激戰阿裕尼

新加坡將喺5月7日上演離開馬來西亞以嚟最激烈嘅選戰,87個議席,除咗李光耀領軍嘅丹絨巴葛集選區五席,因為反對派有人膠咗就不戰而勝外,其餘都會有人爭。

但真正焦點嘅選區只得一個,就係工人黨劉程強自己放棄據守廿多年嘅後港單議席選區,交俾工人黨其他人守土,佢自己聯合林瑞蓮同陳碩茂,攻打行動黨楊榮文准將領軍嘅阿裕尼集選區,2006年大選,工人黨喺阿裕尼集選區得到百分之四十四,即係話,工人黨有機會攻破呢個集選區。

如果阿裕尼集選區工人黨取得勝利,就會打破集選區對反對派不利嘅神話,新加坡可以緩慢向兩黨政治進發。

當然,工人黨呢幾年發展,同行動黨有啲相似,最似果樣嘢,應該係佢地選舉口號「邁向第一世界國會」,呢個口號當然好有效咁KO行動黨,但亦反映咗佢地思維同行動黨有相當共通點。佢地對內部安全法嘅立場(工人黨支持廢除ISA,但保留可以隨時拘捕恐怖分子嘅反恐法律,呢樣嘢喺南洋係無辦法),或者搵精英出嚟打,都反映未來兩黨制嘅新加坡可能係同英國一樣,英國無錯係工黨大戰保守黨,不過班友都係牛劍出嚟嘅精英。新加坡日後可能係工人黨大戰行動黨,但兩個黨都好似樣。

呢次新加坡大選,值得觀察。

6 則迴響

Filed under 南洋政治

6 responses to “激戰阿裕尼

  1. DFW

    行動黨有心打, 叫唔郁其他人, 都可以一早叫李光耀出面打啦, 甚至劃界個陣消滅阿裕尼都得, 問題係佢暫時未出陰招, 可能一來怕因小失大, 二來真係懷疑係咪有點不便言明的盤算, 順便向全世界證明「新加坡係有民主架」!

    或者你分析都對, 有兩黨政治, 保唔住個黨, 都可以保住新加坡 (有d似蔣經國晚年?)

  2. 飛蚊導彈

    人民行動黨可以獨攬大權,其中一個方法就是對
    行動黨控制的地區跟反對黨控制的地區搞"親疏有別",
    故意在政策上厚待行動黨控制的地區,卻針對反對黨控制的地區.

    這樣做連在對手地頭搞婦女會"插旗"的伎倆也省下了,
    比淫賤聯的手段更高明,也更有成本效益.

    難怪大陸一路想找出新加坡,有民主之名卻沒有民主之實的竅門,
    好讓共產黨在維持一黨專政的時候,同時也可以向國際社會交代.

  3. martinoei 黃世澤

    To 飛蚊導彈:

    但這招今年阿裕尼很難行得通,講真,李光耀這次講出反效果。

    劉程強不是其他反對派,後港選區劉程強得票是一屆勁過一屆,因為後港人發現行動黨真的可以做到不照顧嗎?真的要執政當局照顧才能翻新組屋嗎?事實不然,新加坡選區市鎮理事會權力是很大。

    加上這次工人黨的候選人,三個都是部長級(劉程強、曾任警察督察的林瑞蓮,以及陳碩茂博士),阿裕尼市鎮理事會可以管得好。我是行動黨,不會講李光耀那番舊話。

    講真,如果我是李光耀,我寧可放手看看李顯龍的能力。

  4. 飛蚊導彈

    而行動黨對政治活動的限制(像反高鐵圍香港立法會這樣,去圍新加坡國會,
    小則告非法集會,大則當作恐怖分子用反恐法拘留,還有像23條一樣的ISA),
    就算當區居民被政府針對,也敢怒不敢言.

    加上反對黨在議會處於絕對劣勢,議員也幫不了他們,
    改善情況的唯一方法,就是等待下次選舉選回行動黨.
    所以新加坡人當然一面倒支持行動黨,因為他們認為這樣才可過穩當的生活.

  5. martinoei 黃世澤

    To 飛蚊導彈:

    有時候,南洋人不歡迎外人評南洋政治,因為往往用自己的政治偏見去看問題。(這也是我是《聯合早報》唯一獲邀評論新加坡政治的外籍評論員,包括高度敏感的Singapore Penal Code 377A)

    新加坡近廿年用ISA都是拉真的恐怖分子,就算工人黨政綱,都指廢ISA後,都要保留某些法律,用以迅速未經審訊拘留部分恐怖分子。

    事實上後港和波東巴西證明,選反對黨議員沒有什麼大不了。相反,過往反對黨議員水準太不濟,工人黨是少數及格。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s