Daily Archives: 六月 1, 2011

狙擊iProA相關民建聯候選人

小弟發現iProA中人嘅面皮,想大家想像中要厚,壹週刊篤爆佢地,仲敢話揚言要告壹仔。

我諗iProA裡面果班僭建聯政客,唔記得咗今年係區議會選舉年,如果任何人狙擊以下三條友,小弟都會予以支持,包括選民力量或人民力量大部分成員,佢地肯狙擊就得

葛珮帆(沙田頌安選區)
鄭泳舜(深水埗南昌北選區)
楊文銳(沙田錦濤選區)
趙鈺銘(佢係落選議員,佢試吓再打太古城趙家賢,大把泛民港島居民衝出嚟同你鍊)

我諗大家係會用選票,教訓呢班友。

2 則迴響

Filed under 香港政治

郞朗,唔該你交番張香港身份證出嚟

蘋果日報︰郎朗拒為六四死難者演奏
召保安拉獻花男

郞朗係經優才政策定居香港,條友嘅行為,已經令香港蒙羞,亦有違大部分香港人嘅價值觀,如果郞朗係重視佢個香港身份,一係向香港人道歉,一係交返張香港身份證出嚟,佢鍾意住中國邊個城市唔關我事。

如果佢乜都唔做嘅話,香港人可以令佢臭名遠播,唔駛再做音樂家。

16 則迴響

Filed under 香港政治, 中國政治

iProA敢唔敢交誓章俾立法會

有時香港傳媒唔小心,真係會搞到被訪者有啲麻煩,好似蘋果同有線quote我係iProA創會會員,但我查實係iProA前執委(政策小組召集人,睇呢份立法會會議紀錄),當然iProA想乘機spin一鑊,想打擊我講嘅嘢嘅可信度。但我諗我喺傳媒講嘅己經好克制,個理事會咁多僭建聯嘅人,你話大家會信邊個,更何況我只不過係成件事一個小小小配角。

講番件事,葛輝依家交咗誓章上去,理論上,唔單只政府要交誓章回應,iProA本身都算係Respondent,咁iProA敢唔敢喺同中聯辦關係上,交一份誓章上立法會IT Panel?根據壹週刊嘅報導,iProA原來喺2008年搞project搞到爛尾(唔怪得社聯驚咗佢,但我唔意外),有咁嘅record嘅組織仲可以award到政府成億嘅project,你話係唔係有可疑到極。

今期壹週刊封面古仔,大概講咗香港統監府點利用我地交嘅稅,嚟養班僭建聯茂利。由派慳電膽、僱員再培訓局到幫基層上網都係咁,呢啲仲唔係國庫通黨庫,幾時香港政治退步到咁?

1 則迴響

Filed under 香港政治

抉擇

講到香港自治議題果陣,如果嫌我呢啲讀書人論述太深,有首歌,可以好淺白講緊發生乜事,係林子祥嘅曲,黃霑嘅詞,抉擇

幾多往時夢 幾許心惆悵
別了昔日家 萬里而去 心潮千百丈
收起往時夢 拋開心惆悵
任那海和山 助我尋遍 天涯各處鄉
闖一番新世界 挺身發奮圖強
要將我根和苗 再種新土壤
就算受挫折也當平常 發揮抉擇力量
再起我新門牆 似那家鄉樣

闖一番新世界 挺身發奮圖強
要將我根和苗 再種新土壤
就算受挫折也當平常 發揮抉擇力量
再起我新門牆 勝我舊家鄉

當香港人體認到呢種決心果陣,大家知道有乜事發生,呢個至係獅子山精神。

2 則迴響

Filed under 香港政治