呢單嘢政府無理由唔查

葛輝:劈炮因政府操守有問題
2011年05月10日

【本報訊】前任政府資訊科技總監葛輝( Jeremy Godfrey)今年初突然劈炮,外界一直指是跟政府在「支援上網學習計劃」招標過程中明益民建聯有關。他日前去信立法會披露,辭職其實是與政府操守問題有關。

葛輝上月 18日去信立法會資訊科技及廣播事務委員會,反駁政府今年初公佈他辭職是「私人理由」,強調辭職是與政府操守問題有關,跟自己的健康與個人生活無任何關係。不過,他稱因為自己是前公務員,所以除非得到批准,否則不便透露任內的工作詳情,但強調政府今年 3月 14日在委員會就「支援上網學習計劃」的解釋有誤導,也對他個人的專業生涯構成不良影響。

謝曼怡出手 疑明益民建聯

委員會昨日開會討論,民主黨李永達表示,若委員會不跟進事件,政府又不批准葛輝透露內情,他在取得該黨支持後,將會在立法會大會提出討論,並擬引用《立法會(權力及特權)條例》,要求葛輝披露更多內情。他指支援上網學習計劃可以讓有民建聯背景的機構,在今、明選舉年上門直接接觸受助家庭,難免令人質疑政府是明益民建聯。

去年共有五間機構獲邀提交計劃書,原本社聯得分最高,但負責招標的政府資訊科技總監辦公室,罕有地要求社聯與得分第二高的「信息共融基金會」合作。政府今年 3月解釋,為期五年共 2.2億元撥款,已平均分給兩個機構,社聯負責 10個區,民建聯負責 8個區,今年 9月開始提供上門支援服務。

信息共融基金會由互聯網專業協會籌組成立,協會主席是民建聯核心成員葛珮帆,去年中標時,成立未夠一年。知情人士指,如此新的公司獲批政府合約,甚為罕見,而當日向葛輝施壓要求兩者合作,是其上司、商務及經濟發展局常任秘書長謝曼怡。謝曾任特首辦常秘。政府發言人表示,因公職而取得的政府資料,只可用於核准用途,但不評論葛輝個案。

單嘢依家好簡單,葛輝堅持英國文官一向專業精神,有啲嘢唔做得就係唔做得。而成個乜嘢支援上網學習計劃,懷疑變咗民建聯同iProA一齊食納稅人夾棍嘅以權謀私事件,小弟有幸己經退出iProA執委,保住咗清譽。

呢單嘢,要立法會用權力及特權條例介入有難度,因為民建聯有太多議席,連個主席都係民建聯,大家都知道呢班禮義廉,為咗權力乜底線都唔會有,你要佢地避嫌?你睇班友喺啲業主立案法團嘅表現都估到佢地會唔會咁做。

所以呢單嘢要老廉跟,老廉唔跟就要上街,否則,香港會出現好多台灣式貪腐案,乜呢個城市仲住得人?

12 則迴響

Filed under 香港政治

12 responses to “呢單嘢政府無理由唔查

  1. Bravo! Jeremy Godfrey. We need more righteous people like him in the Admin Office.

  2. dbdb

    禮義廉出沒注意

  3. 招標過程在政府及公營機構都很重視. 要求社聯與得分第二高的「信息共融基金會」合作是很罕有的. 一定要有足夠的Justification才能批准的. 如果招書是以專業及價格為準則, 社聯在專業上有可能不及iProA但價格平.
    以我參與學會多年的經驗, 學會很少會組織新公司來投標或學會本身參與投標. 在執委開會時多數不支持.
    提外話:
    鄧淑明博士是iProA的會長. 我在PolyU學GIS時, 用過她的產品. 我相信iProA的專業性. 他們都支持過譚偉豪. 本人是HKIE會員, 因支持香港要有科技局, 順理成章支持譚偉豪. 不知道譚偉豪有什麼過失? 令到黃兄對他有很多批評.
    我在科學園間中有見到他, 發覺他很重視立法會的工作也很忙. 他間中有抽時間在科學園收集專業的意見. 我也有看莫乃光的文章, 有些有認同. 不過不知道他在IT/科技界的貢獻.

  4. martinoei 黃世澤

    好多嘢我都唔以insider自居。但作為iProA嘅前執委,我對EQ,鄧淑明呢班友嘅認知會多過QA好多。

    呢班iProA中人唔係同莫乃光一樣真係科技人,喺iProA,係得為慧科打江山的林永君真係tech佬,相當大部分係Sales佬,由一群Sales把持嘅會。為求合約,擦中聯辦鞋唔駛講,佢地亦唔會在乎社會公義,民主發展。

    譚偉豪只係廠佬,條友係IT界Johnny English嚟。莫乃光真係做IT,因為HKNet係佢創辦,唔識互聯網點搞個ISP出嚟。

  5. Bankers' Arms

    鄧淑明, ESRI果條中女嘛… 成日上報話自己點成功點白手興家…

  6. Alienz Thame

    我睇唔明譚偉豪點解會係IT人,講親IT野十句有九句講錯,信佢真死得人多。不過呢樣都唔係問題,我唔會問佢求專業意見。但係依家佢代IT界係立法會發言就真係好有問題,完全代表唔到我地。

  7. Chan Tai

    題外話:
    商台報導 : 蘋果收購Skper 有冇攪撚錯呀http://www.881903.com/Page/ZH-TW/newsdetail.aspx?ItemId=361678&csid=261_368
    喺地铁列車上睇見以為眼花!

  8. Chan Tai

    Sorry! 打錯" Skype"!

  9. aLeX

    Chan Tai,
    唔係MS 收購Skype 咩?

  10. aLeX: 他指是商台報錯新聞。

  11. Chan Tai

    Zeus Cho
    you get my point

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s