控制混亂秩序

剛過去周日嘅城市論壇,由於話題同嘉賓都惹火非常,加上謝志峰請了病假,由李小薇當主持,結果節目花生位不斷,而發言混亂是可以預料。

在一個正常有議會民主嘅國家,呢種火花四濺嘅會議,正係訓練政治人物能力嘅場所。

喺英國,House of Commons議員挪揄首相,發言鬥快起身,喺日本,枝男幸男未入內閣前,專門係喺議會搗亂秩序,之所以出現咁嘅現象,因為首相同議長唔係代表主權,佢地都係議員,簡單嚟講,大家都係咁高咁大。所以,除非極之離譜,否則首長同議長都無權威去趕議員出議事堂。要令到議事有效,唯有道理上KO對方,或者等公眾認為搗亂果條友係硬膠,否則乜都做唔到。

而英國嘅議員,查實係由武士演變出嚟,英國本來喺國王要徵稅,叫各郡選四個武士做代表傾掂數,咁嘅傳統得出嚟,大家都諗到點解個議會似中大學生會。所以主持會議嘅手腕,好睇到果個人嘅政治修為。做Speaker of Parliament,絕對需要政治道行高嘅人嚟做。

城市論壇經過咁多年發展,依家出席嘅人,全部都「武夫化」,個個都係為咗上嚟為自己政見鋤人而嚟,所以主持要控制現場秩序,要係議長咁嘅政治功夫,李小薇喺城市論壇嘅表現,可以睇到唔係佢做主持唔掂,佢做薇薇語主持好得,而係《城市論壇》主持,需要係政治修為,多過一般主持人應有嘅修為。好彩昨天只係「半星賽」,唔係「全星賽」,如果「全星賽」嘅話,真係除非謝志峰出嚟主持大局,否則唔會掂。

所以唐英年動輒投訴議員行為不檢,只係證明佢係政治白痴,連基本ABC都唔識就學人做政務司司長。個個都怕乜嘢擲蕉之類嘅沉悶動作,只代表香港人普遍政治水平有待提升。

7 則迴響

Filed under 香港政治

7 responses to “控制混亂秩序

  1. nightingalelin

    世界向來都係有能者居之。
    有班教友話我地成日反對回歸,叫我地靜d。當我地談論中國四大發明︰民主、人權、自由、平等時,又叫我地收聲,仲話返我地成日亂做決定,好易由一個邪惡落入更加邪惡中。
    咁回歸,算唔算亂做決定呢?
    講返轉頭,你以為家陣係港人治港,或者係中國人治港嗎?我地的領導階層全都係外國人來。單眼成都係加拿大人,總自大到中國人終於站起來。
    要打走佢地,首先要提升港人的素質。唔係港人點治港呢?京官治港都唔啱,一個人係唔可走另一個人的路,所以祈望京官治港簡直連殖民地的總督都不如。

  2. nightingalelin

    世界向來都係有能者居之。
    有班教友話我地成日反對回歸,叫我地靜d。當我地談論中國四大發明︰民主、人權、自由、平等時,又叫我地收聲,仲話返我地成日亂做決定,好易由一個邪惡落入更加邪惡中。
    咁回歸,算唔算亂做決定呢?
    講返轉頭,你以為家陣係港人治港,或者係中國人治港嗎?我地的領導階層全都係外國人來。單眼成都係加拿大人,總自大到中國人終於站起來。
    要打走佢地,首先要提升港人的素質。唔係港人點治港呢?京官治港都唔啱,一個人係唔可走另一個人的路,所以祈望京官治港簡直連殖民地的總督都不如。

  3. nightingalelin

    麻煩幫我刪第一個post,謝謝

  4. 持書者

    請定義有能

    係中國 有能者 即是能以力雄人 以財買人 以位壓人 以權抓人

    放棄(用武力?)對抗. 即是弱者

    講完

  5. HighLamb

    西方國家最有力的係套制度,並唔係"能人",文內所講的議會也是制度。

  6. dbdb

    一些運動, 扯衫是很平常,如果你要扮斯文,玩唔起,唔好玩囉!有D地方,可俾球證吹死,兩種情況,一邊根本無足夠實力玩,話人粗暴囉,但他有渠道參賽,吹呀?如果有食力,所謂粗暴,就不是話題了,結果是一場好波

  7. urbane peasant

    從劉江華同黃副局長的發言就看到何謂歪理,他們似乎是測試港人的智慧和對民主的認知,若如此被蒙混過關,加上民主黨的羊頭狗肉,香港民主進度必然倒退。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s