悲劇由恐怖襲擊開始

繆美詩:大婚後記

本來威爾斯親王查理斯咁慘烈嘅婚姻,由林忌寫比我熟行,因為我個人對皇室嘅嘢無咁仔細研究。但係Rachel喺報紙都提到卡米拉嘅婚姻,好多只係睇開八卦新聞唔明點解要祝福呢段婚姻果陣,我覺得有必要簡單講吓成件事來龍去脈,查實查斯理最後選擇卡米拉,撇除憲制爭論因素不計,至係正確嘅決定。

喺查理斯同戴安娜拍咗一個月拖就結婚前,查理斯尋尋覓覓過唔少女子,無佢個仔威廉王子相對一帆風順。查理斯係同The Lady Elizabeth Sarah Lavinia McCorquodale,即係戴安娜個家姐拍過拖,不過條友就好似依家香港啲二三線姐仔,或者二三線哥仔咁,同王子拍拖就主動報俾狗仔隊,當然結果唔駛講,就係散咗。

而查理斯一直都好敬重蒙巴頓勳爵,亦即係大家所知喺二次大戰指揮東南亞各大硬仗,後嚟做咗印度獨立首任總督果個蒙巴頓勳爵,而查理斯果陣己經同蒙巴頓勳爵嘅孫女Lady Amanda Patricia Victoria Knatchbull拍拖,甚至準備求婚。只不過,1979年8月27日,蒙巴頓勳爵,同埋Lady Amanda Patricia Victoria Knatchbull嘅細佬,被Provisional IRA,一個比IRA仲激進嘅恐怖組織利用遙控炸彈炸死。因為喺IRA以至果啲分裂出嚟嘅組織係又炸,唔係又炸嘅年代,做皇室成員係搵命搏,亦因為咁,Lady Amanda Patricia Victoria Knatchbull拒絕王子求婚,果陣王子人生陷入低潮。

喺呢個人生低潮嘅時候,查理斯遇番戴安娜,戴安娜果陣又肯勸解王子,查理斯就唔理戴安娜究竟啱唔啱自己,亦唔理戴安娜細佢十三歲,亦唔理戴安娜根本係個唔定性嘅細路,拍咗拖一個月就求婚。當時女皇本來唔批准,但查理斯發晒爛渣,女皇最後都要批呢段婚姻,成個大頭佛就咁搞出嚟。

所以後嚟查理斯嘅多年朋友卡米拉介入呢段婚姻,變咗唔出奇,因為卡米拉識查理斯在先,了解查理斯成個人究竟面對乜嘢世界。但係又唔好彩係,戴安娜呢個人,又喺對外活動等方面,給予英國以至世界其他國民對英國皇室唔同嘅印象,變咗「人民王妃」。加上英國國王本身有係聖公會最高首領,變咗一個原本就王子係解脫嘅婚姻,喺外人眼中係不可原諒。

由維持我國以至英聯邦諸國君主制嘅角度,純粹政治現實考慮,查理斯繼承王位當然唔理想,一方面會引發憲政爭拗,英國憲制果啲古老石山係唔掂好過掂,另一方面,人真係膠嘅,唔係咁多人理解查理斯係應該有權揀過個思想同自已啱嘅人做老婆。但抽出政治同君主立憲元素,卡米拉同查理斯呢段苦戀係應該修成正果。查理斯一生都面對膠事好多,婚姻一鑊泡,自己恩師被恐怖分子炸死,自己做咗儲君做到頭髮甩晒都未做到國王,最終能夠同卡米拉一齊係對佢人生一個補償。

如果我個人睇法,查理斯都應該繼位,咁樣至對佢公平,但可能佢係做短暫嘅國王(例如幾年),等威廉王子可以準備好後,就讓位俾威廉王子,可能係一個兩全其美嘅安排。政治現實係,英國以至澳、紐、加等地有一打人唔接受卡米拉,呢個世界明白事理嘅人又有幾多?

1 則迴響

Filed under 英國與歐洲

One response to “悲劇由恐怖襲擊開始

  1. 飛蚊導彈

    “查理斯係應該有權揀過個思想同自已啱嘅人做老婆"這一句我認同.
    不過做人有得必有失,當年他的叔公愛德華八世也因為要娶離婚女人而退位.
    以現在查理斯的情況,當"事頭婆"百年歸老的時候也應該立即讓位予威廉.

    曾經有人向歐洲人權法庭要求推翻"天主教徒及其配偶不得承繼皇位"的規定,
    結果被歐洲人權法庭拒絕,指"繼承皇位並非基本人權". 既然繼承皇位並非天賦的權利,要求查理斯承繼時立即讓位予威廉並非對查理斯不公平.

    而這個也是影響最少的辦法.

    順便一問,SNP在蘇格蘭議會似乎已經剛剛過半,會否加快"蘇獨"進程?
    蘇格蘭要爭取獨立,下一步應該怎做?

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s