作為本土自治派如何看待中國民主運動

繆美詩:中港融合

相信喺am730云云作者中,陳雲同小弟都係異數,因為都係明顯嘅香港自治派,小弟喺《自由時報》寫政治評論,更加可以歸類係綠營果面。

但小弟對中國維權運動嘅立場,認識小弟多年都清楚。或者由新加坡被驅逐出大馬嘅過程,可以睇到小弟一啲看法。

1. 小弟同意喺爭取人權民主上,雙方可以互相掩護。甚至有人敢「反攻中國」,小弟都唔會反對。大馬驅逐新加坡嘅原因,唔係因為李光耀係獨派,事實上,李光耀係新馬統合問題上,佢係大統派,但由於佢喺馬來半島廣設人民行動黨支部,一旦開花結果國陣肯定玩完,東姑拉曼又唔敢引用ISA拉李光耀,他先下手為強驅逐新加坡,連埋人民行動黨都趕埋出街。但要點係,真係要敢「反攻中國」。當你真係敢「反攻中國」,中國就會驚過你。

2. 小弟對民進黨有份派人參與嘅華人民主書院,都係咁樣睇,民進黨嘅策略都係某程度上「真係反攻中國」,唔係馬英九果隻,口就支持中國民主,但實際上連蔣介石金瓶掣簽委任嘅達賴都唔敢見。

3. 但係小弟問心果句,小弟對依家中國人嘅質素係不寄厚望。好多人以為改革三十年後,中國人水準有改善,會自己搞到啲嘢。但事實係,你睇吓郎朗果啲友仔,就算中國「民主化」,小弟都認為對香港肯定係災難,隨時衰過前南斯拉夫嘅塞爾維亞。小弟對中港未來睇法係,最終會各走各路。喺呢一點上,小弟同Rachel睇法有唔同,南洋人絕對係「見過鬼怕黑」。

15 則迴響

Filed under 香港政治, 中國政治

15 responses to “作為本土自治派如何看待中國民主運動

  1. TTTK

    希望喺香港車毀人亡前可以中港分家

  2. 共產黨及土共天天都想破壞香港, 又有很多香港人天真地相信香港要靠大陸才可以生存.

    今天在下的立場是:大陸的事, 由大陸人民自己決定. 他們要做順民, 由他們. 什麼反攻大陸, 請有能之士去做. 盡量保住香港的核心價值, 有能力的, 不要為下一代製造煩惱. 保得住香港, 已經萬幸了.

  3. CL

    看閣下和陳雲的文章多時,在你們口中似乎中共快將倒台,香港終會自治。誰不希望這樣?
    但香港自治,在這一刻來說,有如幻想。如何把幻想變成現實,有甚麼行動現在我們每個人可以做,才是難處。否則十年二十年後,這個自治的夢,只會離我們越來越遠。

  4. martinoei 黃世澤

    To CL:

    BN(O)平權運動本身是香港自治行動其中一個單元,小弟對有意「真的」反攻中國嘅民主人士,亦持樂觀其成態度。

    乜都唔做就乜都無。

  5. To CL:

    反對"德肓及國民教育科"製造奴才. 反對將網台納入管制選舉公平時間. 保住香港價值, 到香港真的自治時, 才可發揮香港優勢.

  6. Johnny Cheung

    塞爾維亞都係似依加咁冇哂啲地, 冇左口實, 同埋俾歐盟夾住, 先至肯開始改過自新; 依加佢再冇得去搞其他地方。

  7. Jacky Lim

    TO CL:
    雖然這一刻還只停留 “希望" 階段, 但是香港和大陸的局勢變化來得大而且急促, 加上天災、非漢族省份的事件…… 確實很難看得通透
    套用一句老話:上天只會給做好準備的人賜予機會

  8. 飛蚊導彈

    講開又講,大陸人經過中共數十年來的"薰陶",
    加上那些"窮得只有錢"的少數民族政策,
    令他們好像有一種強烈的"大漢族主義"情緒.

    加上"大國崛起"的觀念,我真的有點擔心,中共倒台的話,
    無論民主與否,極端民族主義都會興起,為世界帶來災難.
    在這樣的環境下,香港應如何自處?

  9. Chan Tai

    香港比大陸有優處就是有良好法制,所以強國要把香港的法治破壞及強國化。想提高強國法治水平微乎其微,要同化最簡單是攪破壞。

  10. Chan Tai

    To CL:
    有幻想才有動力,當年強如大英帝國都有衰落的一天,何況現今強國。不要放棄為理想、後代而爭取我們應有的權利!
    凡事有恆心,鐵柱磨成針。

  11. panda_ma

    To Chan Tai:
    恒心毅力固然重要,但現在感覺就像是空懷理想,沒人/組織有遠瞻,有組織力,行動力去建立一套長遠可行的香港獨立自主方針,去引領大家由如何行動,到爭取成功後如何建構政體等等。

    對於很多犬儒的香港人,沒有清𥇦明確的方向、可見的未來,他們都不會輕易投入。因為人們難免擔心推翻共產政權之後會如何?會不會權力真空而出現更壞的情況?看不見更美好的將來,人們就不會投身希望改變。就如只是吊在眼前但永遠捉不到的紅蘿蔔,都會比山後可任吃但現在看不見的紅蘿蔔田吸引一樣。

  12. CL

    謝謝樓上各位的回覆。香港仍是有希望的。
    「強如大英帝國都有衰落的一天」
    香港人都要考慮衰落之後該怎辦?
    眼看著溫水煮蛙,香港日益敗壞。
    可能自治之夢未實現之前,香港已被蝗蟲徹底同質化。
    我們除了精神上要保住香港的核心價值,
    如廣東話、正體字、本土文化,能做的實在不多。
    兩手準備,懷著最好的希望(香港自治發展)
    和最壞的打算(香港徹底毀滅)。

  13. CL

    Re: panda_ma
    “行動力去建立一套長遠可行的香港獨立自主方針,去引領大家由如何行動"
    正是。現在香港人的做法極為被動,基本上是見招拆招,政府做埋D膠政策,香港人才會出來反對痛罵,是被動迎戰。但實在未見有一個大的戰略方向。

  14. 民進黨想反攻中國﹖你把中國給他們也不想要吧﹖

  15. Chan Tai

    其實共產政權已經窮途末路,內地民怨極大。各貪官各自盤算後路,只要義旗一起、殘暴政權會一敗塗地,等看貪官污吏慘況。
    各位大陸來的不一定係蝗蟲,不要一竹篙打一船人,以免造成不必要的茅盾及墜入強國分化策略的圈套。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s