅whois,薩爾瓦多有新疆呢個地名,膠!

Tech ID:CR50344346
Tech Name:Cortijo Indalecio
Tech Organization:
Tech Street1:Unit 3A St Asaph Business Park
Tech Street2:
Tech Street3:
Tech City:Salvador
Tech State/Province:xinjiang
Tech Postal Code:678490283
Tech Country:SV
Tech Phone:+7.9057813515
Tech Phone Ext.:
Tech FAX:
Tech FAX Ext.:

2 則迴響

Filed under 中國政治