湯宿爭取異性蛇以及異性同房事件

由香港果啲人嘅反應,小弟可以咁講,X光社呢類組嬂有市場,因為香港有班友諗嘢,離文明好遠。

先講異性蛇,我個人唔反對異性蛇,因為宿舍單位租咗俾學生之後,宿舍單位內嘅行為,除非涉及刑事,否則大學無權管一個成年人喺私人地方嘅行為。呢個原則,正係英國視個人住所為堡壘嘅基本法律理念。啲友仔話大學係咩嘢道德教化地方,乜乜物物,唔好意思,呢個大唔過基本嘅私有產權原則。只要同房同意,異性蛇無問題。

如果大學要禁止異性蛇,唯一合乎道理嘅做法係每年宿舍就等同大廈公契某啲條文進行公投,有八成居民支持就可以在某個時間禁止異性出入,但呢個連Common Room果啲地方都管埋,除非公投份「公契」寫得好精細。咁樣自然會出現一啲傳統上比較開放嘅書院、宿舍俾異性蛇,唔想住咁開放嘅,就自己揀果啲地方住。

至於異性同房,小弟認為可以接受,中大問題係當初宿舍規劃無諗過呢個問題。如果中大宿舍規劃果陣,可以劃出部分宿舍容許異性同房,咁就己經無異性蛇呢個問題,而且可以按傳統行事。例如新亞三棟舊宿舍,即係知行、學思同志文,學思一向保守到爆,咪繼續保守,知行素來都被人話de facto男女混宿,咁咪直頭規範化管理囉。又或者崇基學院以宗教理由唔參加咁嘅plan(變咗你入崇基果陣唔係只係貪船多),無宗教背景嘅書院可以自由行事。

特別大學生都係成年人,大學生嘅性問題唔到我地理,除非有人想喺香港重新引進Indian Penal Code 377之類惡劣物體,呢啲人送佢地去伊朗住算,適合做回教道德警察。

2 則迴響

Filed under 中文大學

2 responses to “湯宿爭取異性蛇以及異性同房事件

  1. Martin;

    我曾經在留學港大時住過醫院對面的宿舍﹐發現大部份宿舍每層只有一間廁所+淋浴。設計上實在甚難改為co-ed。住慣了加拿大這邊公寓(en-suite)式宿舍就發現香港大學的宿舍於“性”諸問題甚多﹕不單只是兩性(或同性)交往以至房事﹐有GID(性別認知’障礙’)人士更是在日常生活上左右為難(住哪層樓或許是更大問題)。這邊的大學和宿舍(兩個基構)都有個別的包容條例﹐以至針對co-ed生活的性教育(包聒免費避孕套在樓監房門外)﹐真天壤之別。

  2. michigan_8_mile_road

    係度有兩樣野想講

    我唔反對異性同房, 只要唔好影響到我既生活方式就可以 (e.g. 隔離房D 聲浪騷擾到我溫習, 或者我鐘意早訓, 果D 想纏綿既唔該去第2 度, 冇理由要我唔訓來就佢地)。香港既 Hall 唔同外國的 apartment, 你可以自己擁有成間房 + 洗手間

    ——> 特別大學生都係成年人,大學生嘅性問題唔到我地理
    我相信觀察多於理論, 恕我見識淺薄, 我所認識的大學生, 大多是生理上成年人, 思想還沒有到成年人的水平。雖然我地冇權去干預大學生既性問題, 但係咁唔代表佢地完全有能力自我管理

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s