德國缺乏勞動力

德國之聲中文部:德国对东欧8国公民开放劳动市场

有啲人或者奇怪,點解BN(O)居歐個案中,最多成功係德國,但呢段新聞,亦提供到答案俾大家。

本來德國要引入外來人才唔易,因為德文唔易學,本身係一個天然障礙。大部分東歐國家嘅勞動力,查實都去晒英國,變咗就算德國依家向A8國家開放,都仲係離餵得飽好遠。到2020年,最多都係一百萬人湧入,你話零零散散啲BN(O)入咗嚟,果啲對德國根本無太大負擔。

而且歐盟公民入嚟德國前,一係本身仲有買喺原本歐盟國家嘅醫療保險,一係就喺申請自由行動證書之前,就買咗醫療保險,即係呢班友唔會對德國構成實質負擔。比起非歐盟公民,歐盟公民好用好多。呢個亦係英國限制移民重點係限制中國等非歐盟國家嘅友仔,歐盟國家基本上來者不拒。

點解啲人話歐洲幾唔掂幾唔掂,德國都搞到唔夠人,因為德國仲有穩固嘅工業基礎。正如法國,佢幾膠都好,法國嘅工業同手工業基礎穩如泰山,中國點山寨都山寨唔到。你講緊頂級機器,唔係向法國買就係向德國,就係咁簡單。就連荷蘭嘅工業基礎都好過英國,而荷蘭失業率仲處於低水平,所以德語系幾個國家,根本不在乎幾多歐盟公民湧入,更加唔好講行得走得可以去到歐洲未必夠幾十萬人嘅BN(O)。

而英國點解金融風暴重創,因為新工黨當年犯嘅最大錯誤,就係一味向金融發展,無重新搞番好工業同農業。特別作為工業基礎嘅公路建設,英國仲衰過香港嘅,咁仲有乜好講?英國唔少勁嘅科技、工業公司,唔係俾法國買咗,就俾印度買咗,或者荷蘭買咗,咁有乜好講。

11 則迴響

Filed under 英國與歐洲

11 responses to “德國缺乏勞動力

  1. Pierre Cheung

    To: Martin

    英國近年投資最多係醫學工程,衛生工程,藥物工程,生化工程,政府同 private每年投資呢啲工業項目都一直增加。英國人疑心大,又怕死,加上海島人個性,當然非常重視 health & safety 同自給自足。英國一直堅持用英鎊,亦係同樣道理。英國人非常注重健康同醫藥問題,英國有啲先進藥物連香港臨床都未做,莫講衛生署批准同列入醫管局名冊。另外足部護理醫師,講公家,全港只有30位,平均23萬人口對一位。英國每5千人就有一位,而且只係指門診比率,醫院仲有顧問同臨床專家,但係香港就連有關配套同教育培訓都仲未有。另一個係航運運輸業都發展得唔錯,之前有提及,英國幾十年前就係試圖主力發展汽車公路運輸,放棄鐵路同水路運輸,但係後嚟發現社會成本比軌道運輸成本更高,所以廿年前開始轉過嚟再發展鐵路同水路運輸。連帶發展造船,造車,造貨櫃業一起發展。至於英國農業,工業一直主要針對國內市場自給自足,而且英國一向都好推動國人用國貨,以及天然、人道、有機生產嘅漁農牧產品,由其各大超商推廣,當然最落力推動嘅係M&S。另外好多香港人唔知,英國仲有自己製衣廠,各類製造廠。英國唔係有各式各樣工商業發展,係好多產品係針對內銷,當然香港好少人會發覺到。

    英國有一樣永不外求,就係醫藥產品,英國藥物成品同原材料永遠英國國內生產,就連製藥嘅罌粟,古阿鹼,大麻,以及草藥,都要有專有農場種植,英國人做嘢永遠小心到加零一。你可能睇英國無咩發展國際市場,但佢有一定份量嘅內銷市場。英國唔係香港,香港人就一定要買來佬貨,認為先至係好嘢。但係英國人反而驚外來貨影響自己嘅健康,好似毒死英國人嘅心態。

  2. Pierre Cheung

    *英國係有各式各樣工商業發展,只係好多產品係針對內銷,當然香港好少人會發覺到。
    (之前打錯,現在改正)

  3. CHUNG

    次次去英國旅行入境IO似審犯有寶咩…一個自私的國家..由BNO對港人的無負責任看的出來..連葡國都不如

  4. martinoei 黃世澤

    To Pierre:

    我知英國仲有針對內銷嘅工業,雖然我平日食嘅用嘅好多仲係英國貨,例如Imperial Leather(即係加信氏)洗手液、舒適達牙膏等等。但同德國比,喺解決失業問題上效果差好遠。

