高官不知足

繆美詩:長俸高官

海事處前助理處長退休後去信德返工,政府唔批仲聲大夾惡呢件事,我都想出聲好耐。

英國人發明長俸制目的,除咗高薪養廉,仲有一樣,就係唔想你退休後再入職私人機構,特別華人高官。英國嚟嘅官一般退休返英國本土,佢地返到去除咗退休真係無嘢做(做上議院終身貴族另計)。但華人入一職商業機構,用埋自己啲關係玩嘢,delay interest就咁出現。

信德中旅船務係經營港澳噴射飛航,同呢條友過往喺海事處人事網絡無關?你呃鬼食豆腐?

問題係,近年有啲退休公務員,學晒梁展文咁,無恥無極限。好似梁展文可以公然入番新世界做嘢,小弟覺得呢條友知唔知個醜字點寫架。由小弟喺商台做果陣,紅灣半島同佢開file到依家,佢條友一啲悔意都無,咁都得嘅?(2004年2月,小弟喺每日報告建議大班長期追殺紅灣半島事件,成件事就咁開始)

雖然警務處長在任期間被人媽叉多,但李明逵同鄧竟成無意入私人機構,退休就係退休,值得尊敬。王永平平叔在任期間都經常被人插,但退休後喺大學教公共行政,更點出唔少政府嘅錯誤,陳太位處政務司司長之尊,更加投身民主運動,我相信香港人要係呢種退休官員,而唔係梁展文同秦炳輝呢種人。

1 則迴響

Filed under 香港政治

One response to “高官不知足

  1. Pierre Cheung

    香港公務員退休長棒基金制度係由英國全民退休基金演變而嚟。

    英國人嘅制度係唔會咩都上晒身,萬一爆煲都唔會燒親自己。通常呢啲福利都係由政府基金形式運作,所以公務員嘅長棒唔係全部都係納稅人嘅錢,大部分係由基金回報所發放。

    另外昔日英國人曾經打算响香港如同英國一樣實行全民退休金計劃,早期亦响行政局同立法局討論同爭辯過,最後係中國人大力反對,由其昔日中國工商界人士,所以英屬香港政府就設立公務員長棒制度,英資同外資工商界就建立公積金制度。所以唔係英國人縮骨,係當日中國人唔想承擔太多,先將全民退休金計劃 (National Pension Scheme) 胎死腹中。

    仲有另一樣係,英國人係好注重生活嘅品質,但係中國人只係一直尋找搵錢嘅機會啫。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s