坂本龍馬嘅重要性

喺香港政局越嚟越膠果陣,係時間有時睇番歷史,同其他國家嘅文化,免得自己血壓上升,但對事情一啲益處都無。

喺去年休博日後,香港局勢惡化到變一舊膠咁,基本上講乜嘢修修補補方法都係多餘,比較實際嘅,可能係諗吓嚟個大破之後再嚟個大立。

而明治維新,係小弟一直留意嘅重點,特別坂本龍馬。

喺論述上,坂本龍馬有兩個重要貢獻,一個係提出船中八策,今日日本嘅憲政架構,都離唔開船中八策嘅大框架。一個就係提出日本國嘅理念,令大政奉還明治天皇講得過去。

日本國呢個理念,係源自大明帝國亡咗之後,大明帝國唔少學者流亡日本,最出名係朱舜水,佢幫德川光國編修用中文寫成《大日本史》(睇過《大日本史》原文就知,成本用中文文言文寫,本書唔係用日文寫),當時嘅理念係中華文化代表大明帝國己亡,中華文化正統由日本人繼承。但當時日本國論述未通行全國,至少對武士嚟講,佢地效忠佢地個藩,比成個日本國本身重要。

係坂本龍馬作為一個武士,提出一個「日本國」論述,咁樣日本嘅藩與藩之間嘅鬥爭,至變成一個全國性救國自強運動。坂本龍馬建構咗日本嘅全國定位,令明治維新有明確方向,同大清帝國由一個外族政權執掌,而中國人又無歐洲果種異國異族國王都接受嘅慣性,領導改革變咗方向不清截然不同。

香港人,係時候諗清楚自己定位,當然,大中國定位肯定係唔掂,明天再談。小弟高度建議各位,煲有線娛樂台播緊的大河劇《龍馬傳》,果段時間嘅日本史,對我們係極有參照價值。

7 則迴響

Filed under 東北亞政治

7 responses to “坂本龍馬嘅重要性

  1. v

    “而中國人又無歐洲果種異國異族國王都接受嘅慣性"
    你咪忘記大唐.

    HANOVER又好,菲臘親王又好,做英國皇帝,就算唔識講英文都要改名, 咁班女真人呢?

  2. Dick Ma

    香港政治:我現在覺得厭悶死了。財政預算案,之後反蝗蟲、反大陸孕婦來港的熱潮已過。派六千蚊的減民怨方案又沒完沒了。

    爆發點在今年六四七一嗎?我就看不出了。

    但是有個觀點想講,爆發時機要在下屆特首選舉前發生。因為中央內定結果是必然的事。鐵三角到位我想香港人到時想翻身也沒有機會!

  3. KLUST

    「咁班女真人呢?」
    他們喜歡漢文化,而滿語已……

  4. v

    佢地中意華夏文化, 但就學到半桶水,
    而滿語已入主中國, 化身為MANDARIN, 胡化中文.

  5. v

    耗唐人國力去滿足女真人一族之私, 老共都係學佢地啫.

  6. 持書者

    好多人企圖做緊呢樣野. 但係問題一路都係中國人對他人既不幸有比較大的忍耐力….

  7. 「同大清帝國由一個外族政權執掌,而中國人又無歐洲果種異國異族國王都接受嘅慣性,領導改革變咗方向不清截然不同。」

    都唔完全係,都接受滿清咁多年。
    又,歐洲d異族國王係入鄉隨俗,唔係迫人剃髮易服呢。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s