    正如英國藥物係market leader,你睇一間Glaxosmithkline就知,但係夠唔夠德國爭,德國喺化學工業嘅基礎大家都知深到乜程度。

    當然,英國島國心態,香港要有學習嘅地方,香港無自主農業,問題極大。(講真有得揀,新鮮食物應以本土生產為主)

  5. CL

    其實德國的外地移民不比英國少。看看 wikipedia 的 Demography of Germany 和 United Kingdom 比較一下,德國有 92% 是德國藉公民,但當中 10% 有移民背景,還有 8% 不是公民的外地人,土耳其人特別多、希臘、波蘭和其它東歐國家也很多。對於這些國家的人,學英國和學德文都是要另外學一種語言,學德國不一定比學英文難。而英國 85% 為英國本地人,5% 來自歐洲各地,其餘最多的移民是印度、巴基斯坦。

    我曾聽過德國朋友討論,說他們也很討厭外地來的移民。情況有點像我們不喜歡蝗蟲一樣,土耳其人和其它移民提供了勞動力,但也搶走了低下層飯碗,而且文化上未必能融入社會。猶其是伊斯蘭教徒,造成各自分隔的社區,對社會穩定有很大威脅。所以之前德國總理、法國、英國先後都說 multi-culturalism 是失敗的,主要針對中東移民而言。德國開放給東歐 8 國勞工,卻不一定歡迎其它國家的人。

    之前去西班牙旅行就發現原來西班牙的外地移民也很多,極多由南美洲前殖民地來到西班牙工作的人。基本上西班牙語是世界第二大語言,他們西牙語系的國家自己同自己玩都已經可以好大巿場,不太需要學英文。它們之間的關係類似英國的 common wealth,而南美洲也似乎很有可能會出現類似歐盟的同盟,共同發展的可能要比東亞共榮圈的可能大得多(中台日韓似乎只會是競爭的對手而不會是同盟。)

  6. Pierre Cheung

    To: 香港直至1980年代初,英屬香港政府都一直維持英國自給自足政策,我幾歲時曾經目睹過,不止新界離島,港島九龍仍然有人經營漁農牧業,政府漁農署同嘉道理農場亦有做補助,培訓同研究。只係中英聯合聲明後,限制香港土地供應,又批准大量大陸人去香港定居,之後佢地又帶大量大陸人去香港定居,狀況循環不息。加上中國慢慢增加漁農牧產品同食水去香港,一來賺外匯,二來令香港响食物同水源續漸完全依賴大陸,形成今日局面。香港已經捭大陸完全控制,要香港回復以前嘅自主,响現實上已經冇可能,正於英籍平權一樣,香港人冇好好把握最有利嘅時機去爭取一樣,總一廂情願以為自己係皇帝女,唔休嫁一樣。可惜當對方搵到另外解決方法嘅時候,佢地先知失策,之後再去搵對方傾嘅時候,已經到冇辦法挽救嘅地步。

  7. Bankers' Arms

    That’s the reason why Chirac vetoed the takeover bid of Danone, milk food company giant, in 2006 and Sarkozy bailed out the engineering firm, Alstom, in 2007. They know what it means to target company after takeover. All the established culture, advantages, and even know-how will drain away. Stories of M&A in US usually tell 1+1 is less than 2. Especially in the case of engineering firm like Alstom, they overrun the cost very easily when they pursue pioneer project of new technology. So it is rather unjust to let this kind of company “fail" due to “market ineffectiveness". But time will tell whether the bailout decision is correct or not. Alstom thrive nowadays by winning many projects in China and Russia. Technology preservation often outweighs the so-called “moral hazard". Nation states like France and Germany are very mature to keep arms distance with the concept of “free economy".

  8. Bankers' Arms

    FYI, GSK is already among top 3 pharmaceutical companies : Pfizer, Sanofi, GSK

    But letting so many national industrial champions down is one of the worst legacy of Thatcher’s Big Bang era

  9. alvin

    @Pierre Cheung “香港已經捭大陸完全控制,要香港回復以前嘅自主,响現實上已經冇可能,正於英籍平權一樣,香港人冇好好把握最有利嘅時機去爭取一樣,總一廂情願以為自己係皇帝女,唔休嫁一樣。"

    香港欠缺嘅係一個有政治遠見﹐又有政治野心嘅正宗政治家﹐三十年前港英時代冇﹐依家更加冇﹐隨民意擺嘅政客同煽動家就大把。

  10. Bankers' Arms

    中共及港共正係想港人自忖"皇帝女,唔休嫁", 使港人麻痺意志, 耽誤時機, 使中共更加方便利用或掠奪香港資源

  11. MO

    有BNO,如何在德國工作/居留?

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s