決戰新加坡東岸

2011年新加坡國會大選,唔係平日嘅沉悶,不單除咗丹絨巴葛集選區,其餘各區都全面開戰外。而新加坡東岸六個選區的大混戰,亦可能改變新加坡政治格局。

大混戰六個區由兩個單議席選區(後港、波東巴西),以及四個集選區(阿裕尼、馬林百列、碧山大巴窰、東海岸)組成。

本來大家焦點在阿裕尼-後港之戰,因為劉程強決定領軍攻打阿裕尼,決定賭一鋪,成為成場戰事重心,如果後港同埋鄰近的阿裕尼都一併勝出,工人黨差不多在東海岸地盤穩固。而原本行動黨嘅算盤,就係全軍集中火力捍衛阿裕尼。

只不過,詹時中同埋Nicole Seah,將行動黨的美妙算盤完全打破。如果全部有人選,但全部弱軍就小事。但馬林百列集選區嚴重出狀況,我喺新加坡嘅狗衝政治都講過,PAP出件敗家女嚟選,而國民團結黨本來有謝鏡豐,依家又出一件Nicole Seah,Nicole Seah又有政治天分,結果馬林百列完全陷入苦戰。如果話楊榮文唔輸得,好明顯吳作棟資政輸咗仲大鑊,行動黨無辦法完全將兵力集中在阿裕尼作戰。

而另一出狀況係詹時中孤注一擲攻碧山大巴窰,因為詹時中好大機會最後一戰,他決定走出波東巴西,帶領人民黨子弟兵向鄰近碧山大巴窰進發,畢竟劉程強敢打集選區詹時中唔肯,人民黨就乜地位都無。本來馬林百列無出狀況無所謂,但馬林百列打出意外,碧山大巴窰根本無人防守。而同樣,東海岸集選區,本身鄰近後港同埋阿裕尼,好易受影響。結果行動黨光應付新加坡東岸一堆選區己經好唔得閒。

所以呢次新加坡大選賽果難料,因為行動黨要照顧太多戰區,而太耐無打硬仗,個個都打到生銹,而新加坡人民嘅怨氣又一次過因樓價、水浸等問題湧出來,今日係冷靜期,但冷靜期內反對黨支持者一般比執政黨活躍,隨時陰溝裡翻船。行動黨可以繼續執政,但如果當反對黨係流嘅,似乎亦無乜可能。

7 則迴響

Filed under 南洋政治

7 responses to “決戰新加坡東岸

  1. Sam

    官方傳媒偏幫PAP固然不可取,
    網上平台雖有較多支持反對黨聲音,
    但這些意見,最終是否能轉變為選票,
    這部份仍是未知之數.
    所以這次選舉最終結果如何,實在難以預測

  2. 行動黨昇平太久,很多議員根本沒足夠的政治經驗。

    無論結果如何,這次已經是大變了。

  3. 飛蚊導彈

    看見黃兄的評論,還有新聞,感覺到李顯龍自從上台以後,
    好像問題多多,表現遠不如李光耀和吳作棟.

    其實吳李兩人決定"傳位"李顯龍的時候,
    有沒有考慮過他的能力夠不夠做總理?
    夠不夠帶領PAP長期執政?

    吳李兩人當資政又做過甚麼去"扶植"李顯龍?
    還是他們認為PAP建立的制度,真的好到
    任何人都可以代表PAP上台而順利執政?

  4. martinoei 黃世澤

    這不只是李顯龍的問題,而且PAP本身太耐無打過仗,啲內閣成員都無戰鬥經驗。

    政治判斷,係由實戰經驗得嚟,李光耀本人當然無問題,吳作棟都還可以,八十年代反對黨未死晒。但李顯龍呢啲主要政治生涯喺九十年代果批,就大鑊。

    仲有一樣嘢,佢地太低估劉程強,除咗李光耀。

  5. martinoei 黃世澤

    http://www.zaobao.com/special/singapore/ge2001/pages/ge051101u.html

    基本上,新加坡反對黨主打民生牌,正如我喺2001年聯合早報所寫。呢次PAP全部喺民生議題被人玩到謝。

  6. DFW

    但似乎最惹人爭議甚至令人反彈之言論,就係來自個兩位老人家。反而李顯龍「道歉」似乎更能爭取人民支持

  7. DFW

    吳資政仲話唔投其他人都要支持楊外長,PAP仲係好團結?

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s